فرحي اولادك في هاذ الربيع....كل عام وانتم بالف خير

[اسمهان79]

السلام عليكم ورحمة الله وبركاته
كل وحدة وعندها طريقتها في عمل المبرجة و الرفيس
حبيت اليوم تشاركوني في طريقتي وتعطوني رايكم











اول شيئ نبدا بالبراج
نحتاج 3 كيلات دقيق ان ديما نستعمل دقيق كنزة
كيلة سمن المدينة ذايبة وباردة زيدي فيها شوية زيت شوية برك
نحب نذوب السمن في حمام مائي هكذا يذوبلي وفي نفس الوقت يكون بارد مانستناهش مدة باه يبرد



نبسس مليح الدقيق تحبي تغطيه وتخليه يبات او تبليه في وقتو بعد ما تدخلي مليح السمن في الدقيق
انا عن نفسي نخليه يبات هكذا المبرجة تجي تذوب في الفم



حطي شوية ملح ثم بليه بخليط من الماء وماء الزهر وفنجان حليب دافئ
نخلية يرتاح مدة ساعة
نقسم العجينة على زوج وديما الجزء اللي يجي من الاسفل يكون شوية اكثر من الفوقاني نطرح الجزء الاول شوية ثو نحط الغرس اللي كنا عملنا فيه شوية خميرة نتاع القاطو ونصف فنجان عسل وعجناه بشوية سمن ذايب وماء وهاذا كلو من بعد ما نقيناه ورحيناه في رحاية اللحم
ثم نحط باقي العجينة بشكل عشوائي



ونحاول نعدلها مليح بيدينا نسوي الجوانب جيدا ان كي نكون نعدل فيها نضربها بكف اليد باه تتعدل مليح



نغطيها بنيلو او بلاستيك ونحلل بالحلال العادية حتى نتحصل على الحجم المطلوب
اناهنا بعد ما حليتهاجوزت عليها الحلال المزركش وقطعت براج













وهنا قطعت بطوابع




وهاذي عملتها لبراج نتاع 2 طبقات غرس
الصور تشرح

نقسم العجينة على ثلاثة والغرس على زوج
نحط اول طبقة عجين ثم غرس ثم جين ثم غرس ثم عجين




نحاول نقرصها وفي نفس الوقت نلم الجوانب ثم نغطيها ببلاستيك ونطرحها بالحلالة غير بالشوية حتى تكبار معانا وتتعدل



قطعيها براج ثم اثقبيها في الوسط بكيردو






انا ديما البراج نتاوعي كي نخلص تقطاعهم نحط في بلا وبيناتهم البلاستيك ونغطيهم ونخليهم يباتو وفي الغد باه نطيبهم
يجو يذوبو في الفم وحتى ما تحسيش بطعم الدقيق يطرطق في الفم
نحط طاجين الطين و نحط فوقو طاجين الحديد ونطيبهم
راهي تطيب كي لمشماشة





نروحو للرفيس
هنا عندي 740 غ غرس منقي ومعجون ومرحي
حطيتو في البيترا حطيتلو 100غ زبدة ستار
فنجان حليب وفنجان عسل
قليت 2 كيلات دقيق الكيلة بلغميقة الصغيرة نتاع الشربة
قليتهم مليح وعلى نار ذليلة ثم زدتهم للغرس وخلطت بحرف k
خلطتهم مليح وانتي وعينك اذا كان يحتاج شوية دقيق ضيفيلو واذا كان يحتاج الزبدة ايضا زيديلو انتي وكيفاه تحبيه يكون



وعملت بيه اشكال والوان هههههههه









ياريت تعجبكم ان شاء الله
دعوة خير تكفيني
في امان الله

[دائمة الحمد]

اسمهان ياحلوتي هههههههه راني نشعر عليك من شدة اعجابي
تبارك الرحمان حبيبتي روووووووووعة
قوليلي 3كيلات سمن +نصف كيلة زيت او نصف كيلة الزيت داخلة في كيل السمن
حلل وناقش

[Oum yousra]

يا سلاااااام فنانة نتاع الصح يعطيك الصحة حنونة روووووووعة رووووووعة

[أم تيم الله]

مشاء الله تبارك الرحمان

ريوقي سيلتيهم سخفتيني يعطيك الربح

و يعطيك الصحة على هذوك اليدين

[ام رويدة]

روووووعة الله يبارك ...خدمة متقونة ما شاء الله ....يعtيك الصحة

[<نَجْمَاتْ>]

امممممم روعة يعطيك الصحة وبارك الله فيك

[mimi friend]

اممم روعةةةةةةةةة

[idron0]

بارك الله فيك

[*وردة الشرق*]

يخرب عقلك قالها المصري واش درتي فالبراج والطمينة روعة ديكور الطمينة 44444444444 والله تستاهلي احلى تقييم

[ام جزائرية]

يعطيك الف الف صحة الله يبارك فرحتي وليداتك وزدتي احنا ماشاء الله اعليك

[oum anas 69]

ما شاء الله عليك خرجتلك تحفة
للتثبيت

[oum karim]

ماشاء الله على هدوك اليدين.تسلم الايادي

[scorpionoir]

عينيا خرجو فيهم في الكوزينة ههههههههههههه
راني نتفرج ونعاود سيرتو الرفيس روووووووووووووووووعة
ونفس سؤال دائمة ههههه

[اسمهان79]

المشاركة الأصلية كتبت بواسطة دائمة الحمد

اسمهان ياحلوتي هههههههه راني نشعر عليك من شدة اعجابي
تبارك الرحمان حبيبتي روووووووووعة
قوليلي 3كيلات سمن +نصف كيلة زيت او نصف كيلة الزيت داخلة في كيل السمن
حلل وناقش

أهلين حبيبتي دائمة الحمد
ثلاث كيلات دقيق و كيلة سمن الكيلة نتاع السمن نكملوها بالزيت والكيلة تكون تسيح يعني معمرة مليح مليح

[اسمهان79]

المشاركة الأصلية كتبت بواسطة oum yousra

يا سلاااااام فنانة نتاع الصح يعطيك الصحة حنونة روووووووعة رووووووعة

تسلمي حبيبتي ام يسرا نورتي الصفحة