الجزء 101 من ركن واش طيبتي اليوم

[دائمة الحمد]

ربي يعطيك صحتك عطورة
انا اليوم راح نعمل جلبانة والكسرة راني نخمم هوما عجبهم خبز الفيسال بالصح واقيلا ما يجيش مع الجلبانة ما يعديش وهوما يحبو ينقعو ويغمسو ويعدو ههههههههههه
كي يبرد الحال نخاف
الي يدخل يدخل جيعان

[x ام رحاب x]

انا غداية كرم العصري تاع ام رحاب

[nihale89]

صباااااااح الانوار حبيباتي
غدايا بواقي في الثلاجة
ام يسرا واش راكي حبيبتي ليك وحششششششششة ودايما في بالي
حبيباتي راني راجعت كلششش يعطيكم الصحة كل وحدة باسمها

[ome loudjeine]

المشاركة الأصلية كتبت بواسطة x ام رحاب x

انا غداية كرم العصري تاع ام رحاب

ربي يجازيك على وصفة الكرم جربتها شحال من مرة وخرجتلي هايلة حتى لولاد عجبتهم مايحبوش الكرم.بارك الله فيك.

[x ام رحاب x]

المشاركة الأصلية كتبت بواسطة ome loudjeine

ربي يجازيك على وصفة الكرم جربتها شحال من مرة وخرجتلي هايلة حتى لولاد عجبتهم مايحبوش الكرم.بارك الله فيك.

ربي يجازيك كل خير حبيبتي وتسلمي

[Oum yousra]

صباحكم فل وعطر وياسمين واشراكم لباس ؟؟ انا هاذا وين راني نشرب في قهوتي و نراجع البارح أعييت اسمحولي . الي سالت عليا نقولها ربي يفرحك حنونة و يعطيك الذرية الصالحة و يهنئك مع زوجك و تشوفي ولادك في أعلى المراتب يا رب . و شكراااااا و ألف شكرًا على الباروك الي حطيتوهولي كلش رووووووووووووووووعة من يديكم و الي نشوف طيابها يسخفني والله بدون استثناء كلكم طباخات شاطرات و كل وحدة و لمستها ربي يحفظكم

[Oum yousra]

الغداء راه مودرلي ماعرفتش واش ندير راني نخمم في مورزايم . حقة زهرة راني شفت المحاجب نتاعك واااااااو شكرًا حنونة يهبلو انا الصراحة ندير نتاع المسمنات مانعرفش ندير نتاع البرنوس تسيحلي منو لاصوص و انا نحبهم اممممممممممممم يعطيك الصحة:

[ome loudjeine]

صباح الورود الي التحقو ونهاركم زين.
انا غدايا شيفلور في الفرن الي عندها وقت تحطلي كاش وصفة مليحة.

[Simassim]

البنات يسعد صباحكم كامل ونهاركم مبروك
فطور راني تهنيت منو نزيد نقلي البطاطا ونطيب سوب لولدي هههه سيمانة وهو بالإسهال والبارح جاه إمساك دوخني
اذا درت كوراج نروح نلبز كاش حاجة راني حاسة روحي في قرن ماطيبتش حاجة تعجبني بالحمل نكره الكوزينة

[دائمة الحمد]

راهي تقول ليكم وحدة فيكم تفتح الكوزينة والا نفتحها انا مشكم تشوفو فيا ضاربة طبلية القضية على رقبتي
خالتي اسينات
راهي اميرة وين تجينا ما تخلي ما تعمل فيها

[assinet]

المشاركة الأصلية كتبت بواسطة دائمة الحمد

راهي تقول ليكم وحدة فيكم تفتح الكوزينة والا نفتحها انا مشكم تشوفو فيا ضاربة طبلية القضية على رقبتي
خالتي اسينات
راهي اميرة وين تجينا ما تخلي ما تعمل فيها

هههههههههه بنوتييي لحرة أي في الكوزينة دير في غداها

[Oum yousra]

داءمة الحمد ربي يحفضلك اسيانات و يصونها و تشوفيها في أعلى المراتب يا رب

[kaouka]

المشاركة الأصلية كتبت بواسطة دائمة الحمد

راهي تقول ليكم وحدة فيكم تفتح الكوزينة والا نفتحها انا مشكم تشوفو فيا ضاربة طبلية القضية على رقبتي
خالتي اسينات
راهي اميرة وين تجينا ما تخلي ما تعمل فيها

الله يبرك تهبل وريتها لبني قلي تجي تلعب معيا عجبتو خخخخخخخخخ

[Omrihem]

المشاركة الأصلية كتبت بواسطة دائمة الحمد

صباح الخيرات والبركات
سيماسيم صباحك زين كيفاش اصبحتي
ام ريهام ربي يفرج عليك
شكون مولات الكوزينة الجديدة تحضر نفسها وتحل بابها رانا قتلنا البرد

دائمة الحمد آمين حبيبتي

المشاركة الأصلية كتبت بواسطة دائمة الحمد

قبل لا نروح من منكن من هذا الجيل الذي لا يرجع ولا بالاحلام

ياه علي الذكريات امالا انا هي يا عطر الذهب لي رجع بيا الزمان 31 سنة لورا

المشاركة الأصلية كتبت بواسطة x ام رحاب x

صباحكم سعيد
دائمة الحمد صباحك اسعد حبيبتي فكرتينا في الصغر والله كون نلقاه نشريه لبنتي الي في التحضيري وانقريها فيه اااااااااااااااااااااااه على العمر كيفاش يعقب
ايمان وشي بيبا وام ريهام صباحكم سعيد
ام ريهام لاباس عليك حنونة وربي يفرج همك حبيبتي ماتتقلقيش القلق ايجيب غير المرض

ام رحاب تعيشي حنونة والله كنت حاكمة روحي انا قريت الرد نتاعك جاني البكاءك

المشاركة الأصلية كتبت بواسطة دائمة الحمد

راهي تقول ليكم وحدة فيكم تفتح الكوزينة والا نفتحها انا مشكم تشوفو فيا ضاربة طبلية القضية على رقبتي
خالتي اسينات
راهي اميرة وين تجينا ما تخلي ما تعمل فيها

يا عمري يا عمري ربي يحفظها واش هاذ الزين انا من عندي حليها اسينات الزينونة

[omomnia15]

صباح الخير عليكم حبيباتي ان شاء الله تكونوا بخير