وصفات حراير الكوزينة الجزء الثاني

موسكوتشو ام حمزة

راه ساهل ماهل انا استعملت مول صغير درت 4حبات بيض ضربتهم مع كاس ماشي معمر سكر من بعد زدت كاس زيت وضربت ثم ضفت مبشور القارص ولافاني وفي الاخير باكي خميرة مع الفرينة ما نكثرش الفرينة نخلي العجينة خفيفة باش يجي الموسكوتشو خفيف
بعد ماطاب سقيتو بخليك الحليب وسكر قلاسي ورشيتو بشوية نواد كوكو وتقجري تستغني على نواد كوكو

كوكا انا هي رزيقة

شوفي الحشوة درت كفتة قليتها مع شوية زيت زيتون و فلفل حلو شوي برك و طمطماية و كي تطفي زيدي حبات زيتون اخضر مقطوع مشي بزاف لازم الكفتة لي تبان اكثر. و بالنسبة لتشكيل انا تعلمتو هنا في المنتدى بصح للاسف نسيت الاخت لي حطات الموضوع . لازم تحلي عجينتك ماشي رقيقة بزاف على شكل دوائر ثم تزيدي تحيلها شوي على شكل بيضوي ثم جوزي على الاطراف بالبانسو بيضة وحدة مخلطة مع ملعقتين زيت و حطي الحشوة في الوسط و غلقي بالشوية ما تضغطيش عليها ب خلي شويا مساحة بهذالاالشكل
ثم طليهم بخليط البيضة و الزيت و ديرهم يطيبو في فور سخون درجة 180 الى 200 و كوليهم بالصحة انشاء الله اذا كان الفور تاعك ما يحمرش تقدري تشعلي من الفوق في الاخير با ه يحمارو برك

مافن الشوكولاطة yasmalak حنان

بان كيك yasmalak حنان

طاجين محمر yasmalak حنان

[معلمة كريمة]

الله يعطيك الصحة

[أم محمد علي]

تارت التفاح بالعجينة المورقة انا هي رزيقة

. شوفي رايحة نعطيلك الوصفة كيما ندريها بصح للاسف ما صورتش المراحل في المرة الاخيرة كي درتها عندي صور قديمة برك . انا استعملت مول 26 سم و تقريبا كيلو تفاح او اكثر نحب نكثر منو .. تقشريه و تدلكيه بنص حبة قارس بش ما يكحالش ثم تقطعيه انصاف و تنحيله الوسط و تقطعيه شرائح دون ما تخربشيهم خليهم هكذاك مثل الصورة. اومبعد حلي العجينة تاعك و حطيها في المول و غطي قاع السطع بملعقتين كبيرة او ثلاث معجون مشماش اوبمعد خذي حبات التفاح هكذاك في يدك و ستفيهم في االمول دائريا بلا ما تخربشيهم ..خخخخ ميليهم فقط قليلا اي ديريهم مايلين قليلا و انتي و شطارتك .. ما تخافيش كيتعوجو راهم رايحين يسقمو روحهم كييطيبو و احرصي على ملئ كل الفراغات بالتفاح كي تكملي خذي تقريبا مغرفة اكل مرغارين و قطعيها قطع و ديريها فوق التارت ثم زيدي تقريبا مغرفة صغيرة سكر و ذرذريها فوقها و اخيرا الى فرن ساخن بدرجة 180 انا خليتها في الفرن 40 دقيقة او اكثر .. كل واحد و الفرن تاعه فقط عسيها كي تحمارمن الجوانب ثم اشعلي الفور من فوق بش تحمري التارت من فوق و مباشرة بعد خروجها اطلي عليها جولي التفاح و الى ما عندكش ديري معجون المشماش ذايب يفي بالغرض خخخ
بالنسبة للجولي ديري كاس كبير ماء مع كاس ناقس شوي سكر مع عصير ليمونة و ملقتين كبار ماء زهر و كي يذوب السكر زيدي علي هذا ك الماء قشور التفاح مع هذاك العنقود تع الوسط ما علاباليش كيفا يسموه ..خخخ بعد حوالي 10 الى 15 دقائق من الغليان نحي القشور و خلي الخليط يزيد يغلي شوء حتى يلصق ما بين صباعتيك ثم طفي علي

كيكة بالماء حياة نورالدين

هده كيكة ديريها بلا مضرب وبالماء فيها كاس ماء وكاس زيت وكاس سكر وزوج ملاعق كاكاو يغلوا فوق النار بعد ما يغلوا اتركيهم على جهة يبردوا شوية بعد ما تتدفى او تبرد نبداو نديؤوا حبة بيض ونخلط ثم كاس فرينة ونخلط ونتعاود حبة بيض وكاس فرينة ونزيد مرة ثالثة يعني نستعملوا ثلاثة بيض وثلاث كيسان فرينة نخلط مع زوج خمارة كيميائية تكون مخلطة في الفرينة والزاست او لفاني نفرغوها في مول مدهون وندخلها فرن مسخن على مئتين درجة مدة عشرين دقيقة تقريبا
والتزيين حسب الرغبة ان شاء الله تجربوها

[الطباخة الصغيرة]

حراير بمعنى الكلمة يعطيكم الصحة.. نشوف وصفاتكم لعابي يسيل

[idron0]

طاجين الحلو بالبابا yasmalak

إضغط هنا لرؤية الصورة بحجمها الطبيعي.

[ناريمان2004]

روعة يا لحراير

[ارزاق]

اهلا بيك ادرونو عندك مدة غايبة يارب تكوني بخير

[idron0]

الجولي انا هي رزيقة

ديري كاس كبير ماء مع كاس ناقس شوي سكر مع عصير ليمونة و ملقتين كبار ماء زهر و كي يذوب السكر زيدي علي هذا ك الماء قشور التفاح مع هذاك العنقود تع الوسط ما علاباليش كيفا يسموه ..خخخ بعد حوالي 10 الى 15 دقائق من الغليان نحي القشور و خلي الخليط يزيد يغلي شوء حتى يلصق ما بين صباعتيك ثم طفي عليه.

[idron0]

قاطو الطبقات ارزاق

غير انا بدلتلو اللوك هههه
راح نكتب المقادير وهي في طاوة تحطي 16 مك حليب+6مك عسل+10مك سكر قلاصي +150غ مرقرين او زبدة ستار + باط بيكاربونات وتحطي الكل علي نار هادئة وتحركي راح تلاحظي بلي كانها راح تفيض وهذا لانو فيها البيكربونات ولما تبدا تعمل رغاوي ويصبح لون الخليط بني ننزعها من النار نتركها تبرد ونضيف 4صفار بالواحد ونحرك بالفويي اما اذا البيض صغير ديري 5صفار وحركي ثم ضفي شويا فاني والفرينة بالشويا حتي تتلم متيبسيش العجينة تكون كما تاع الصابلي في القوام اقسمي 3كرات ندهن البلاطو بالزيت لكن نقلبو البلاطو
ونطيب علي درجة 180د ولازم تثقبو الكرات راهي مطولش ممكن 10د لما طيب وهي سخونة تقلب علي النيلو
يبقا بياض البيض طلعيه مع قرصة ملح كالثلج ثم نضيفلو كمية من معجون المشمش ممكن ديري نصف باطة او اكثر بقليل تحركي الخليط برفق كما نحركو الجينواز ونضع الخلط بين الطبقات ومن فوق نزين بالشكولاطة ونذرذر الكوكاو هذي الوصفة الاصلية

لكن انا درت بين الطبقات كريم ديبلومات و في الطبقة الاخيرة حطيت كمية قليلة من الشونتي وزينت بالديكوجال وعملت خطوط بالكريم الشونتي لي بقات ودرت شكل الملفاي .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

هدا اللوك القديم

بعد عملية التجميل نسيت نقلكم بلي اذا درتي الكريمة تخليها في الثلاجة ولازم متكلهاش في وقتها خليها تبات احسن .
ملاحظة: تقدرو تنقصو في كمية العسل والسكر القلاصي باه مجيش حلو بزاف ولازم تغلفو العجين بالنيلو والا راح ييبس .