وصفات حراير الكوزينة الجزء الثاني

[idron0]

مثلجات لذيييييذ جداااا سماح

فيه 200g كرام شانتيي و 90gلحظة طلعيهم مع نص لتر حليب بااارد
و من جهة اخرى ضربي ثلاث صفار بيض مع نص كاس سكر و ثلاث بياض مع ربع كاس سكر ثم خلطي كلش مع بعض بمهل ثم اقسمي الخليط حسب ما حبيتي تنكهيه و نكهيه سواء بمنكهات اصطناعية او فواكه مرحية مثلا انا درت فاني و لاروم تاع فراز و تاع بيسطاش ثم ديريه في كؤوس او في علبة واحدة كبيرة و حطيه في المجمد على الاقل خمس ساعات.

إضغط هنا لرؤية الصورة بحجمها الطبيعي.

[idron0]

تحلية الطبقات ام ساجد

الطبقة الاولى =بسكويت مرحي+زبدة ذابة نخلطهم ونحطهم في الطبق ونضغط جيدا
الطبقة الثانية=علبة فلان كراميل حجم كبير +لتر حليب+2مغارف ك بار نشاء+2مغارف سكر نخلطهم ونطيبهم على النار ولما تعقد نصبها على الطبقة الاولى ونحطها في الثلاجة تبرد جيدا
الطبقة الثالثة =نذوب الشوكولا مع اضافةالقليل من الزيت ونخلط و النار حتى تذوب ونصبها فوق لطبقة الثانية ونخليها تبرد وتتماسك ونقطعها اوممكن نخدمها في اكواب فردية.


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[idron0]

قاطو الجلجلانية وردة الشمس

500غ زبدة تقطعلك 100حبة او اكثر
500غ زبدة
7صفار بيض+بيضة كاملة
زاست قارص
1خميرة كيميائية
عسل
فرينة
جلجلانية بيضاء حواي 250غ او اقل نسيت المهم اكي تمرغي فيها
حبات كوكاو للتزين
الكيفية
نخدم الزبدة مع البيض مليح ونزيد الزاست ولخميرة والفرينة حتى تتحصلي على عجينة طرية نديرو كويرات صغار حوالي 10غ ونحطوهم في بياض البيض ونزيدةو نمرغوهم فالجلجلانية ونحطوهم فلكسات ونحطو حبة كوكاو فالنص وندخلوهم يطيبو وكي يخرجو نعسلوهم بمغرف عسل
اصبري عليا نحوسلك على الفطو ونحطهولك
هاهم الفطوات

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[jordi]

Basboussa est un gâteau algérien à la semoule arrosé de sirop à la cuisson, qu’on retrouve également au Moyen-orient. Il existe différentes variantes : amandes, noix de coco, noisettes, pistaches, etc…Ma version aujourd’hui est parfumé à l’orange : Il est délicieux. Je le prépare toujours la veille pour le lendemain, car plus facile à découper. Voici la recette :




Pour un moule de 30 cm
– 6 œufs
– 150 gr de sucre semoule
– 170 gr d’huile
– 160 gr de lait
– 2 sachets de levure chimique
– 360 gr de semoule extra fine



Pour le sirop
– 1 litre d’eau
– 400 gr de sucre semoule
– 200 gr de sucre de canne
– 1 zeste d’orange
– Eau de fleur d’oranger

– Zeste et extrait d’orange
– 2 cuillère à soupe d’eau fleur d’oranger



Préparation du gâteau
Dans le bol du pétrin avec le fouet (ou au batteur), cassez les œufs. Incorporez le sucre et laissez blanchir. Ajoutez alors l’huile, puis le lait. Continuez de battre. Versez la levure chimique et finir avec la semoule fine. Incorporez la purée de zeste d’orange et remuez bien afin de bien amalgamer.

Versez dans un moule recouvert de papier sulfurisé plus pratique pour la découpe du gâteau. Préchauffez le four th. 165°. Mettre Basboussa à cuire pour 30 min environ. Piquez à l’aide d’un cure-dent voir la cuisson intérieure. Si celui-ci est encore humide, laissez cuire encore jusqu’à ce qu’il ressort sec.

**************************

[jordi]

saha likom

[idron0]

مقبلة المحنشة تاع خديجة جكون ام محمد تاج

حبيباتي اعجنو عجينة البيتزا عادي واقسميها قرصات متوسطين انا رطل فرينة دارلي ست حبا يشبعووو رووووعة خليهم يرتاحو وادهنيهم بالزيت مليح وغطي عليهم ورق فيلم
الحشو خديجة جكون عملت شكشووكة بالكبدة قطعتها طراف صغار انا درت شكشوكة باللحم مرحي فيها بصل مذبل ولحم مرحي وطماطم الحب وطماطم الباط والمعدنوس والهريسة
نجيو للمونتاج
ادهني طاولة العمل بالزيت وحلي القرصة كيما المسمنات لازم تكون رقيقة وحطي على الجانب كامل شوي من الحشو ومشيه على طول المسمنة وزيتي مليح يديك وطاولة العمل ومبعد رولي وخليها ترتاح وكملي الباقي كي تكمل احكمي بالوحدة وزيدي مددي فيها وروليها كيما المحنشة وخليها تطلع وذرذري عليها الجلجلانية وحطيها طيب حتان تحمار
ملاحظة: هي قالت ماتدهنيش بالبيض بصح انا كي مادهنتش الجلجلانية كامل طارت وزيدهي تبانلي دهنت على خاطر خرجو حباتها يبرقووووووو
المهم المرة الجاية ندهن كي يبداو يحمارو ونذرذر الجلجلانينة
حبيباتي اسهل منها مافيش والبنة رائعة .
رققو المسمنة باش ماتجيكمش معجنة .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[عقليةdz]

يشهيو يعطيك الصحة

[idron0]

طاجين الشواء ام مؤمن

إضغط هنا لرؤية الصورة بحجمها الطبيعي.

هذا طبق تقليدي قسنطيني نديروه في الاعراس و الطهور و المناسبات

يلزمك طرف لحم غنمي او بقري هبرة يكون مليح و معاه فخد او صدر دجاجة اذا كان اللحم مشحم حطيه في مقلة من دون اية اضافات و قليه على نار دليلة او بمعنى اشويه لهذا نسموه طاجين الشواء فقط حمريه قليلا باش ياخد طعم الشواء

في قدرة حطي اللحم و الدجاج تضيفي عليهم حبة بصل متوسطة الحجم مفرومة 2 سنينات ثوم شوية سمن او زبدة و شوية برك ملح و فلفل اسود و قطيرات ماء و قليهم مليح على نار هادئة حتى يدبال البصل مرقي ب 2 كيسان ماء و خليهم يطيبوا في عقلهم اللي تحب توابل اخرى تقدر تضيفها انا نحبو تغلب عليه رائحة اللحم و بنتو مانكثرش التوابل
و جهزي لحم مفروم دوزنيه مليح شوية بصل و ثوم و ملح و فلفل اسود و معدنوس و بيضة و شوية شابلير او غبرة تاع الفريك و ديريه بولات كبار و ارميهم يطيبو مع اللحم

كي يطيب اللحم نتاعك مليح نحي الجاج اذهنيه بشوية زبدة و ملح و حمريه في شوية زيت في مقلى او حمريه في بلاطو تحت شواية الفرن

و كي تعقد المرقة طفي النار و اعصري حبة قارص و غطي القدر

عند التقديم ستفي اللحم و الدجاج و بولات الكفتة و اسقيهم بشوية مرقة و زينيه بمعدنوس و قارص و شهية طيبة.

[idron0]

كيش بالعجينة المورقة بحشو السلق و اللحم المفروم
ام مؤمن

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


اطرحي العجينة على قد المول نتاعك متوسطة السمك و تكوني حضرتي الحشو اللي هو

سلق طايب انا غسلتو و خليتو قطر مليح و حطيتو في قدر و ضفتلو حبة بصل مفروم صغيرة و 2 سنينات ثوم حبة طماطم رابي و ملح و فلفل و شوية زيت و نص كاس ماء و خليتو على نار خفيفة حتى طاب و تقريبا نشف او طيبيه بطريقتك

شحطي شوية لحم مفروم في ملعقة زبدة و خليه يطيب في الماء اللي يطلقو و ملح و فلفل و ثوم و ضيفيه لخليط السلق

و ضفت مع السلق و اللحم المفروم قطعة جبن شاف ذوبتها في نصف علية كرام فراش خلطي كلش و دوقي الملح اذا محتاج و احشي بيه الطورطة

شكلي بالعجينة شرائط طويلة قصيها بالجرارة و ديريها كيما الخلية او الشطرنج و زينيها بورود صغيرة من العجينة و اذهنيها بصفار البيض و طيبيها.
ملاحظة: العجينة كي طرحتها في الصينية خليت الجوانب و احشيتهم بالجبن الطري و رجعت العجينة للداخل و بعدها وضعت الحشو .

[ام مؤمن]

المشاركة الأصلية كتبت بواسطة idron0

كيش بالعجينة المورقة بحشو السلق و اللحم المفروم
ام مؤمن

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


اطرحي العجينة على قد المول نتاعك متوسطة السمك و تكوني حضرتي الحشو اللي هو

سلق طايب انا غسلتو و خليتو قطر مليح و حطيتو في قدر و ضفتلو حبة بصل مفروم صغيرة و 2 سنينات ثوم حبة طماطم رابي و ملح و فلفل و شوية زيت و نص كاس ماء و خليتو على نار خفيفة حتى طاب و تقريبا نشف او طيبيه بطريقتك

شحطي شوية لحم مفروم في ملعقة زبدة و خليه يطيب في الماء اللي يطلقو و ملح و فلفل و ثوم و ضيفيه لخليط السلق

و ضفت مع السلق و اللحم المفروم قطعة جبن شاف ذوبتها في نصف علية كرام فراش خلطي كلش و دوقي الملح اذا محتاج و احشي بيه الطورطة

شكلي بالعجينة شرائط طويلة قصيها بالجرارة و ديريها كيما الخلية او الشطرنج و زينيها بورود صغيرة من العجينة و اذهنيها بصفار البيض و طيبيها.

شكرا على ادراج الوصفة يا ريث تديري تعديل و تضيفي العجينة كي طرحتها في الصينية خليت الجوانب و احشيتهم بالجبن الطري و رجعت العجينة للداخل و بعدها وضعت الحشو اسفة نسيت

[idron0]

معجون المشماش ام سراج و ملاك

انا نطيب زوج انواع نطيب لي يجي بالمشماش هذا حنا نقولولو البيضاي
هاهي صورتو


إضغط هنا لرؤية الصورة بحجمها الطبيعي.


نطيبو كيما هكذا اول حاجة نغسلو مليح وندخل مغرف صغيرة ونحي القلب وكاين لي يطيبو بالقلب انا منحبش نطيبو بالقلب خطراه نخاف يكون مدود ندير كل زوج كيلو مشماش بكيلو سكر ونخلي المشماش يبات في سكر نتاعو وفي الغد نطيبو على نار قليلة خلاص ومنحركوش باش يبقاو الحبات مجمولين يطول في طياب خطرا هالنار ناقصة خلاص باش ميتحرقش لللاسف مطيبتوش خطراه معندي حاجة فيه بصح ضك نحطلك الصورة نتاعو اختي طيباتو كي نروحلها نصورولك ان شاء الله

اما المشماش العادي نغسلو ونحيلو لقلوب وندير كيلو سكر بكيلو مشماش باش ميفسدش المعجون ويبقى حتى لعام الجاي ومنحطوش في المجمد نديرو في بلارات عادي ونغلقهم مليح ونحطو في الثلاجة عادي وكاين حتى لي يحطو برة وميفسدش انا صراحة منحطوش نخاف دايما نخليه خاطي في الثلاجة من تحت آخر بلارة نتاع معجون من العام لي فات مديتها كي شفت المشماش وجد ومصرالها والو وخدمت حتى القاطو بيها نكملك ندير كيلو مشماش بكيلو سكر نخليهم يباتو في السكر نتاعهم في الغد نحطهم فوق النار على نار هادية ونخليهم يطيبو يطولو انا لي درتو ليامات لي فاتو دارلي في طياب نهار كامل ومنين ذاك نحرك متخافيش ميلسقش بصح النار ناقصة خلاص وزدت درت فيه فنجال ماء الزهر وفنجال ماء وخليتو حتان ولا لونو كيما لي في الصورة انا هكذاك نحبو يجي لونو كيما الكرامال وريحة ماء الزهر تجي فيه روعة والطعم اروع اذا حبيتي لونو احمر عادي كيما لي يتباع طفي عليه


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.


حقا حبيت نقلك حاجة انا ساعات نطيب المشماش عادي ومنخليهش يطول في طياب كيما العصير بصح منصفيهش نحطو يبرد ونديرو في صاشيات والى المجمد وكي يكون المعجون خلاصلي نجبد صاشي نحطها حتان يروحلها التجميد ونديرلها السكر كيلة بكيلة نكيل باي حاجة نفس الكمية نتاع المشماش سكر ونحطها طيب عادي وتولي معجون خطراه ساعات تكون عندي كمية كبيرة بزاف من المشماش ومنقدرش نديرها اكل معجون ندير هاذي الطريقة هايلة ومعجون نتاعها يجي هايل.

[idron0]

المايونييز lyzzabel

نعطييك طرييقتي ندييرها من بكريي و تجي كيما leusieur
فالبوول تااع اابرا ميكسوور نديير حبة بيض كااملة بدرجة حراارة المطبخ و م ك موتاارد و م ك خل و رشة صغييييييرة ملح و رشة صغييرة سكر و كااس او اكثر تااع قاازووز زييت و نحط البرا و نمييكسي رااهي تم تم تطلع و تشد رووحهاا ،، تقدري تضييفي عصرة ليموون و تزييد تمييكسي ،، و الكثاافة كيما تبغييها تقييلة ولا شوية خفييفة زيدي الزييت ولا نقصيي ،، تتحصلي على مايونيييز من اررروع ما يكوووون.

[amoulayasmin]

يعطيكم الصحة

[idron0]

غراتان لمبطن ام سراج و ملاك
شوفي تغلي حبات بطاطا نتي واش حبيتي قشريهم وقطعيهم وغليهم وطبعا شوي ملح كي يطيبو امرسيهم بفرشيطة مع خمس حبات فرماج وشوي ثوم ومعدنوس مقطع رقيق وحطي كمية من لحم مرحي نئ يعني متقليهش خطراه يطيب في الفرن الكمية لي تحبيها ومعاهم 2 بياض بيض ادهني صينية لي رايحة طيبي فيها بشوي زبدة وشوي زيت حطي كعابر مسامين بعضاهم في صينية ودخليهم للفرن يطيبو كي يطيبو تكوني وجدي صلصة البيشامل وزيدي فيها 2 صفار بيض وزوج سنات ثوم ومعدنوس مقطع رقيق لداخل وحطيها فوق البطاطا وذري فرماج رابي من فوق ورجعيها للفرن من فوق برك يطيب .

[idron0]

طاجين المشماش او طاجين الخوخ ام سراج و ملاك

شوفي اول حاجة نديرو مرق ابيض بصل وشوي لحم او دجاج وتوابل فلفل اسود وشوي زغفران او راس الحانوت وشوي ملح وزيت وشوي حمص كي تبدا تطيب لصوص نتي تكوني وجدتي فيونداشي ديري فيه شوي ثوم مرحي وملح وفلفل اسود وبيضة انا ساعات ندير شوي بيض على حسب الكمية نتاعك قادرة بيضة تكون بزاف خطراه لفيونداشي كي تلوحيه في المرقة الحبات يكونو صغار هاذوك هوما لقلوب ههههه نكملك كي تغلي المرقة نتي ديري كعابر صغار نتاع اللحم مرحي ولوحيهم في المرقة ومن جهة تكوني غليتي البطاطا امرسيها وديريلها شوي ثوم وشوي زعفران باش يجيو حبات المشماش لونهم اصفر وفلفل اسود وبيضة نحي الفيونداشي من المرقة وشدي شوي بطاطا وحطي فيها حبة الفيونداشي ودوريها بيدك ومرمديها في الفرينة كي تكملي الحبات كامل اقليهم في الزيت يجي لونهم اصفر ذهبي وشدي زوج ورقات معدنوس يكونو صغار حطيهم فوق الحبة كيما شكل المشمش حطيهم في طبسي وكي تحبي تقدميهم فرغي فوقهم لصوص تكون خاثرة مع الحمص وشبحي الطبسي نتاعك بالقارص ومعدنوس مقطع رقيق حقا حبات البطاطا متكبريهمش صغريهم قد حبة المشمش .