ساعدوني مع الخبيزة

فـرح · 2015-01-26, 11:07

السلام عليكم
انا عندي خبيزة واحدة في حديقتي ونحوس نحي منها ونغرس في بلايص اخرين كيفاه طريقة الغرس وكيفاه نحي منها وشكرا

~~لينة نور~~ · 2015-01-26, 12:59

وعليكم السلام

عليك اقتلاع ما ترغبين بالذهاب الى العمق ،يعني الألمام بالجذور والمحافضة عليها ثم تزرعينها في مكان آخر بطريقة عادية .

أنصحك بأن تقتلعي كمية قليلة فقط ازرعيها ولا تنسي سقيها فان هي نجحت أعيدي الكرة . لكن ليس في الوقت الراهن لبرودة الجو .

ربما ستذبل الاوراق بعد الزرع فلا تهتمي لذلك بعد مدة سوف تخرج أوراق جديدة ، لذا قلت ركزي على الجذور .....المراقبة والصبر .

فـرح · 2015-01-28, 19:07

شكرا لك
راني جربت كيما قلتيلي وراني نعس فيها ان شاء الله تصلح
قوليلي قداه الوقت هكاك وتبدا دير الورق

ياسمين1990 · 2015-01-29, 00:30

السلام عليكم ورحمة الله وبركاته
يابنتي وعلاه تقلع لي مغروسة هههههه
اخرجي اضربيها بتحويسة للطبيعة تلقاي خبيزة منتشرة في كل مكان اقلعي مقدار ما تحبي
وجيبي واغرسي
وزيدي جيبي غمرة ولا زوج منها واشري غمرة او ربطة نتاع السلق وربطة من البصل الخضر
واذا تعرفي النباتات الخرى زيدي معاهم واغسليهم مليح من التربة
وقطعيهم وحطيهم يطيبوا ومن بعد ضيفي عليهم زيت الزيتون وكولي بالخبز او الكسرة اذا كنت فحلة اكثر بصحتك ههههههه
وهناك وصفات كثيرة لنبتة خبيزة
ماعليك الا البحث عنها في قوقل وشكرا

فـرح · 2015-01-29, 10:34

ههههههههه يا بنتي انا نحوس نغرسها مش ناكلها اصلا جامي سمعت بلي تتاكل هههههه
المهم انا كي قريت فالنت شفت بلي يقولو نحي من أغصانها وأغرسي قلت انا عندي فالدار لاه ما نديرهاش في قداه من وعاء وما يجي يجي الربيع تنورلي وتبهيلي الدنيا

بعيدة المنال · 2015-01-29, 14:32

أختي فرح واختي ياسمين أنتما في خطين متوازيين فلأخت فرح تتحدث عن الخبيزة كنبات تزييني نسميه نحن بالعامية الخديوج أو الجيرانيوم وهو نبات مزهر ولا يؤكل أما الأخت ياسمين فتتحدث عن الخبيزة العشبة البرية وهي فعلا تؤكل ولها من الفوائد الصحية ما لا يخفى

ياسمين1990 · 2015-01-29, 15:56

اقتباس:

المشاركة الأصلية كتبت بواسطة بعيدة المنال

أختي فرح واختي ياسمين أنتما في خطين متوازيين فلأخت فرح تتحدث عن الخبيزة كنبات تزييني نسميه نحن بالعامية الخديوج أو الجيرانيوم وهو نبات مزهر ولا يؤكل أما الأخت ياسمين فتتحدث عن الخبيزة العشبة البرية وهي فعلا تؤكل ولها من الفوائد الصحية ما لا يخفى

بارك الله فيك اختي بعيدة المنال على التوضيح
اذا العتاب على اختنا فرح كان من المفروض توضع صورة تبين نوع النبتة المقصودة
لاني عمري ما سمعت على نبات الجرانيوم اسمه خبيزة اول مرة اسمعها
النبتة التي اقصد هي الموضحة في الصورة وانا دائما استعملها في اطباقي وهي لذيذة وصحية

اما نبات الجرانيوم هو موضح في هذه الصورة

اختنا فرح اختاري اي نوع تقصدين الاول ام الثاني ههههه
اذا كان الول فهذا اختصاصي

اما اذا كان الثاني فهذا اختصاص الاخت لينة

as03ma · 2015-01-31, 19:19

انزعي عود بطول 10 سم تقريبا ..بقرب من أحد البراعم بشكل مائل وباستعمال المقص ...واغرسيه مباشرة في التربة ويجب ان تكون التربة مبلولة ...وحافظي على رطوبتها حتى تتكون الجذور ....ولكن انتظري حتى يدفأ الجو وقومي بالعملية حتى تنجح

amito1980 · 2015-02-01, 15:56

شكرا اخي الكريم

فـرح · 2015-02-03, 09:59

اختي ياسمين انا نقصد الجيرانيوم وانا قلت اسمه بالعامية لأنه مشهور بإسم الخبيزة
شكرا على مرورك اختي وانا قلت من قبل نحوس نزين بيه ما عندي ما ندير بالحشيش الأخضر فقط ههههههههههههه نحوس على الأحمر والأصفر هههههه
شكرا لك مجددا
وشكرا لبعيدة المنال على التوضيح بارك الله فيك

as03ma
شكرا انا درت هاد الطريقة وكي جا هاداك الريح ذبلو شوية بصح راني نعس فيهم ان شاء الله ما يموتوش

سمراء الدنيا · 2015-02-05, 08:47

شكرا لكن على الاجابات
استفدت من الحوار الجميل :d

Afakmax · 2015-02-13, 00:09

اختى الكريمة انا حسبما قرات عليها فهى تتكاثر بالعقل اى تاخذى منها عقل و تضعيه فى هرمون التجذير فهو موجود عند بائع اللوازم الزراعية و رخيص فهو يسارع فى الانبات
على العموم ابحثى عنه فى النت تابعى منتدى الزراعة فسوف تجدى ما تبحثى عنه