اقتباس:
المشاركة الأصلية كتبت بواسطة أم فاطيمة
السلام عليكم يوم موفق
الاخت حبيبة ربي يجازيك و يحققلك واش تتمني لكان على الرسائل انا ما نتفكرش بزاف عندي زهايمر بصح عجبتني فكرة جول الاسبوعي لان التفكير في الغدا و العشا يرفعلي الضغط بعيد عليك
الاخت لبتول ربي يقويك و كثري من الاستغفار و التقرب الى الله و الرقية الشرعية و ما تعمريش هدرت الناس لانها تزيد من الاكتاب
شي بيبا يعطيك الصحة على الاطباق و طريقة تقديمها
راني مزال معاكم و متبعتكم خطوة بخطوة اليوم نظت على 7 ما صليتش بسبب العذر دعاء الصباح و التوجه الى
الدوش التحدث مع النفس لبصع ثواني غسلت وجهي و عملت حمام زيت لشعري و لميتو و دخلت للكوزينة
وجدت شاي للزوج و حليب للولاد مع بيمو و دوزنت الكوكوت درت عدس يطيب ناظو لولاذ خملت الشنابر و مسحت
الارض وجدت قشي نتاع الحمام بعد ما وجد عدسي رحت انا و بنتي الصغيرة للحمام عملنا تقشير قلعنا الدود هههه
وو من بعد ما نشفت عمل ترطيب بزيت جونسونانشاء الله في المساء روح نقص شعري اذا كتب ربي و رجعت انا و بنتي للبيت سخنت لغدا عدس و بيتراف و جو و موز
و من بعد لمت بنتي لكبيرة لماعن غسلتهم و الصغيرة نشرت قش الحما م صليت الظهر و تكسلت شوية و راني مكنيكتيا معاكم نشوف تطبيق اليوم مع اني مرانيش من النوع ليذكر عندي زهايمر بصح عندي مشكل العصبية خاصة مع لولاد ياريت تلقولي حل
على 4و 30ندير قهوة حليب مع خبز و دبس التمر و نصلي لعصر و للعشا بيري و حريرة و لورداف انشاء الله و نحوس نشوف واش من مكان ساخن نبرده
|
و عليكم السلام و رحمة الله و بركاته
اهلا فراشتي العزيزة ام فاطمة
واش راكي
اللهم آآمييين ربي يحفظك و يخليك ليا حبيبتي
شكرا لك على الدعوة الطيبة
ربي يشفيك و يعافيك يا قلبي
حاربي هذا المرض بالورقة او القلم
بالتدوين
دوني كل شيء بادق التفاصيل
و ربي يعينك و يزينك بالصحة و العافية ياا رب
ماشاء الله عليك راكي تباني فحلة و حادقة كي النحلة
حتى بناتك ماشاء الله لا قوة الا بالله كيما يقولوا
هذا الشبل من ذلك الأسد و انا نقول من تلك اللبؤة أم فطيمة
ربي يدوم عليك الستر و الهنا
يوك جااز هاايل تخيلت روحي راني جوزته معاك
و حسيت براحة و حميمية سبحان الله تقول راني في بيت اختي
ربي يحميك حبيبتي و متشوقة لقراءة المزيد من تطبيقاتك
اقتباس:
المشاركة الأصلية كتبت بواسطة samira1980
مساء الخير عليكم كامل
حابة نسالكم على حاجة بصح خارجة الموضوع نتاعنا لو سمحتم
اريد تغير نوع حبوب منع الحمل بصح ما عرفتش كاش ماركة مليحة و مضمونة
حطيت هذ السؤال شحال من مرة بصح ما كانش لي جاوبني
لي مجربين حاجة يقولولي عليها و يقولولي كيفاش نبدل على خاطر هذ الشهر كنت محبسة الحبوب و شكراااااا
ربي يحفظكم جاوبوني
|
يا مساء الانوار على الغالية فراشتنا الناجحة سمورة
ان شاء الله البنات راهم فادوك في هذا الامر حبيبتي
اما عن نصيحتي
لا خير من طبيبتك المختصة لتنصحك
لانها اعلم بك حبيبتي و تعلمين ان سيدة و خصوصياتها
الجئي لطبيبتك و ان شاء الله رايحة تساعدك في هذا الامر
بوسيلي طفلتك بوسة كبيييييييييرة من عند طاطاها حبيبة
اقتباس:
المشاركة الأصلية كتبت بواسطة chez biba
بارك الله فيك اختي حبيبة على الإثراء الطيب وراني مازال نكمل في le menu راهي النت ثقييييلة عييت نحمل غير بالسيف..
شكرا وألف شكر على الجواهر اللي تقدمهيم واكييييد راني نطبق مبصح انا من طبعي ما نحبش نهدر بزاف على روحي نحب نطبق يعني عملية اكثر
أخواتي الفراشاتام الخير، البتول، سعيدة ، جيادا، بعيدة المنال، ام فاطيمة، ام أمجد، سميرة وكل الحاضرات والمتتبعات ما شاء الله عليكم وربي يبارك فيكم
اختي سميرة انا شخصيا نستعمل Logynon مساعدني ونصحتني بيه طبيبة
|
اقتباس:
المشاركة الأصلية كتبت بواسطة chez biba
|
ربي يبارك فيك حبيبتي
كلامي ليس مجاملة يا فراشتي المبدعة
ماشاء الله عليك حبيبتي ربي يسترك مالعين
و يحفظك و يعطيك الصحة
و يكفيني شرفا ان هذا الاتقان و الابداع راه من تحت يدين بنت بلادي
عيدك اسعد يا وردة الفراشات
و فحلة الجزايريات
اقتباس:
المشاركة الأصلية كتبت بواسطة janso
أنا متابعه معاكم من اليوم الأول
ما شاء الله
قمه
|
اهلا و سهلا و الف مرحبا بيك حبيبتي
ان شاء الله راكي مستفيدة مع الفراشات بالتطبيقات حبيبتي
و اي استفسار او اشكال مملكة الفراشات كلها في الخدمة
اقتباس:
المشاركة الأصلية كتبت بواسطة omsadja
بارك الله فيكم اخواتي على كل هذه الافكار وخاصة الممتعة باسلوبها ~حبيبةَ~ اتمنى من كل اخت ان تفيدنا بانواع مستحضرات العناية اليومية بالجمال اللتي جربها ووجدتها ممتازة
والله انكن نعم الصديقات
|
[COLOR="rgb(255, 0, 255)"]و فيك بركة حبيبتي أم ساجدة
الله يمتعك بالسجود في بيت الله الحرام
عند الكعبة المشرفة انت و كل فراشات المنتدى
يا حي يا قيوم يا رب العرش المجيد
يا مجيب يا مجيب يامجيب
اللهم آآمييييين
ان شاء الله الفراشات يفيدوك في هذا الموضوع
و سابدأ بنفسي
انا بشرتي كانت دهنية الآن اصبحت مختلطة
لغسلها استعمل مقشر يومي للوجه يتحكم باللمعان من كلين اند كلير
و مساءا انزع مكياجي بخليط من (ماء الورد+ زيت اللوز) بمقادير متساوية
و ان لم يكن فانزعه بقطن به زيت اللوز رااائع لنزع الماكيج و طبيعي للبشرة
و اغسلها بمقشر يومي لازالة الرؤوس السوداء
Pure Active من غارنيي
و امر عليها بمسحة من ماء الورد
للتقشير الاسوعي استعمل مقشر الوجه من SHARCART بخلاصة الليمون
لترطيبها صباحا كنت استعمل كريم اولي للنظارة و التفتيح
و هاذ الاسبوع شريت مستحضر جديد من لورييال
TRIPLE ACTIVE JOUR
و رول غارنيي لمعالجة الهالات السوداء و الانتفاخ تحت العيون
و كواقي للشمس كنت منذ مدة استعمل BB CREAM من غارنيي
الآن شريت BB CREAM من EVER BEAUTY
كريم طبي سينمائي يعالج العيوب 9 في 1 لبشرة مثالية فورا
محسن البشرة
يعزز الاشراقة
يوحد لون البشرة
يخفي العيوب
يرطب 24 ساعة
يحمي من اشعة الشمس الضارة
به فيتامين C+ الوان معدنية
و كلمة رااائع قليلة عليه انا سعيدة جدا لاقتنائه
نصحتني بيه البائعة في محل الماكياج
و يوم الثلاثاء رايحة نصورهمكم باذن الله
ان شاء الله نكون افدتك حبيبتي[/COLOR]
اقتباس:
المشاركة الأصلية كتبت بواسطة ام امجد14
مااااااااااااااااااااااااااااااشاء الله جارى التطبيق حااااااااااااااالا
|
رااائع يا فراشتي النجيبة المجتهدة
ربي يعينك و يوفقك حبيبتي
اقتباس:
المشاركة الأصلية كتبت بواسطة بعيدة المنال
يمكنك مناداتي أم منال سانفذ حالا معلمتي الحبيبة
|
متشرفة بيك ام منال يا فراشتي النحلة
راائع ربي يعينك حبيبتي و يوفقك
اقتباس:
المشاركة الأصلية كتبت بواسطة YASMINE SILA
السلاااااام عليكم
ان شاء الله تكونو كااامل بخير يا رب كل فراشة باسمها على راسنا القائدة المحبوبة حبييييييييييبة -ربي يخليك لينا يااارب-
راني قريت المشاركات كاملة و قريت التطبيقات الي ذكرتهم الاخت حبيبة جاري التطبيق باذن الله
لي عودة لتزويدكم باخر المستجدات معي
دمتم في قلبي فراشاتي الغاليات
|
اهلا بيسمينة الفراشات
كيف الحال حبيبتي
آآمييين و يخليك ليا ياا رب
راائ فراشتي اليسمينة اربي يعينك انتظر تطبيقاتك حبيبتي
اقتباس:
المشاركة الأصلية كتبت بواسطة oummalak
السلام عليكن حبيباتي ورحمة الله وبركاته
جاري التطبيق دونت الجداول وكتبت الروتينات في الصفحات الثلاث الاولى
كتبت النقاط الساخنة وما اكثرها بحكم كبر منزلي واولادي الخمسة ربي يحفظهم
حددت الاهداف التي لازم نوصلها ونحققها بعون الله وبمساعدتكم
الجدول ما زال ما كتبتوش لاني كنت نحفظ سورة الفجر البارح واليوم رحت لتلمسان
النشاط خلاني نطير فراشة والوانها زاهية
من بعد نرجع نكتب التطبيقات السبعة وراء بعضها
|
و عليكم السلام و رحمة الله و بركاته
راائع فراشتي الغالية ام ملك
عمل راائع ربي يعينك و يوفقك حبيبتي
ماشاء الله عليك راكي مجتهدة يا فراشتي
حبيت نسالك حبيبتي اذا امكن انت من اي مدينة؟
لانو في تلمسان راكي جارتي و قريبة مني
اقتباس:
المشاركة الأصلية كتبت بواسطة ~ حراير ~
السلام عليكم و رحمة الله تعالى و بركاته
أولا نكرر اسفي على اليومين الي فاتو و نتمنى تسمحولي
و ثانيا اليوم كنت مدايرة في بالي اسم من أسماء الله الحسنى نهدرو عليه و نتمعنو في معانيه
و لكن
يا بتول وش عمل فيا دعائك الصباح
قريتو بقلبي و امنت عليه بكل قطرة دم فاتت على قلبي
كل جوارحي و كل احاسيسي راحو مع دعائك و حسو بدعائك و امنو على دعائ
على هك يا بتول و كل اخواتي في الله و يا ملكة النحل حبوبتي حبيبة
كيما اخذ دعاء بتول قلبي
حبيتكم تعطوني انتوما ثان تعطوني قلوبكم
و الا سلفوهملي غير اثناء قراءة هاته المشاركة لاني راح نهدرلكم بقلبي بلي نعرفو و بلي مجرباتو فقط
لاني انا من الناس الي اسم الله هذا كان هو شفائي و لازال و سيبقى و الا راني مش هنا في مكان لا يعلمه الا الله
منين قريت دعاء بتول تفكرت حديث عمر ابن الخطاب رضي الله عنه "في معناه ابحثو عليه تلقاوه"
يقول : انا لا احمل هم الإجابة و لكني احمل هم الدعاء فمتى أُلهمت الدعاء تاتي معه الإجابة
و تذكرت أيضا قصة سمعتها مرة لكن مش عارفة من حكاها
يقال انه كافر كان شاد الصنم تاعه و يدعي فيه و يقولو "يا صنم يا صنم" و من بعد غلط و قال يا صمد
فقالو ربي سبحانه : لبيك عبدي
***********حسيتوها اخواتي كيففاش قالها ربي سبحانه***********
فقالو الملائكة لربي الجبار الرحمن الرحيم : يا رب لم يكن يدعيك بل يدعو صنمه
فقاللهم ربي لحنين لكريم " ناداني باسمي الصمد و لا صمد غير و استجابلو
تخيلو هاد المشرك الكافر
و انت الي شهدتي و استغفرتي و صليتي و دعيتيه باسمائه وش يقلك ربي
اكيد يستجابلك
على هك اكيد راكم عرفتو اننا راح نتحدثو اليوم على ....
اسم الله
المــجـــيـــــــــــــــــــــب
فاسم الله المجيب هو الذى يجيب مسالة السائلين بالاجابه والعطاء
معنى اخر: هو الذى يقذف فى قلبك ان تدعيه فيستجيب لك
و هاد الاسم بالذات ديما كيما تعرفو يجي في القرأن مع "القريب" قال الله تعالى (ان ربى قريب مجيب)
وقال تعالى (اذا سالك عبادى عنى فانى قريب اجيب دعوة الداع اذا دعان)
و هاد الاية بالذات مش محتاجة نقوللكم انه ربي ماخاطبش رسوله الحبيب صلى الله عليه و سلم و قال "قل" بل جاء الرد مسرعا
و قريب يعني مش محتاجة ترفعي صوتك فربي يعلم مافي الصدور و لا تحتاجي انك تشرحي سبب دعائك فربي اعلم بحالك منك و لا راح تحشمي و تخجلي منه لانه ربي الي قال في الحديث القدسي : "يا عبادي كلكم ضال إلا من هديته فاستهدوني أهدكم، يا عبادي كلكم جائع إلا من أطعمته، فاستطعموني أطعمكم، يا عبادي كلكم عار إلا من كسوته فاستكسوني أكسكم، يا عبادي إنكم تخطئون بالليل والنهار وأنا أغفر الذنوب جميعا فاستغفروني أغفر لكم، يا عبادي لو أن أولكم وآخركم وإنسكم وجنكم قاموا في صعيد واحد فسألوني فاعطيت كل واحد منكم مسألته، ما نقص ذلك مما عندي إلا كما ينقص المخيط إذا أدخل في البحر"
و أيضا في معنى قريب نتذكرو الحديث القدسي جزء منه برك " متى دعيتني وجدتني"
معناها مع تقولي يا رب تلقاي الإجابة
و عليه لازم تكوني لحوحة لازم كثرة الدعاء لازم تعاوديه و تلحي عليه و لا تكوني كيما قال الحبيب
"إن أبخل الناس من بخل بالسلام ، و أعجز الناس من عجز عن الدعاء"
""الدعاء هو العبادة ثم قال : وقال ربكم ادعوني أستجب لكم إن الذين يستكبرون عن عبادتي سيدخلون جهنم داخرين"
"إن الله تعالى حيي كريم ، يستحي إذا رفع الرجل إليه يديه أن يردهما صفرا خائبتين"
سبحان الله ربي يحشم منا
لكن هذا الالحاح مش لانه ربي مش راح يستجيبلك
يقول العلماء غير تقولي : يا رب هو عبادة
و ربي يقولك مع تقولي يا رب نستجيبلك
بلاك تقولي كيفاش دعيت و لم يستجب لي أحيانا
لا استجابلك و لكن و ان صح التعبير يوجد أنواع للإجابة
إجابة عاجلة : يعني ثم ثم تلقاي حاجتك الي طلبتيها
إجابة مؤجلة : يعني تلقايها في الجنة و قالك هاد الإجابة بالذات يصيرو الناس نادمين في الجنة يقولو كون غير ربي استجابلنا غير إجابة مؤجلة
إجابة دافعة بلاء: يعني يكون ابتلاء الله نازل و دعوتك طالعة لله فدعوتك تمنع البلوة من الوقوع
على هك وش رايكم مش ناخذو براي رسولنا الحبيب صلى الله عليه و سلم و ندعو في كل وقت
منها عبادة لانه الدعاء مخ العبادة و منها استجابة بانواعها الثلاثة و باش ثان نرضو ربي لانه ربي يحب العبد اللحوح يعني الي يلح و يعاود
و قبل ما نكمل هنا و نقوللكم على أوقات الاستجابة حبيت نقوللكم على معنى جميل لدعاء سمعتو من عند العوضي
لماذا الدعاء هو مخ االعبادة لانه منين تصلي وتصومي يمكن ما تحسيش انك عبد
لانه العبادة ذل لله خضوع لله انك تشعري أنك عبد " امة في الحقيقة" وهو رب اله
بمعنى يمكن تصلي و للا ماتحسي بربوبية الله و عبوديتك ليه خص نص مع صلاتنا تاع درك بلا خشوع مع تفرشي الزربية تتفكري الحاشي و الراشي
يمكن تصومي بلا ما تحسي بمعنى الربوبية و طبعا العيب فينا خص نص مع رمضان المسلسلات و تعدد الماكولات
و لكن
منين تكوني محتاجة لربي في الشدة و الرخاء و ترفعي يديك ليه سبحانه و تعالى
مستحيل مستحيل مستحيل انك تهزي يديك و تقوليلو ربي جيت ليك
ربي نحتاجك
ربي راك عالم بيا
ربي راني مادة يدي ليك
و ماتحسيش بعبوديتك له عز و جل و بربوبيته و يذلك له
ذل تحتاجينه
تحتاجي انك تتذللي له ان تبكي بين يديه
و سبحان الله بعد الذل تجي الراحة
و على هك الدعاء هو مخ العبادة نتمنى اني قدرت نوصل فكرتي
على هك قال الحبيب صلى الله عليه و سلم :"من لا يسأل الله يغضب عليه" ولذلك تقول الآية الكريمة "وقال ربكم ادعوني أستجب لكم إن الذين يستكبرون عن عبادتي سيدخلون جهنم داخرين"
من بعد ان شاء الله نكملو نتمنى انكم تخلولي قلوبكم ماتدوهمش هيهيهيه غير باش تحسو برك و ترتاحوووووووووووو
|
اقتباس:
المشاركة الأصلية كتبت بواسطة ~ حراير ~
محجوز من بعد نولي نكمل على اسم الله المجييب
و نقرا التطبيق
و ماتنساوش ديرو سبحات 100 100 او لما لا 1000 1000
سبحان الله المجيب سبحان الله العظيم
حسبي الله المجيب و نعم الوكيل
لا حول و لا قوة الا بالله المجيب
|
الله الله الله على حرة الحراير
ربي يحميك و يجازيك خير الجزاء عن كل حرف كتبتيه
و عن كل احساس خشوع و حب لله حسستينا بيه
ربي يجعله في ميزان حسناتك ياا رب
شكرا لك و ربي يباركلنا فيك يا فراشة قلبي
ي
اقتباس:
المشاركة الأصلية كتبت بواسطة rahma74
السلام عليكم اخواتي
جزاك الله خيرا اختي حبيبة على هذا الطرح و ارجو ان تقبليني معكن
لدي طلب
شرح الروتينات الثلاث
نسال الله التوفيق و الفلاح في الدارين
|
و عليكم السلاو ورحمة الله و بركاته
أهلا بيك حبيبتي ام رحمة
ربي يحفظك و يخليك ليا حبيبتي
يا غاليتي البستان كلو تحت امرك
ادخلي برجلك اليمنى و شمري على يديك الجميلتين و قولي بسم الله
و ابداي اطبقي معانا التطبيقات
لا تقلقي حتى حاجة ما فاتك لننا رايحين نعاودوهم كلهم يوميا لمدة اكثر من شهرين و هاذي هي مدة الدورة باذن الله
بالنسبة للروتينات سانقل لك المشاركة الخاصة بشرحها:
""""" اذا كيف سنعمل مع بعض؟؟
العمل سيكون عبارة عن تطبيقات يومية نقوم بها جميعا كل يوم لمدة شهر
و اهم تطبيق سنقوم به هو
" ان نفرز، نرمي، و نرتب"..
بالتالي سنقضي على الفوضى في بيوتنا
و هكذا دواليك حتى نتم تعلم كل الخطوات و نكتسب عاداتنا الجديدة و نطرد عاداتنا السابقة التي نغصت علينا حياتنا
و طردت منها السعادة و الاستمتاع باوقاتنا
و سنصنع روتيناتنا اليومية
أخبرتكم سابقا انه لدينا ثلاث روتينات سنصنعها معا
و سنتبعها بحذافيرها كل يوم
روتين الصباح
روتين بعد الظهر
و روتين المساء
(هذه الروتينات هي عبارة عن تلك المجموعة من العادات الجيدة التي سنكتسبها معا
أرجو أن تكون الفكرة قد وصلت)
و خلال صناعتنا لروتيناتنا سنقوم بالتنظيف الشامل للبيت يوما بعد يوم"""""""""
و سأزودك بجداول الروتينات اليومية في الملفات المرفقة حبيبتي اطلعي عليها
ارجو ان اكون قد افتدك و اي استفسار او اشكال لا تترددي ابدا
فانا في خدمتكم
اقتباس:
المشاركة الأصلية كتبت بواسطة om ahmed
ما شاء الله والله شيء رائع ياريت تعلميني
|
اهلا بالحبيبة ام احمد
اهلا و الف مرحبا
واش حابة تتعلمي
قوليلي فقط و انا في خدمتك حبيبتي
اقتباس:
المشاركة الأصلية كتبت بواسطة om hadil
احلى صباح على اغلى فرشات ان شاء الله تكونو بالف خير
تحياتي ليك اختي حبيبة الله يوفقك ومبروك عليك تثبيت الموضوع لانو فعلا يستاهل
|
الله يبارك فيك فراشتي العزيزة ام هديل
هذا كلوا بفضل الله وفضلكن و فضل نشاطكن و عملكن الدؤوب فراشاتي
تحياتي ليك حبيبتي
واش راكي ان شاء الله بخير
اقتباس:
المشاركة الأصلية كتبت بواسطة نافلـة
صباحكم سعيد حبيباتي الفراشات كل وحدة باسمها
و بالاخص حبيبتنا حبيبة
سمحولي على الغياب خارج عن نطاقي نروح نقرا الارشيف
على سلامتك حبيبتي سمراء
|
صباحك اسعد فراشتي
التي تبعث السرور في النفس بمجرد دخولها البستان
اهلا و مرحبا بيك
يلا انا متشوقة لقرائة تطبيقاتك حبيبتي
اقتباس:
المشاركة الأصلية كتبت بواسطة شموس12
السلام عليكم انا عضوة جديدة وعجبتني الفكرة بزاف ومدابيا تقبلوني بيناتكم ولا نزعف ونروح هههههههههههه
اختي حبيبة حسيت من بداية قرأتي للموضوع اني نظمت وقتي واعطيت لكل ذي وقت وقته راني معاكم في الدورة ان شاء الله
|
اهلا و سهلا و الف مرحبا بيك حبيبتي شموس
شمس اهلت علينا و انورت بها ورود بستاننا الجميل
يا حبيبتي زعافك غالي علينا و رانا هنا نراضوك و نجيبوك لعندنا
ماشاء الله عليك فراشتي شمس الشموس
ربي يدوم عليك هاذ النعمة و يباركلك فيها ياا رب
متشوقة لقرائة تطبيقاتك عزيزتي
اقتباس:
المشاركة الأصلية كتبت بواسطة om wassim
صباح النور و كل عام و انتم احلى فراشات و بيوتكم و حياتكم زاهية باحلى الالوان
|
الله ينورك بنور الرحمن مجيب الدعاء فراشتي ام وسيم
ربي يخليك لينا ياا رب
شكرا لك حبيبتي و يزهي الوانك و بيتك و حياتك ياا رب
اقتباس:
المشاركة الأصلية كتبت بواسطة البتول 27
السلام عليكم فراشات الدورة شكرا الاخت حراير على الكلمات الجميلة
وعيد سعيد للجميع وبما انه اليوم الاحد مخصص للميزانية اردت ان اتشارك معكن بهذه القصة عن بركة المال
قصة وعبرة
**************
جاء رجل إلى اﻹمام الشافعي يشكو له ضيق حاله
وأخبره أنه يعمل أجيرا بخمس دراهم وأن ...أجره ﻻيكفيه
فما كان من الشافعي إﻻ أن أمره أن يذهب إلى صاحب العمل ويطالبه بإنقاص اجره إلى 4دراهم بدﻻ من خمسه
.........وامتثل الرجل ﻷمر الشافعي رغم انه لم يفهم سببه
وبعد فتره عاد الرجل إلى الشافعي
وقال :لم يتحسن وضعي إنما مازالت المشكله قائمه
فأمره الشافعي بالعودة إلى صاحب العمل وطلب إنقاص أجره إلى 3 دراهم بدل 4 دراهم
ذهب الرجل ونفذ ماطلب منه اﻹمام الشافعي مندهشاً
!!!وبعد فتره عاد الرجل إلى الشافعي وشكره على نصيحته وأخبره أن الثﻼث دراهم أصبحت تغطي كل حوائجه وتفيض بعدها وسأله عن تفسير هذا الذي حدث معه
فأخبره اﻹمام الشافعي:
أنه كان من البدايه يعمل عمﻼ ﻻيستحق عليه إﻻ 3 دراهم وبالتالي في الدرهمان الباقيان لم يكونا من حقه وقد نزعا البركة عن بقية ماله عندما أختلطا به
وأنشد:
جُمع الحرام على الحﻼل ليكثره
دخل الحرام على الحﻼل فبعثره""
يعني ان المال ببركته لا بكقرته لذا يجب ان نتحرى ان يكون كل دينار نصرفه حلال ويجب ان نتفقه في الامور المالية لانه يوجد امور تظهر لنا بسيطة لكنها في الحقيقة ربا او اخذ لحق الغير مما يوقعنا في المال الحرام
ومن اكثر الامور التي تمد بالبركة للمال هي بر الوالدين وهذا عن تجربة
بارك الله في اموالنا واجسامنا واوقاتنا .
|
ماشاء الله الله الله عليك يا فراشتي المميزة البتول
قصة قمة في الروعة
ماشاء الله عليك
ربي يجازيك خيرا عنا و يجعلها في ميزان حسناتك ياا رب
شكرا لك و ربي يباركلنا فيك و يخليك ينا ياا رب
اقتباس:
المشاركة الأصلية كتبت بواسطة ام الخير 05
صباحكم سكروشعهد وريحان وعنبر سلام الى سليلا ت نسومر وجميلة بوحيرد سلام الى امهات الابطال الائي ولدن بن بو لعيد وزبانه وسي الحواس وكل الاسود اللذين صنعو كل شئء من لاشئء كل عام ونحن بطلات وامهات ابطال في كل مناسبة اوعيد في كا مجلس هني صدقوني لا انسى شهداء الجزائر وشهيداتها لو لاهم لما كان لنا عيد لما كنا لنجلس هذه المجالس لما كن فراشات تحلق بكل حرية كل عام ونحن نساء احرار فخورات بديننا ووطننا ونبني ابنائنا لنكون صانعات لقيلدها وبناتها يارب
|
اقتباس:
المشاركة الأصلية كتبت بواسطة ام الخير 05
فيما يخص التطبيقا تخلصت من التعب وكلمة الوقت ما يكفينيش راني اكثر راحة الاماكن الملتهبة طفات ومع الاستمرار باذن الله ما ترجعش قائمة الطعام راجليسخافراح نسق معاه في اقرب وقت لكن المباد دائما الغداء حبوب والعشاء اطباق مختلفة الهدف باذن الله صيام الاثنين من كل اسبوع وقراءة 15 حزب مع اكمال بعض الزهرات تاع السيراميك العناية بالجمال معتمدة مقشر فيه قهوة مع عسل مع زيت زيتون للجسم وللوجه وقناع صفار البيض مع العسل وزيت الزيتون
|
يا عيني يا عيني على التصبيحة الحلوة كصاحبتها
بارك الله فيك على كلامك الرائع الذي زادنا قوة و طاقة
ربي يحفظك و يبارك فيك فراشتي الجميلة ام الخير
و عيدك سعيد يا فحلة الفحلات
ماشاء الله عليك ربي يدوم عليك هاذ النعمة
و يحفظها من الزوال
رااائع عملك رااائع
و ان شاء تكوني دائما و ابدا راضية عن نفسك و ادائك
و بيتك و حياتك ياا رب
اقتباس:
المشاركة الأصلية كتبت بواسطة فراشات العمر
السلام عليكم
فراشات مضيئة والله ربي يبارك
اولا اسمحيلي حبوبة ما دخلتش عندي تقريب 4 ايام النت حبسها راجلي تقلق كي ماتحكمش عندنا والله قريب نفقد اعصابي كي ماقدرتش نشوف اخواتي الفراشات وين وصلو
المهم عقبت بما يكفي حابة ننساه لي فات مات مع سخانة لي حكمت ابني بعد الفاكسان
اسمحيلي في ذاك اليوم فقط ما لمعتش الحوض والله ملي خرج راجلي وابني وانا نقرى في المشاركات هبلت صح هههههههههه
النقطة السلبية لي فيا العصبية في جزء من الثانية نلقى روحي نرجف
النقطة الساخنة الخزاااااانة راني عيت منها نضرب عام وياربي نحاول نتبع التعليمات البركة في لقليل 15د
قائمة الاكل هو لي يجيب الوقت لي يحب قادر ضرك على 12-30 يدخلي بكيلو حوت ويقلي دريه غدى يعني وقتاه يوجد تقريب3 تاع العشية باه نخلصو لغدى نكرهو لازم نقيه طبة طبة
ايضا رايحة نحاول ناخض قرار علابالي يغلبني يقلي سخفت وانا مولفاتو كي يقلها نديرهالو لوكان حتى نص ليل نديرهالو
زيد ابني حفظتو وحفظ كلش تحكمو الفرحة في السهولة يندبلها مرة وقيلا المعدل 5 انا نضن كي عاقبو ابيه المرة لي فاتت وحلف فيه طروش عمالها جدها هذي المرة
الملابس راني حابة نولي نلبس ليجيبات نموت عليهم بربي انشاء الله نخيط واحد ونلبسو
امس رحت للطبيبة على جال الانتفتخ في بطني عنبالي التهاب الجرح قاتلي المصران لخشين وعطاتلي الدوا
حبيبة انا كي شافت شعري حارت قاتلي لازملك شامبو يغذيه ب100 الف والله نلم ونشريه بربي ان شاء الله
المنضفات دزيت نشري بيكاربونات والخل الابيض واحد ماعندو وين يتباع
عندي غير الجافيل بص يبات صدري يصفر تقول راني نشخر
التجميد تاع الاكل انا عندي فريجيدار صغيرة ما تكفينيش
المطبخ نتاعي ماهوش مخدوم وكذالك الحمام يعني مانقدرش نغسلخم لحيط
توحشتكم وادعيو معايا ربي يرزقنا باسكن ان شاء الله
راني اول مرة نصلي صلاة الضحى ربي يثبتني على هذا العمل قولو امين وانتما ثاني انا نوض ضرك عندي لغدى واجد والكسرة كاينة مابقالي غير نكنس الدار مكاش علابالي بالبرنامج راني كتبت كلشي
عندي مشكلة النمل راح يورثني في الدار لقى غرضو وزيد ناكلو في الشنابر تاع الرقاد والشمبرة نتاعي وين كاين التلفاز او الميكرو القاولي حل
|
اقتباس:
المشاركة الأصلية كتبت بواسطة فراشات العمر
السلام عليكم
وقيل راني غير وحدي هنا
فراشات يا فراشات حبيت نسقسيكم برك انتوما فاش تحجرو الما او وين تخزنوه راني كرهت من البادن نتاع سعيدة والقراويع هما سبب في عدم تنظيم منزلي او حديقتي لي ساكنة فيها
سلامي الى ليلى ونقلك وندعيلك ربي يرزقك بطفل يغيرلكم حالكم ياحي يا قيوم ويجمعك مع راجل في كل ثانية
وصلوحة الحمد لله على سلامتك يالفراشة السوداء
بنت الصحرى يافطومة يا الفراشة الحمراء واش راكي هذي غيبة
|
اهلا بالفراشة الراائعة فراشات العمر
ماشاء الله عليك تقريرك ممتاز
ماعليش حبيبتي ارضي زوجك
لوكان ما يدللش عليك انت زوجته و ام اولاده
على من يدلل
ولوكان ما ادلليهش انت شكون راح يدلله من غيرك
ربي يخليكم لبعضكم البعض و يحفظهلك
و يدوم عليكم الستر و الهنا
على كل هاذ النفحات اللي يجوه تاع الطياب في آخر لحظة ماهمش كل يوم
ربما مرة او مرتين فالاسبوع
خلي قلبك مفتوح ليه و كلوا بثوابوا حبيبتي
و ربي يجازيك خيرا عنه و عن اسرتك واولادك
و يحفظك و يخليك ليهم و يزينك بصحتك و عافيتك
و ان شاء الله تكملوا داركم في القريب العاجل جدا
و تكوني مرتاحة في ياا رب
و الاهم الاهم دوام الصحة و العافية و الستر
اقتباس:
المشاركة الأصلية كتبت بواسطة ام فيفي
مساء الورد لعزيزاتي الفراشات و بالخصوص الغالية حبيبة الكل حبييييييييبة .احبكن كثيرااااااا و نقلكم البارحة بديت البرنامج بعدما اطّلعت على كل شي ...
اول شيء غسلت الاواني و لمعت الحوض ..حضرت طاولة الفطور و غطيتها و قريت اذكار النوم ونمت.. في الصباح نهضت باكرااااا صليت ثم ايقظت ابني لانه يقرا وبديت في شغل الدار قبل ما تنوض ابنتي ياسمين ذات 18 شهر ..ودرت لوبيا للغداء ..على الساعة 11صباحا انهيت جميع اشغالي ..غديت ابني و ابنتي و الحمد لله..هذه الدورة افادتني كثييراااااا و كدا نصائح الفراشات و خبراتهن شكراااااااا جزيلالالا...![Mh31](images/smilies/mh31.gif)
|
اهلا بفراشتي الجميلة ام فيفي
يا مساء الفل و الياسمين و عطرهم الجميل بجمالك فراشتي
ماشاء الله عليك
عملك منظم و راائع
ربي يحفظك مالعين حبيبتي
ربي يدوم هاذ النعمة عليك و يخليك لينا حبيبتي
واصلي تطبيق باقي التطبيقات
و وافني بالاخبار