لا يمكن لاحد ان يؤثر قي نفسية الطفل كما الام لان الام بالنسبة للطفل قدوة ويتأثر بكلامها اكثر من الناس الاخرين وبالنسبة للكلام الي تسمعو بنتك من اهل ابيها قوليلها ماشي صح مادريريش عليهم هوما مايعرفوش المهم دايما بينيلها بلي كلامهم ماشي صحيح اقنعيها بلي الملابس الي تلبسيهملها انتي والمشطة الي تمشطيهالها هي الاجمل وانها هي جميلة جدا خليها تحب نفسها كيما راهي وماتخليهاش تتأثر بكلام الغير وما تنسايش كلام الاب والام بالنسبة للطفل "قناعات" ونصيحة مني ليك ماتخليش بنتك تروح عندهم بزاف واذا راحت عندهم روحي انتي معاها باش مايقدروش يهدرو هدرةجارحة بالنسبة للطفل وقولي لبنتك انها مهما لبست ومهما مشطت هي جميلة وانيقة على طول صدقيني رح تقتنع منك وشوفي انقذي نفسية ابنتك قبل فوات الاوان لانها مازالت صغيرة واكثري من مدحها مثلا : انتي شاطرة, شابة, حلوة ,ناجحة وكي تكبري حتخرجي حاجة كبيرة ........الخ اي صفة تحبيها في بنتك ازرعيها فيها من الان ورددي هذه الكلمات الايجابية فيها حتى تصدقها وستصبح حقيقة في المستقبل ان شاء الله وستثق في نفسها وفيك اكثر .
لاتتركي ابنتك تستمع للكلمات السلبية كثيرا لانها والله العظيم ستكون حياتها جحيم في المستقبل وستجد صعوبة كبيرة في تكوين شخصيتها وستتعذب كثيرا في حياتها هذا الكلام عن تجربة شخصية ولا اريد ان تتكرر مع اي انسان اخر لان الحياة صعبة كثيرا بدون الثقة في النفس اقرئي عن الثقة في النفس وازرعيها في ابنتك وابعديها عن الناس المحبطين .