أبي غاضب مني

[امينة النايلية]

المشاركة الأصلية كتبت بواسطة سؤدد الجنة

أول شيء ثبتك الله على الطريق المستقيم

باباك قراك وتعب عليك باه في اخر مشوارك يفرح بنجاحك ويرفع راسه بيك ولو كان موش واثق فيك مايطالبكش أنه تكملي قرايتك في الجامعة الى راهو اكييد عارف مستواها وظروفها وووو
وتاكدي راهو يخمم فيك قبل مايخمم في روحو لأنه انت الاولى الى راح تستفادي بشهادتك

الجامعة قرينا كامل فيها وشفنا أمور لاترضينا وفي كل مكان اكيد كاين الصالح والطالح لكن انا بالنسبة لي هاته الظروف والمواقف هي امتحان لكل واحد فينا ثمة تتحدد وتظهر شخصية الانسان و تقوى علاقته بالله سبحانه وتعالى والنتيجة الحتمية اكيد هو الى يقرر الطريق الى يمشي فيه
والى يكون عنده مبادئ مستحيييييل يغلط ولو يكون في مستنقع
العمر يجري وضرك راكي 22 سنة ماشاء الله يعني راكي بعقلك وتميزي الامور أحكمي قرايتك والناس ببساااطة انتي تفرضي شخصيتك واحترامك في وسطهم
ومايهمكش حتى واحد ولو تكلم عليك بالسوء لأنه راح تكوني واثقة بربي و واثقة في نفسك وخلي المركب يسيييييير
ديري الى عليك وكملي واجبك قدام باباك
حابة نكتبلك اكثر لكن نقولك جملة واحدة توكلي على ربي الى مايخليش أبدا عبده المومن

رد رائع هاكذا كنت حابة نقوللها بصح ماعرفتش نوصللها الفكرة مشكورة

[pomaria_aindefla]

أعيدي التسجيل في الجامعة - أعيدي التسجيل في الشبه الطبي دون إخبار قريبك - سجيلي في معهد التكوين المهني - هذا الرابط به الدليل الوطني لعروض التكوين https://www.mfep.gov.dz/fr/rentreesep...4/accueil..htm

[امينة النايلية]

المشاركة الأصلية كتبت بواسطة بنت لبحر

السلام عليكم اختي

اختي الطفلة مقلتش حابة تتزوج قالت حابة تقعد في الدار و خلاص و الدليل عندها اربع سنين و هي مزالها في دار باباها و زيد علاش لي متحبش تقرى في الجامعة عندها مشاكل نفسية انا هادي جامي سمعت بيها انا نعرف بنات جابو الباك و بمعدلات ماشاء الله و من اول رافضين يدخلو للجامعة ماشي باش يتزوجوعلى خاطر رانا نشوفو في بنات متزوجات و يقراو و لما جاء مكتوبهم مقالولهمش عندكم عقدة نفسية كي ربحتي الباك و محبيتيش تروحي للجامعة

على العموم كل واحد وجهة نضرو رانا غير نتناقشو ونحوسو على حل للاخت

ايه عندك الحق في واش راكي تحكي على لبنات لخرين كل وحدة وتجربتها في الحياة .
اما كي قلتي <راها حابة تقعد فالدار برك الدليل عندها اربع سنين في دار باباها و ماتزوجتش >
بالعكس راهي قاعدة على خاطر مكتوبها ماجاش .
وزيد ماقلتلهاش عندك مشاكل نفسية على خاطر راني عرفت الاعذار تاعها <خايفة تضيع > بالرغم مانيش مقتنعة
بصح واحد منبعيد يسمع عندها الباك وممتنعة على لقراية واش يجي في بالو ؟
غاضني باباها معسرة ياسر معاه <صارمة > . هو متحملها وقاعد يساير فيها