باتيسري بالشوكولا رائعة و ساهلة و بنينة

[walido2011]

السلام عليكم اليوم درت باتيسري بالشوكولا رائعة و نشالله تعجبكم






بالنسبة للمقادير: أنا درت في وصفة سابقة مقادير الجينواز و كريمة الزبدة في هاد الرابط



https://www.djelfa.info/vb/showthread.php?t=1771856



فقد في هاد الوصفة عملت جينواز بالشوكولا يعني زدتلها الكاكاو نحيت 2 مغارف كبار فرينة و عوضتهم بالكاكاو، أما كريمة الزبدة درتلها 2 مغارف كبار كاكاو و زدتلها 2 مغارف كبار نوتيلا إختياري نتوما و الذوق لي تحبوه.


نصيحة: الجينواز حضروها ليلة من قبل و إلا راح تاخذ معاكم وقت لأنها تتفتت فمن الأفضل تحضيرها من قبل.


و الشاربات درتلها كاس سكر 2 كيسان ماء و شريحتين ليمون و نخلوها تعقد شويا.


نقسم الجينواز على ثلاث قطع نشرب كل قطعة و نمسحها بالكريمة و نغطيها كامل بكريمة الزبدة.




نحطها فالثلاجة و نخليها.

نحضر الجاناش بالشوكولا:

150 غ شوكولا سوداء

150غ كريمة سائلة

50 غ سكر

100غ زبدة




نضع الكريمة و السكر فوق النار نخليها حتي تغلي و نرميلها الشوكولا كي تذوب نحيها و نضيفلها الزبدة و نحركها حتي تبرد، نخرج الكيكة من الثلاجة و نرمي الشوكولا من فوق و نخلوها تسيح على الجوانب بدون ما نلمسها و مانغطوهاش كامل



و صدقوني بزاف بنينة أتمنى أنكم تجربوها و تدعولي بالنجاح و التفوق في دراستي و مستقبلي انشاءالله
.