خايفة على بنتي انقذوووني

om kamilia · 2014-11-14, 23:15

السلام عليكم ورحمة الله وبركاته
عندي مشكلة من كان عمر بنتي سبعة اشهر ما تاكل والو غير لحليب , تاكل غير خطرة في سمانة بتكلاخ مغرف حتى ربعة عاونوني واش ندير لها باه تولي تاكل دك عدها 19 شهر وزنها 9 كيلو راهي في تناقص جربت الحلبة مافادتش الله يجازيكم خير راني نسنى من فضلكم لا تبخلو عليا

تيماء الله · 2014-11-15, 10:08

سلام اختي الكريمة نا من ناجيتي نقلك حاولي توكليها لابيري وديري 2 فرماج وكثري الحليب فيها غبرة مع الما تاع البطاطا وتاني نقلك على حاجة روعة تقوي عطام الصغير واسمعا الدرع يتباع حب وانت نقيه وحمصيه على نار قليلة ورحيه برحاية الجشاوش هو طعمو كي القمح تاع الزرير ولا الطمينة كلحيها كل مرةحطي مغرف يطيب مع التفاح والا اي حاجة طيبيهالها وهو يتخلطمع الماء البارد وتبفاي تخلطيه باش ما يلسقش لتحت في الكسروتة والا تعطيهولها مع اليورت وربي معاك

ثلوج الشتاء · 2014-11-15, 11:12

اختي روحي أولا أتأكدي انو بنتك ماتعانيش لاقدر الله من أي مشكل صحي عند طبيب الاطفال و ايضا عمل التحاليل اللازمة خاصة انك تقولي انو وزنها راهو يتناقص

Simassim · 2014-11-15, 15:51

كاميليا حنونة شوفي الطبيب اذا ماعندهاش مشكل صحي اولا
اليوم بنت رآها كبيرة ماتديريلهاش الخضر مطحونة لازم تاكل قطع
وزيد رآها اذا كانت تخرج النيبان هم مايخلوهاش تاكل ولدي راه كبير على بنت بشهرين برك وعانيت معاه تاني فالأكل والآن الحمد لله تحسن
حاولي تمديلها الاكل لي تأكلوه وحطيها تاكل معاكم وخليها تاكل وحدها بلا ماتراقبيها ومتزعفيش عليها مين توسخ الحالة
فالنهار نقصيلها الحليب باش تجوع وتآكل
بالنسبة للوزن لا م تشوفي على حساب الطول تاعها وشوفي بالمنحنى فكارني تاعها
مديلها طبسي كبير وحطيه فيه كل شي قطع طماطم وخيار ومديلها شوي بطاطا مقلية و شوي كفتة شوية فرماج وخليها هي تاكل وحدها وتخير لي يعجبها
وحتى الفواكه قطعيهم ومديلها وشجعيها كي تاكل
هذه الطريقة نفعت مع ولدي الحمد لله راه يأكل أحسن من لي كان

om kamilia · 2014-11-16, 08:33

جزاكم الله خير اخواتي سماسم رايحة ننقصلها الحليب وندير طريقتك
تيماء الله, ثلوووج الشتاء نعاود نديها لطبيب باذن الله
بارك الله فيكن

raboha · 2014-11-17, 15:36

أنا صرالي مع بنتي كيما نتي و الله هبلت معاها هي تذوق كل ماكلة و متعيف والو بصح متكلش و شفت شحال من طبيب والو
نوصيك متتقلقيش منها نقولك علاه
كانت بنتي كي تتلاقا بالذراري يعني الفاميليا تقعقد و تاكل معاهم حتى نحشم على روحي نقول ضوكا يقولو عليا راني حارمتها
و كي نولو للدار ترجع لطبيعتها متاكلش لاحظتها شحال من مرة هاكاك صبرت عليها حتى دخلت التحضيري بدات تاكل فالمطعم معاهم
واااااااااااااااااااااااااااي من التحضيري و بنتي تاكل ما تشبع هههههههههههههههههههههه
بسلامتها راها تاكل حتى الطبسي ينطق و الله ضوكا تاكل فالمطعم و تزيد تفطر معانا فالبيت و الحاجة اللي تشوف ختها الصغيرة تاكلها تشاركها فيها
هذي حكاية بنتي
بالاك بنتك مثلها نتي شوفي طبيب و إذا مكان والو إصبري للتحضيري
ربي يباركلك فيها و يخليهالك