مخبز الكاوكاو مش رايحة تفرقيه عن مخبز اللوز من مطبخي بالصور

*وردة الشرق* · 2014-12-28, 16:34

مساء الخير ليوم جبتلكم وصفة معروفة بصح هدا شحال وانا نطور فيها حتى صلحتلي الحمد لله نظرا لغلاء اسعار المكسرات وكاين ناس بزاف ما يقدروش يشرو اللوز اليك اختي الحل بادن الله

اولا تحضير الكاوكاو

كاوكاو مقشر ومرحي رقيق كما اللي نخدمو بيه الحلوات مش دقاق بص لازم رقيق وتحطي قدرة على النار معمرة ماء وفيها 3 حبات قارص وباط افاني قدار 100غرام ونصف قرعة عطر اللوز وحطي الكاوكاو يفور كما الكسكس بعدما يفور خليه في الكسكاس 10دقائق فرغيه في قصعة وماتخفيش راكي تلقايه معجن خليه يبرد خلاص وعاودي العملية مرتين اخرين في الاخير عندما يبرد جيبي ورق اللي كانو يفرشوه بكري في الطابلات تاع الاعراس وحطيه فيه تقليه بحاجة تقيلة لمدة 3ايام بدلي الورق كل يوم وبعد الثلث ايام فرغيه في سنية وخليه يشيح خلاص

بعدما تحضري الكاوكاو

كيلي 3كيلات كاوكاو +كيلة سكر ناعم ومغرفة صغيرة فانيلا و عطر اللوز تقدري ديري قشور القارص وفانيلا لمي الخليط بالبيض خلطي بيضة وصفار بيضة مع بعض ولمي المزيج وعجني مليح +مغرفة كبيرة نشاء لكل 200غ كاوكاو وفي الاخير ضفي ملعقة كبيرة زبدة دائبة اعجني شوية اتركي المزيج يرتاح لمدة 15 دقيقة

رشي نشاء وطرحي المزيج بالسمك اللي تحبيه وطبعيه ايضا الشكل المرغوب فيه رشي المول بالفرينة ودخليه للفور تكوني سخنتيه قبل 5دقائق فقط على 180 درجة خليه يطيب من 20 حتى 25 دقيقة دعيه يبرد حضري الطلية

الطلية انا ندير كيلة زيت +كيلة عصير ليمون +كيلة حليب ولمي بالسكر ناعم حتى تعود تقيلة للطلي غطيها خليها ترتاح لمدة 30 دقيقة هده الطلية تنشف من فوق لكن تبقى طرية من داخل حتى لو قعدت شهر

وزيني المخبز ديالك كما حبيتي والطلية انا تركتها بيضاء لكن تقدري تلونيها مثلما تحبي

ملاحظة : الكاوكاو تاعي مش مرحي رقيق بزاف لاني كنت رايحة ندير بيه حلوى اخرى لكن لما جات في بالي الفكرة طبقتو انتم ارحوه شوية رقيق

نترككم مع الصور وصدقيني انو لديد جدا جدا جربيه ومش رايحة تندمي

وهنا من الداخل كيفاه شكلو خفيف وطري يدوب في الفم

نتمنى يعجبكم انتظر ردودكن

ام احمدي · 2014-12-28, 16:43

هااااااااااااااااااااااايل بارك الله فييييييييييييييييييييييييييك

fati13 · 2014-12-28, 16:45

ماشاء الله ختي يعطيك الصحة

ام محمد78 · 2014-12-28, 17:16

يعطيك الصحة

أنواار الإيماان · 2014-12-28, 17:22

عجبني في الكوزينة امممممممم وقبل مانشوف الوصفة نوعدك ان شاء الله بالتطبيق ماشاااااء الله

*أم جابر* · 2014-12-28, 17:23

بارك الله فيك

أم ياسين الزهراء · 2014-12-28, 17:54

روووووووووووووووووووووووووووعة الله يعطيك الصحة

ome ishaq · 2014-12-28, 18:14

ماشاء الله يعطيك الصحة

*عاشقة الجنة* · 2014-12-28, 18:44

زينب اختي العزيزة مواضيعك يعجبوني بزاااااااااااف
ربي يحفظك ويعطيك ما تتمناي ان شاء الله

وصفاتك ممتازة واقتصادية وبريزونتابل

idron0 · 2014-12-28, 19:07

ربي يبارك فيك .... ماشاء الله

أم عبير · 2014-12-28, 19:31

الله يبارك فيك اختي و الله يعطيك الصحة فعلا هايل

ام سهام 02 · 2014-12-28, 19:57

طريقة معالجة الكاوكاو راني مجربتها راهي هااااااايلة والمخبز رااااائع ومتقن يعطيك الصحة

leila-alger55 · 2014-12-28, 20:09

ces iconomique merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiii

أم اسحاق · 2014-12-28, 21:13

مشكورة ماشاء الله رووووووووووووعة,,,,,

*وردة الشرق* · 2014-12-28, 21:44

مساء الخير على الجميع مشكورين حبوبات على التشجيع انشاء الله تجربوه
نصيحة ايضا للاخوات ادا كان عندك فرح تقدري تنحي كيلة كاوكاو وتحطي في بلاصتها كيلة جوز رايح يخرجلك 44444444 بادن الله ربي يخليكم ليا ويعيشكم