*هذه شروطي ... ما رايكم ؟؟ *

[زرقـآء اليمآمـة]

السلام عليكم
عدنا يا اصدقاء منتدى الحياة الزوجية ................ عادت اليكم زرقاء اليمامة بموضوع كل يوم ........
فتاة التقيت بها وانا في طابور البريد المركزي لاقبض مرتبي ...... واشتري ما اريد .......
اذن بقينا نحكي ونتكلم عن امور الدنيا العمل الحياة المملة المفرحة .... الى ان طرقنا باب الزواج وشروط البنات وشروط الاولاد .....
فقالت لي:
رغم اني انسانة بسيطة ولا اشترط الكثير فقد تقدم لي رجال كثر ولكن لم اجد منهم من تتوفر فيه شروطي ..... ولست ادري ان كان للانسان يد في ذلك ام هو المكتوب ...
زرقاء اليمامة : و هل تشترطين مهر كبير ؟
الفتاة : المهر عندي هو الاخير ..... فرغم انه من حقوقي لكني لا اعتبره الى آخر الشروط
زرقاء اليمامة : وماذا اذن ؟
الفتاة : لا اريد غير زوج
1متدين وله اخلاق حميدة
2 عامل دائم
3 يتركني اعمل ( انا معلمة )
4 انفرد بسكناي ولو كانت محتواة في البيت العائلي .... المهم نعيش استقلالية مع زوجي
زرقاء اليمامة : ارى انك تبالغين بشرطك الرابع ... فاغلب الرجال يفضلون السكن مع والديهم ..
الفتاة: قلت لاباس ان كان السكن داخل البيت العائلي .. وانما غرضي ان يكون مطبخي بمفرده .. ولست بذلك اعادي الوالدين لا طبعا ..
ولكن للعاملة ظروف ..
زرقاء اليمامة: كثير من الرجال اليوم يبحثون عن عاملة فكيف لم يعجبك ولا واحد ؟
الفتاة : اكره من يطمع في راتب العاملة ... هي سند نعم ولكن لا يتكل عليها ...
زرقاء اليمامة : اختي والله شروطك عادية ..... ولكن يبدو ان الرجال انعماوا عليك .... او مكتوبك مازال ..... انا يا اختي راني مشتركة في منتدى الجلفة وساطرح عليهم قصتك هذه ما رايك ؟
الفتاة : لاباس اطرحيها .... ولكن لا تصفيني .....
زرقاء اليمامة : ببساطة هكذا ؟
الفتاة : اعرف المنتدى واعرف اعضاءه المعادين لعمل المراة ...... ولكن لا باس ان اخذنا بعض ارائهم ربما اقتنع بشيء منها

زرقاء اليمامة : لا تلوميني بعدها ان كانوا قساة في الكلام ...... فهم ضد عمل المراة .... ولكن يوجد المتفهمين اكيد .......
كوني متابعة لمنتدى الحياة الزوجية ........ على فكرة لم تتحدثي عن المهر ؟
الفتاة : المهر في الاخير حتى تتحقق شروطي ....... والله المستعان


شرفونا بتعليقاتكم وآراءكم .......

[دعاء المحبوبة]

ما عندها ما طلبت، خاصة السكن ؟؟؟؟؟؟

لكن أحييها على صراحتها وعلى وضوح مطالبها، فهي أحسن من كثيرات يقبلن بكل شيء حتى الاشياء التي لايقبلها منطق عاقل
ولما تتأكد أنها خلاص حكمت باليد المليانة ـ بعد انجاب أول طفل ـ، هنا يحدث الانقلاب وتغير عقليتها 180 درجة، وتعشي في مشاكل والتي من الممكن يكون ضحيتها أطفال لا ذنب لهم فيما يحدث

[maya1991]

سبحان الله نفس شروطي اي وحدة هي من حقها تطلب السكن وحدها انا وحدة منهم رغم راني في 26 سنة
مزلت ما تنازلتش على شرطي على خاطر ديما تقولي ماما يا بنتي زوجي واش عليه ادا سكنتي مع عجوزتك؟وانا راني رافض هذه فكرة تماما على خاطر ديما تصار مشاكل بعد زواج ولازم انسان يتجنبها وكي تسكني وحدك رايحة اولا تبعدي على مشاكل تاع العايلة وثانيا يبقى احترام بينك وبين عجزتك وشيخك وسلفاتك و

[ولد حمد الباتني]

شروطها عادي غير تاع كوزينتها وحدها، يعني حابة تدي إيطاج (طابق) وحدها ؟؟؟؟؟؟ ههههههه f3 ولا ايطاج ههه

[موسى عبد الله]

قولي لها بالنسبة للرجل المستقيم و المحترم ،في الشرع عندها كل الحق دارها وحدها ،كوزينتها و حدها ،بصح الخدمة قولي لها لاأضن تجديه ،و ان قبل شرط العمل ،فلا غيرة له و لا احترام و ابحثي في سيرة العرب في الجاهلية فضلا عن الاسلام كيف كانت غيرتهم على بناتهم و زوجاتهم
اقعدو شادين في الخدمة راكم ملاح ، و الله غير راني حاير كيفاش راكم تفكرو ،
من غيرة العرب على نسائهم :

قال قائلهم :

وإياك واسم العامرية فإننّي
أغار عليها مِن فَمِ المتكلِّم
وأحسد كاساتٍ تُقبِّل ثغرها
إذا وضعتها موضع اللثْمِ في الفَمِ

يغار من الفم إذا ذكر اسمها ، ومن الكأس اذا شربت منها .

فكيف لو رأى أهل زماننا وقد انطمست الغيرة في نفوس الكثير منهم ، واطلقوا العنان لنسائهم يسرحن ويمرحن دون رقيب ولا حسيب .

يارب رُحْماك رُحْماك

[mesrouk]

خاصة السكن ؟؟؟؟؟؟

mafhamtch alah min hagha

ana dorka rani batal

ki nakdem inchalah

tgoli tofla hada chert

besaraha mangbalch biha

bi kol bassata ma3ndich bah nsakanha

wa ygolo labnat baro min hadi la3fayass

[nasser26]

أستناي سكنة وحدك راهي السكنة في الجزائر متوفرة غير لي محبش يسكن برك

[thamourth]

نوووووووووووووووورمال..........يجيك المكتوب.............عادة ميدان التعليم ما يحبسوهمش من الخدمة

[thamourth]

نوووووووووووووووورمال..........يجيك المكتوب.............عادة ميدان التعليم ما يحبسوهمش من الخدمة ونعطيك حاجة رسمية..............اللي مدين و مستقيم يخاف ربي سبحانو ما يلقاش خدمة بسهولة في هاد البلاد استناي حتى يتوب كاش واحد

[chlali]

السلام عليكم أمس الخيرانا راني نشوف بلي سبب دمار حياة بعض الاخوات هو من صنع ايديهم شوفو لامهاتنا كيفاه عاشو ومن بعد نتشرطو يخي زمان يخي معليهش راك خدامة وبدارك وحدك بصح متاكد بلي مراكيش مرتاحة لانو مراكيش تحسي كما هديك الي قاعدة في دارها مستورة وتستنى في راجلها يرجع بالشيء الي كتبو ربي .

السلام عليكم أمس الخيرانا راني نشوف بلي سبب دمار حياة بعض الاخوات هو من صنع ايديهن شوفو لامهاتنا كيفاه عاشو ومن بعد نتشرطو يخي زمان يخي معليهش راك خدامة وبدارك وحدك بصح متاكد بلي مراكيش مرتاحة لانو مراكيش تحسي كما هديك الي قاعدة في دارها مستورة وتستنى في راجلها يرجع بالشيء الي كتبو ربي .

السلام عليكم أمس الخيرانا راني نشوف بلي سبب دمار حياة بعض الاخوات هو من صنع ايديهن شوفو لامهاتنا كيفاه عاشو ومن بعد نتشرطو يخي زمان يخي معليهش راك خدامة وبدارك وحدك بصح متاكد بلي مراكيش مرتاحة لانو مراكيش تحسي كما هديك الي قاعدة في دارها مستورة وتستنى في راجلها يرجع بالشيء الي كتبو ربي .

[أَحمــد]

لم أكن أعلم أن منتدى الجلفة مشهور لهذه الدرجة!!
________
لمذاا تعمل المرأة إذا كان زوجها كفاها المؤنة؟!!
_______
نعارض عمل المرأة التي هي أختي وزوجتي وإبنتي شفقة علىهن وغيرة على أعراضهن

لا حسدا ولا كراهية ولا حقرة ولا أي شيئ من هذا القبيل

[عابد لله]

لا تريد أن تتزوج من شخص يطمع في راتبها ولا تريد زوجا يمنعها من العمل؟؟؟؟؟؟؟؟؟؟؟؟؟؟؟؟؟

[loufa]

السلام عليكم
شرط عادي ومن حقها حتى ويكريلها نهار الاول
ولكن متشرطش المهر الغالي برك
زيد هي معلمة تتعاون هي وياه على الزمان وخلاص
اين المشكل
ربي يرزقها ويرزقك الزوج الصالح

[ام ملاك.]

شروطها عادية جدا وماطلبتش المستحيل
عندي صاحبتي مسكينة ماتشرطت والو وهي معلمة في الابتدائي ماحبسهاش من خدمتها وسكنها في دارهم بصح منفصلين على بعض يعني هذي شمبرة وحدها وفيها كوزينة وصالون برك استوديو وراجلها ولا مايخدمش غير هي للي تصرف المسكينة ومن بعد امو خرجتهم من الدار هذيك مع انهم ساكني في فيلا حبت تكري الاستوديو
وكرات مسكينة ولوين باش لقى راجلها خدمة درك راه لاباس بيه بصح شهريتو قع ماتشوفهاش مايقضي للدار مايدير والو حتى كي كانت بالحمل مسكينة مايشريلها والو والفريجيدار يصفر
كيفاش تحوسو المراة ماتخدمش اذا طاحت في واحد معوج كيما هذا؟؟
حتى العمليات القيصرية اللي دارتهم والطبيب هي اللي تخلصهم وولادها هي اللي تكسيهم في العيد
لوكان خرجت من خدمتها كيفاش كانت رايحة تدير؟؟
انا راني نشوف فيها عندها الحق في كلشي العجايز درك مايحملوش الكنات ومايحبوهمش كي بناتهم مع اي مشكلة صغيرة تقول لوليدها ارفد مرتك واخرج علي

[موسى عبد الله]

المشاركة الأصلية كتبت بواسطة أم ملاك.

شروطها عادية جدا وماطلبتش المستحيل
عندي صاحبتي مسكينة ماتشرطت والو وهي معلمة في الابتدائي ماحبسهاش من خدمتها وسكنها في دارهم بصح منفصلين على بعض يعني هذي شمبرة وحدها وفيها كوزينة وصالون برك استوديو وراجلها ولا مايخدمش غير هي للي تصرف المسكينة ومن بعد امو خرجتهم من الدار هذيك مع انهم ساكني في فيلا حبت تكري الاستوديو
وكرات مسكينة ولوين باش لقى راجلها خدمة درك راه لاباس بيه بصح شهريتو قع ماتشوفهاش مايقضي للدار مايدير والو حتى كي كانت بالحمل مسكينة مايشريلها والو والفريجيدار يصفر
كيفاش تحوسو المراة ماتخدمش اذا طاحت في واحد معوج كيما هذا؟؟
حتى العمليات القيصرية اللي دارتهم والطبيب هي اللي تخلصهم وولادها هي اللي تكسيهم في العيد
لوكان خرجت من خدمتها كيفاش كانت رايحة تدير؟؟
انا راني نشوف فيها عندها الحق في كلشي العجايز درك مايحملوش الكنات ومايحبوهمش كي بناتهم مع اي مشكلة صغيرة تقول لوليدها ارفد مرتك واخرج علي

انا قلتلكم كي تخدم المراة تولي هي الراجل و تحكم بحكامها كي تجيب ولد ولا بنت يرجع نعل يستهل مقلوع قلب