قاطو النمرة .......خفيف وظريف .......حاااااااالا

اسمهان79 · 2015-01-25, 17:09

السلام عليكم ورحمة الله وبركاته
حبيت اليوم نفيد اخواتي الكريمات بهاذ الوصفة البسيطة قاطو كيما قلت في العنوان خفيف وظريف
ما يخذش مقادير كثيرة وسهل في خدمتو

يلا نقولو بسم الله
المقادير

300 ملل زيت يعني كأس ونصف
200غ سكر رطب يعني كأس ونصف
2بيضات بحرارة الغرفة وإذا كانو باردين حطيهم شوية في ماء سخون
2م ك نشاء
2م ك لحظة
1 م ص فاني
1/2 باكي خميرة
2م ك كاكاو
فرينة
التزين
سكر احرش
طريقة التحظير
نخلط بالخلاط او عجانة اوافحالي و استعملي يديك
نخلط الزيت والسكر الرطب مليح ثم نضيف البيض

نزيد نخلط
ثم ونضيف لحظة والنشاء والفاني والخميرة نشف بالفرينة

ثم نقسم العجينة على زوج قد بعضاهم
نضيف لواحدة الكاكاو والاخرى شوية فرينة

لمي مليح بيدك وما تخافيش راهي ما تلصقش في اليدين
ثم كل واحدة نقسمها على ثلاثة

نطرح البيضاء بيدك ولا بالحلال بشكل طولي

ثم السوداء حتى تخلصي

نقلب العجينة على الجنب ثم نقطع بالموس حلقات يكونو رقاق

ونحاول نلم بالاصابع شكل دائري ثم نلفو في كف اليد حاولي يكونو الحبات صغار

نحط الحبات في سكر احرش ثم نحط في بلاطو مفرش بورق الزبدة
ونطيبو راه ما ياخذش وقت بزاف

وممكن تحشيه اختي بنيتيلا تكون جامدة

هاذ الحلوة تصلح لسينية لعشية مع الحليب راه يجي حالا يقطعلك حوالي 32حبة
نتمنى جربوه ويعجكم

وديما نقول الاكل اذواق كاين اللي يعجبو وكاين لا لا
في امان الله

ounissinauha · 2015-01-25, 17:25

يعطيك الصحة إيبان مليح راح نجربو مرسي

ريتاج تيارتية · 2015-01-25, 17:33

يعطيك الصحة صح يبان خفيف صراحة انا حبيتو بارك الله فيك

أم لجين هيثم · 2015-01-25, 17:38

هايل يعطيك الصحة

إكليل · 2015-01-25, 17:40

امممممممممممممممممم روعة ماشاء الله

مرام 1987 · 2015-01-25, 17:59

روووووووووووووعة رووووووووووووووعة مواضيعك كلها شيقة وممتعة والأهم أنها بسيطة ومفيدة
سلمت يداك ودمت متألقة ☕️☕️☕️🍹🍷
لا إله إلا الله سبحانك أنِّي كنت من الظالمين