بلاد دبلوم جامعي

[planet07]

عمري 36 سنة اعزب متحصل على شهادة تقني سامي اعلام الي
قريبا تنتهي 6 سنوات عقود ما قبل التشغيل
يعني 6 سنوات انا اخلص في مليون الشهر
عيشا ظناكا
درت باك حر 04 مرات
في 2013 تحصلت على باك لغات اجنبية والأ ن ادرس ثاني جامعي ليسانس فرنسية

شوفتوا لما قراش في وقتوا واش يصرالوا ويتمرمد كي حالي


بلادنا تع دبلوم جامعي سوى ليسانس او مهندس بالرغم من البطالة لكن جي يوم يخدموا بدبلوماتهم ويترقوا



كي حالتي تقني سامي اعلام الي ابقى تراوح في بلاصتي


معظم صحابي قراو علا رواحم ودوا الباك في وقتوا

لي عندو شهادة ----------------------ليسانس ولا مهندس

المهم لي قرا علا روحو عندو امل يخدم حتى في الخارج ولا يكمل قرايتوا لمن يستطيعوا

نتمنى راكم فهموتوني


السلام عليكم

[nesma.23]

يا اخي اسمحلي ولكن نضرتك خاطئة للحياة

كل واحد ونصيبو في هاد الدنيا ساعطيك مثال انا عندي ماستر 3 سنوات بطالة لم استفد من اي شيء حتى diap و ما استفدتش منها راني متعلمة ومستواي جيد جدا و ربي ليعلم و لكن كيما يقولو هاد لقماش في بلادنا
يا اخي هادي ارزاق وكل واحد ياخذ قسمتو و لكن باش تقلي انهم يحوسو على واحد متعلم راك غالط

ربي يثبتنا و يرزقنا من حيث لا نحتسب

[hussam19]

بارك الله فيك اخي
الارزاق بيد المولى عز وجل والدنيا دار غرور والا لما يكون جهال القوم من يتحكمون في أجيال من المثقفين المتعلمين.............................

[غليزاني 26 سنة]

و الله الجامعيين ماراهم يسواو والو في هاذي البلاد
للاسف حق الجامعي ضاع مع هذا الجائر

[planet07]

لم اكتب الموضوع من باب الحسد
لكن مجرد احكي
ثاني تهاون الانسان يجعله يتعب في كبره
واحتقار وتكبر الجامعيين للدين اقل مستوى منهم
لقد عشت الظروف مع اصدقائي والاقارب
مجتمع لا يرحم

[ريمة5]

انا امالا عدت نشوف لي عندهم ديبلوم جامعي يروحو يديرو تقني سامي
بلاد ماتفهم فيها والو كل التخصصات تشكي من انعدام العمل
لي عندو معرفة يخدم ولي ماعندوش في لبلاد هذي يا يكون بروفيسور وما يلقاهاش

[sadjah]

mon frere rak ghalet ni licence ni walo kol wahed w zahro w kol wahed w jebehto kima tgolha mama ana j'ai la licence en anglais depuis 7 ans ni khedma ni zwaj ni walo rani kraht rani khayfa troh 3leya w ana hakda

[أحمد زابانة]

معك حق أخي الكريم ، كما يقال العلم في الصغر كالنقش على الحجر و العلم في الكبر كالنقش على الماء .
- هذا فيما يخص طلب العلم / أما فيما يخص العمل فالفرص ضئيلة جدا للجامعي و إلا لماذا نحن ثلة نمثل عمال عقود ما قبل التشغيل و لم تستطع الدولة تثبيتنا في مناصب دائمة و لا تزال تصر على سياسة الترقيع .
فيما يخص العمل لا يوجد أفضل من ذلك الذي يمتهن حرفة كإصلاح السيارات و البناء و الحلاقة و ترصيص أنابيب الغاز و المياه ..... مثلا .