لي ما تصلحلهاش الغريبية تتفضل

[أم محمد علي 25]

السلام عليكم و رحمة الله و براكاته
أنا عضوة جديدة معكم مع أنني أتابع المنتدى من فترة طويلة المهم اليوم حبيت نعتلكم طريقة سهلة للحصول على غريبية ليست فقط هشوشة و لكن فيها رائحة الغريبية تاع الصح ( لتعرف الغريبية تاع قسنطينة تعرف علاواه نهدر)
أولا نذوب السمن و نذوب فيه السكر رطب ( كيلة سمن + كيلة سكر رطب) و نغطيه و نحطو في الثلاجة لمدة يوم أو يومين أو حتى ثلاثة لا يهم ( كل ما بقات في الثلاجة أحسن)
لما نجي نخدمها نجبدها قبل بربع ساعة ومنبعد نشيح بالفرينة ما لازمش تشيح بزاف و نجرب نطيب حبات إلا ما نزلوش نطيب الباقي ( كي تدخليها للفرن ما تحليش عليها )
نشا الله تجربوها أنا كل من ذاقها عندي يطلب الطريقة و شكرا

[ام الهضاب]

صح غريبية قسنطينة لا يعلى عليها يعطيك الصحة سهلة ان شاء الله انجربها

[lمنال]

شكرا اختي

[souheila dz]

يعطيك الصحة اختي نفس الطريقة نتاعي بصح انا الكيلة تاع السكر نديرها ناقصة شوية ونزيد الكاوكو محمص تجي تهبل

[بشرى2008]

بارك الله فيك

[sara lora]

الف شكر ليك على النصيحة الله يجازيك كل خير

لوكان تكملي خيرك وتمديلنا الوصفة كاملة

[ام فروحة]

انا من عشاق الغريبية وصيتها بكل انواعها وتخرجلي ولكن ان شاء الله نصيها لاني مانعرفش غريبية قسنطينة مشكورة اختي

[madie]

allah yatik essaha

[ام فيفي]

انا نموت على غريبيية بلاد ماما منين نروح هناك نشريها من باب القنطرة شكراااااااااااااااااا عزيزتي.

[الجواهر]

يعطيك الصحة

[zineb_saib]

لازم نخدمو السمن مع السكر اولا ياك ولا لا
وشكراااااااااا

[ام رشدى]

ياريت تفهمينا اكثر

[الامل نور]

يعطيك الصحة

[فوزية1975]

فهمينا هل نخلط السمن و الزبدة مليح كي نخرجهم من الثلاجة و نضيف الفرينة او نخليهم يذوبو و نضيف الفرينة من دون خلط

[أم محمد علي 25]

أولا شكرا لكن على المرور الطيب
المقادير نظن واضحة: كيلة سمن +كيلة سكر و نشيح بالفرينة مغربلة
الطريقة : نذوب السمن ونحيه من على النار و نذوب فيه السكر حتى يذوب خلاص ،نغطيه ونحط في الثلاجة ( كل ما تطول تجي خير)
نجبدها قبل ما نخدمها و منبعد نشيحها بلا ما نخدم السمن و السكر ( هذا هو سر البساطة تعها)
ونشكل حسب الذوق لكن لازم نجرب حبات قبل