الجزء 107 من واش طيبتي اليوم ; العين تاكل قبل الفم - الصفحة 4

زينب 83 · 2014-12-28, 21:03

مساء الخير على كل العضوات

الف مبروك عازفة افتتاح الكوزينة ، ربي يجعلها عامرة بالخيرات

عازفة الناي · 2014-12-28, 21:21

اقتباس:

المشاركة الأصلية كتبت بواسطة زينب 83

مساء الخير على كل العضوات

الف مبروك عازفة افتتاح الكوزينة ، ربي يجعلها عامرة بالخيرات

الله يبارك فيك حبيبتي
واش هذ الغيبة
شكرا على البيتزا روعة و الخبز top و التحلية امممممممممممممممم هايلة

ام طيوبه · 2014-12-28, 21:06

مبروك الكوزينه الجديدة ويعطيكم الصحة كامل طياباتكم هايله

بما انو راه قريب المولد النبوي الشريف ياريت تهدرونا على التحضيرات لهذي المناسبهباش نستفادو من بعض

وشكراااا.

عازفة الناي · 2014-12-28, 21:00

عاشقة الجنة الاطباق رائعة جدا
**** ، ايمان سارة، ام هبوبة مرحبا بيكم و ربي يحفظكم
ماعليش عاشقة حتى الارشيف عندو قيمتو وكما يقولو الجود من الموجود المهم عندي انكم تزوروني و تشتركوني الكوزينة وتشرفوني بمروركم الرائع
و سلام خاص جدا ليدي توحشناك

tokio hotel · 2014-12-28, 21:01

الف مبروك افتتاح الكوزينة
ليزابيل رانى نستنا فى الفيلم شفت غير الجنيريك
لبنات روععععععععععععععععة واش حطيتو
ام سيراج ما تنسايش تصوريلنا القاطو

ام سراج وملاك · 2014-12-28, 21:28

اقتباس:

المشاركة الأصلية كتبت بواسطة tokio hotel

الف مبروك افتتاح الكوزينة
ليزابيل رانى نستنا فى الفيلم شفت غير الجنيريك
لبنات روععععععععععععععععة واش حطيتو
ام سيراج ما تنسايش تصوريلنا القاطو

طوكيو حبيبتي صح عشاك من عيوني ضك نحطلكم الصور

زينب 83 · 2014-12-28, 21:37

اقتباس:

المشاركة الأصلية كتبت بواسطة دائمة الحمد

زينب ليك وحشة حبيبتي توحشنا اطباقك وابداعاتك

تتوحشك جنة الفردوس يا رب

اقتباس:

المشاركة الأصلية كتبت بواسطة ام نور الهدى 2014

السﻻم عليكم

مبروووك الكوزينة الجديدة اختي عازفة الناي و ان شاء الله يكون مجمعنا فيها مجمع مبارك

و باروكي هو من الحصريات و ماكاين في حتى موقع اخر راهو جا عندك :d

تشجيعاتكم باش نحط الموضوع
و بصحتكم

ام نور الهدى لوكان حطيتي صورة واحدة لانو الطبق مايبانش

اقتباس:

المشاركة الأصلية كتبت بواسطة minina2601

عزوووفة طيابك متميز ماشاء الله حفظك الله حبيبتي
ام سهام دزيريات روووووووعة بارك الله فيك
ام هبهوبة طبخك ماشاء الله ربي يحفظك ويباركلك
عاشقة الجنة ربي يحفظك ويهنيك حبيبتي حتى انت طيابك يهبل
زينب يسلمو ابداع ورا ابداع ماشاء الله عليك

الله يسلمك حبيبتي

ما شاء الله على كل اطباقكم تحف فنية
ام سهام ما شاء الله على الد زيريات تاوعك ، انا عمري ما درتهم ، ان شاء الله نديرهم بطريقتك
شكرًا لكل اللي سالو عليا و لي راسلوني ربي يجمعنا في الجنة يا رب

رفيف رانية · 2014-12-28, 21:59

سلاااام

عازفة الناي اطباقك روووعة

لهنة حنونة الله يسلمك وصحة عشاااك

ليزا حنونة شكراا وصح عشاااك

ام تااج توووحششتك

عاشقة الجنة اطباقك في القمة

ام هبوبة صح عشاااك

ام سهاام الدزيريااات

زينب صح عشاااك

دائمة الحمد ميمتي العزيزة صح عشاااك

ام نور الهدى

مينينا صح عشااك

ام سرااج وملاك صح عشااك

اللي نسيتها لسمحيلي راكم ربي يبااارك

رفيف رانية · 2014-12-28, 22:07

اطباق اولادي رووعة يعطيييك الصحة

lyzzabel · 2014-12-29, 12:37

صباح النوووور ولا مساء النوووور هههه حبيباتي و نهاركم طيب
اليوم فطورنا غراتان بالبطاطا و الفيونداشي و سلاطة و الحمد لله على نعمه حمدا كثيرا طيبا مباركا فيه
بصحتكم كاااااامل واش طيبتو ،، مازال ما راجعتش من بعد بإذن الله نولي ،، سلااااام

lyzzabel · 2014-12-29, 12:39

ما يخرجوا مع بعض
سمسومتي ربي يخليك يا احلى سمسوووومة ،، من بعد كي نفرغ نجرب الطريقة لي قلتيلي عليها انشالله ننجح و لك مني احلى موووووواااااح على تعبك يا الحبيبة

ام سهام 02 · 2014-12-28, 21:01

"]الدزيريات لميمي

العجينة 4كيلات فرينة +1كيلةماغرين التوريق ذايبة +1مص فانيلا ولمي الماء دافي مذوبة فيه رشةملح وخليهاترتاح

الحشو 3كيلات لوز مطحون رقيق +1كيلة سكر عادي وزاست الليمون ولمي بالبيض وادلكي مليح الحشوباه يذوب السكر وخاليه يرتاح بعد ليرتاح شكلي كويرات بوزن 30غ

الطريقة حلي العجينة بالحلال وجوزيها في االة التوريق الماشينة تع البقلاوة في الرقم 1 4 مرات حتى ترطاب العجينة امنبعد اترقي حتى توصلي لرقم 5

قطعيها دوائر بطابع قطره 10سم وحطي في وسطها كويرة من الحشو وشكليها بواسطة كيردون و خاليها ترتاح ليلة كاملة باه تنشف امبعد طيبها حتى تحمار من الفوق غير تخرجيها اثقبيها من جهة العجينةوديريها في العسل مخلط بالشربات مدة 5 دقائق وديريها تقطر وفي الاخير في ليكسات

mimi-archi · 2014-12-29, 19:07

اقتباس:

المشاركة الأصلية كتبت بواسطة ام سهام 02

"]الدزيريات لميمي

العجينة 4كيلات فرينة +1كيلةماغرين التوريق ذايبة +1مص فانيلا ولمي الماء دافي مذوبة فيه رشةملح وخليهاترتاح

الحشو 3كيلات لوز مطحون رقيق +1كيلة سكر عادي وزاست الليمون ولمي بالبيض وادلكي مليح الحشوباه يذوب السكر وخاليه يرتاح بعد ليرتاح شكلي كويرات بوزن 30غ

الطريقة حلي العجينة بالحلال وجوزيها في االة التوريق الماشينة تع البقلاوة في الرقم 1 4 مرات حتى ترطاب العجينة امنبعد اترقي حتى توصلي لرقم 5

قطعيها دوائر بطابع قطره 10سم وحطي في وسطها كويرة من الحشو وشكليها بواسطة كيردون و خاليها ترتاح ليلة كاملة باه تنشف امبعد طيبها حتى تحمار من الفوق غير تخرجيها اثقبيها من جهة العجينةوديريها في العسل مخلط بالشربات مدة 5 دقائق وديريها تقطر وفي الاخير في ليكسات

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ا
حنونتيييييييي ربي يخليك لينا يا احلى ام سهام في الدنيا ههههه وربي يعطيك ما تتمني يا رب
و اكيد نجربهم و نوريلك ( بعد ما نشفي راني مريضة ادعوليييي) مواححححححححححححح

دائمة الحمد · 2014-12-28, 21:14

الف الف مبروك عزيزتي عازفة الناي كوزينة الربح والهناء ان شاءالله تكون فال خير عليك وعلينا

دائمة الحمد · 2014-12-28, 21:15

زينب ليك وحشة حبيبتي توحشنا اطباقك وابداعاتك