شاركونا ... جازاكم الله خيرا

[أم ماجد]

المشاركة الأصلية كتبت بواسطة zawali.dz

سمعت اخيرا معلومة جد مهمة سبحان الله

لما ناكلو التمر و يكون عدد فردي يعني 1 ولا 3 ولا 7 رح يستعملو الجسم على شكل طاقة

و لو كليناه بعدد زوجي رح يستغلو الجيم على شكل سكريات

يعني باختصار لي عندو السكري لازم ياكل التمر بعدد فردي حتى ما يطلعلوش السكر في الدم

و لي يعاني من السمنة كذلك ياكل بعدد فردي حتى يستغلو الجسم كطاقة و يحرقو

[melissa lola]

موضوع في القمة اختي انا ثاني عندي 4 اشهر ملي بديت نتبع نظام صحي دار ربي سبة مرض زوجي حكمو السكر و الكوليستيرول كان طالع بزاف 3,5 مايتكيف مايشم وماناكلوش اللحم بزاف هو اصلا مايحبوش وصاب روحو كارثة امالا بكيت شوية وخذيت قرار لا للاكل غير الصحي اول حاجة درتها فرغت القازوز في لافابو نقصت الحلو واللحم في طيابي وكثرت من شرب الماء و زيت الزيتون و الخضراوات و الفواكه نقصنا الخبز ولينا ناكلو بالشوكة و الحمد لله تحاليلو عاودها مليحة وحتى انا نقصت في الميزان نقتلو في رواحنا على جال قرعة قازوز ولا طبق غني بالدهون نهلكو في رواحنا باطل ماننساوش بلي ربي يحاسبنا على الصحة الانسان يتشهى ويحب ياكل مي ماشي دايما كي توالي وسورتو نهدر على ربة البيت هي المسءولة على صحة اولادها وزوجها وصحتها هي شخصيا امالا كيًتطيب ترد بالها وتحاول تخلي الاكل صحي ،،،،سلام

[لميس اميرة]

و حاجة مهمة جدا حبيت نقول على الاخوات لي يرحيو البصل و يقسموه و كل مرة يبدو منو

حذار ثم حذار راها خطيرة جدا

البصل مع الهواء مثل الاسفنجة مع الماء

يعني اذا حطيتو اسفنجة فوق الماء اكيد رح تتشرب كمية كبيرة من الماء

نفس الشيء مع البصل لما نقسموه يعمل عمل الاسفنجة لكن مع الجراثيم الموجودة فالماء

و هادو حكايات على فوائد البصل في امتصاص الفيروسات

صديق كان يحك قصته عندما كان صغيرا ويرقد في المستشفى بين الحياة والموت يعاني من الحمى الشديدة.عندما زارته جدته في المستشفى طلبت من أفراد العائلة احضار بصلة كبيرة وزوج من الجوارب القطنية البيضاء.قامت بتقطيع البصل ثم وضعت شريحة من البصل أسفل كل قدم وبعد ذلك وضعت الجوارب القطنية البيضاء.عندما استيقظ في الصباح الباكر أزالت الجدة الجوارب. شرائح البصل كانت سوداء اللون والحمى اختفت..؟

في عام 1919 ميلادية عندما قتلت الانفلونزا حوالي 40 مليون شخص كان الأطباء يبحثون في المزارع على المزارعين وعائلاتهم في محاولة منهم لانقاذهم ومساعدتهم من هذا المرض الفتاك إلا أنهم يصلون متأخرين وقد وافتهم المنية.!؟
اندهش واحد من الأطباء عندما زار مزارع وعائلته ليكتشف أن جميعهم بأفضل صحة وأتم عافية.فسألهم الطبيب كيف ذلك؟ فردت زوجة المزارع:بأنها وضعت في كل غرفة من غرف المنزل بصلة غير مقشرة مقطوعة الطرفين في صحن.طلب الطبيب أخذ بصلة واحدة من هذة ليفحصها تحت المجهر(الميكروسكوب)ليكتشف المفاجأة أن ميكروب الانفلوانزا موجود بداخل البصلة.حيث أن البصل يمتص البكتيريا

والأن اليكم هذة الحكاية التي روتها لي مصففة الشعر مالكة الصالون حيث لاحظت من سنوات مضت أن موظفاتها عندما يصابون بالانفلونزا فان العدوى تنتقل بشكل كبير بين زبائنها.في السنة التالية قامت بوضع العديد من الأوعية المحتوية على البصل حول الصالون.لتصيبها الدهشة أن لم يصب أي من الموظفات بالمرض.!؟

فحذاري تقصو البصل الصباح و تستعملو نصفو المساء او ترحيوه و كل يوم تستعملو كمية

[زينب 83]

ماشاء الله عليك اختي زوالي والله عجبوني معلوماتك و استمتعت و انا نقرا لك

شكرًا اختي ميليسا و الله بردتيلي قلبي

ام ملك و علاه حذفته الرد نتاعك ، شوفي يا اختي ام ملك ماعلاباليش علاه تربطو الأكل الصحي بالغنا ، ما لقيت ما نقولكم ياو الأكل الصحي راهو دواء للزوالي ، ياو الأكل الصحي راهو اقتصادي ، ايييه ماذا بينا ناكلو اللحم مرة كل شهر ، والله نرتاحو و اذا تهدي على جداتك ، ياو جدودنا كانو عندهم المناعة وما كانوش يأكلوا ا المواد الكيمياءية، و الهواء تاع هم كان نقي ماشي كلشي ملوث كيما ضرك ، حنا رانا كيما الكارتون و نزيدو ناكلو الشحمة ........

وإذا تهدري من ناحية الشرع ، لي راك تقولي فيه اسمه تواكل ماشي توكل ،ربي قالنا و لا ترموا بأنفسكم الى التهلكة ، ماشي نضربو رواحنا و نقولو هكا كتب لنا ربي ، لازم نتاخذو الأسباب و مباعد نتوكلو ، يخي لازم نجتاهدو و ندعيو ربي ننجحو ، و نخدمو و ندعيو ربي يرزقنا

و لوكان جاء الأكل الصحي ماشي ضروري لوكان ربي ماحرمش الميتة و لحم الخنزير ، لوكان ماحرمش أكل الحشرات ، لوكان ماحرمش اكل بعض انواع الحيوانات ، ولو كان العلماء ما حرموش التدخين ، لوكان ما حرموش الملون الاحمر ، النبي صلى الله عليه و سلم قال لا ضرر و لا ضرار و كان عليه السلام يحافظ على صحوت و يأكل التلبينة ، ويختلي ثالث المهدة للطعام و ثلث للماء و ثلث للهواء و أمرنا نشربو قاعدين و نشربو على ثلاث مرات و بزاف عادات اخرى صحية أمرنا بيها و علاه حنا اتقى منو و عندنا توكل اكثر منو ، هو كان فقير لكن يأكل صحي

[أم ملك]

بوركتي على هدا الطرح القيم و لكن بعيييييييييد جدا

[لميس اميرة]

و حاجة اخرى قلت نفيد بيها


حذار من شرب الشاي مع الاكل لانو يلغي عمل الحديد ما يخليش الجسم يمتص الحديد لهذا نلقاو المصريين من اكثر الدول المصاب سكانها بالانيميا

[*أم جابر*]

السلام عليكم ورحمة الله و بركاته

و الله عجوزتي و شيخي ماياكلوش الطعام (الكسكس) العادي و انما يشروا دقيق الشعير و اتفتلو عجوزتي تردوا كسكس و اديربيه الفطير مع زيت الزيتون والله ذوق روعة

[*أم جابر*]

من فوائد الشعير

يعتبر الشعير أقدم مادة استعملها الإنسان في غذائه، وقد جاء ذكر الشعير ضمن الحبوب في القرآن.

المواد الفعالة في الشعير :

نشا، وبروتين، وأملاح معدنية منها الحديد والفوسفور والكالسيوم والبوتاسيوم


الخصائص الطبية:
- ملين
- مقو للأعصاب
- منشط للكبد
- تخفيظ درجة الحرارة
- علاج الأسهال و التهاب الأمعاء
- علاج ضغط الدم المنخفض
- يطلف التهابات الامعاء والجهاز البولي
- يساعد في هضم الحليب ويعطى عادة للرضع من اجل منع تكوين خثارات داخل المعدة
- علاج التهاب الكبد
- يخفض معدل السكر في الدم
- نخالة الشعير يكون لها دور كبير في تخفيض الكوليسترول
- الحيلولة من تكون سرطان الامعاء
- مدر للبول
- ينظم امتصاص السكر إلى الدم مما يحد من ارتفاع السكر المفاجئ
- يبطئ من هضم وامتصاص النشويات والسكريات
- يساعد على تخفيف الاكتئاب والحزن
- مهدئ للقولون
- ينشط الحركة الدودية للأمعاء مما يدعم عملية التخلص من الفضلات
- يستخرج من الشعير مادة تستعمل حقنا تحت الجلد
أو شرابا في حالات الإسهال والتيفوئيد والتهابات الأمعاء تسمى الهوردنين
- تأخير ظهور أعراض الشيخوخة.
- تقوية جهاز المناعة
- ينشط كرات الدم البيضاء
- معالجة امراضة القلب



اقوال النبي صلى الله عليه و اله سلم في الشعير

و "التلبينة" (حساء يصنع من الشعير):


( التلبينة مجمة لفؤاد المريض تذهب ببعض الحزن ) منقول

[لميس اميرة]

الطّماطم أو البندورة: غنيّة بالبكتين وحمض التانانيك اللّذين يسبّبان تكوّن الحصى في المرارة، لذا يُفضّل عدم تناولها على معدة فارغة.

- اللّبن: يفقد خصائصه الغذائيّة إذا تمّ تناوله على معدة فارغة، لذا يُفضّل أن يؤخذ بعد تناول الطّعام بساعتين.

- الموز: يُمكن أن يُسبّب خللاً في توازن الكالسيوم والمغنيزيوم، ويُمكن أن يؤدّي إلى خطر الإصابة بأمراض القلب، لذا لا يُفضّل تناوله على معدة فارغة.

[لميس اميرة]

جدودنا بكري قالو الكسرة كي تصبح دوا و الكسكسي كي يصبح دا

[Omrihem]

اختي زينب قلتي لوكان ما حرموش اللون الاحمر مافهمتش اشرحي من فضلك

[rose de kici]

نحييك اختي على فكرتك وانا نشجعك وحتى انا مدايرة كيفك والحقيقة زوجي الي شجعني على هدا الامر نعطيكم فكرة مليحة انا مانستعملش زيت الدرة ابدا في طيابي نرحي البصل رقيق خلاص و مبعد كي نقلي البرمة تيعي بالماء و كي طيب الماكلة خلاص نزيدلها زيت الزيتون والله تجي الماكلة بنينة وعادي جدا ان شاء الله تجربوه
الملح تاني نقصتو
ان شاء الله نكون فدت ولو بشيء بسيط

[زينب 83]

شكرًا ام أسيد على المعلومات القيمة
Rose انا تاني هكذا طيابي مي ساعات نزيد زيت الزيتون و ساعات لالا حسب الأكلة

[أم ملك]

شوفي أختي زينب والله كلا مك قاع صح بصح قليل لي يقدرلو أنا عن نفسي أحاول قدر المستطاع اﻹبتعاد عن كل ما هو إصطناعي أبدا ما ناكلش اﻷكل تاع برا ليموناد جامي نشربها العصير قليل جدا الحلويات جامي نشريها نخدم في الدار نحاول دائما ندخل زيت الزيتون في أكلي و كدلك اﻷعشاب ندير الزعتر الفليو العرعار لكن زوجي أبدا ما يحبذش هدي الفكرة و فقدت السيطرة على بنتي علاه قلتلك بعييييد جدا
و زيد دوك راهم غير خطرة و يخرجولنا عيب في حاجة أخر معلومة على الحليب وإدا قريتيها أنو الحليب يقرب اﻹنسان من الموت عكس الشاي و الله دوخونا
ربي يسترنا و يعافينا و أنا مثلك و لله الحمد و المنة جامي رحت لطبيب إلا مين نكون بالحمل لزوم الكشف على الجنين و مانشربش خلااااص الدواء مام اﻷسبرين تاع الراس اللهم لك الحمد على نعمة الصحة و العافية يارب أدم علينا نعمك يا رب

[زينب 83]

ام ملك علابالي حبيبتي بلي صعيب خاصة مع المجتمع تاعنا لكن الانسان لازم يحاول بواش قدر راني قلت لفوق نقصو غير شوي ضرر يسما حاجة مليحة وربي يرزقك و يرزقنا العافية، حتى انا تاني زوجي كان كيما زوجك حتى مرض بقرحة في المعدة باه ولى يقولي عندك الحق