خبر خطير لمن وجه محروفات وكيمياء

kingkhaled1991 · 2010-08-04, 14:41

ياجماعة عندي واحد جاري يعرف اساتدة ويعرف مدراء وعندوا معريفة مع ناس كبار قالي بلي هدي الشعبة ما تخرجش على خاطر سونطراك راهي رايحة تنهار ولا مانهارتش راهي تضعاف وفيها الفساد والمعريفة بزاف
يعني يلا زهرتلك ودخلت تخدم راك تخدم معا واحد حبس لقرايا في التانية ابتدائي
وانا عندي ولد عمي والله غير حبس في الابتدائي بصح دخلو خوه نورمال
وسمحولي يلاك قلقتكم يصح هدي هي الحقيقة

علي لبرايجي · 2010-08-04, 14:49

كلشي بالمكتوب

salim241 · 2010-08-04, 14:49

صح وزيد ولاد الشمال يخدمو في الشمال وولاد الصحرا في الصحرا

محبة الحبيب · 2010-08-04, 15:52

الغيب لا يعمله إلا الله و لو قدر الله لك شيء لن ينزعه أحد

sarah · 2010-08-04, 15:56

السلام عليكم

اخي انا من المتوجهين الى محروقات وكيمياء

كلش ربي كاتبوا واللي كاتبوا ربي ما ينحيه العبد

ربي معانا ان شاء الله .........جزاك الله خيرا

Badri_Messi · 2010-08-04, 16:03

هههههههههههه أنت من الذّين يحبطون آمال الطلاّب
ليكن في علمك أنّك كلّ شيء بالوسائط ( المعرفة و الـ التعريف )
و إذا كان أصحاب هذه الشّعبة هم النّخبة و المخّيرون على مستوى الجزائر يتخرّجون بطّالين فمن سيعمل
ربي يهديك خلّي النّاس تقرا ما تقول قالك والدك ما قالولو النّاس
ولاّ وش قالت الأخت سارة ؟

sarah · 2010-08-04, 16:09

صدقت اخي ...ربي يجازيك

الي فيها الخير ربي يجيبهاااا ....وكلش بالمعريفة ..واللي يتعب ينال اخي ان شاء الله تصدقلك بها ...

بارك الله فيك

Badri_Messi · 2010-08-04, 16:14

[b]و فيك بارك سارة

أبو شنب · 2010-08-04, 16:15

اقتباس:

المشاركة الأصلية كتبت بواسطة kingkhaled1991

ياجماعة عندي واحد جاري يعرف اساتدة ويعرف مدراء وعندوا معريفة مع ناس كبار قالي بلي هدي الشعبة ما تخرجش على خاطر سونطراك راهي رايحة تنهار ولا مانهارتش راهي تضعاف وفيها الفساد والمعريفة بزاف
يعني يلا زهرتلك ودخلت تخدم راك تخدم معا واحد حبس لقرايا في التانية ابتدائي
وانا عندي ولد عمي والله غير حبس في الابتدائي بصح دخلو خوه نورمال
وسمحولي يلاك قلقتكم يصح هدي هي الحقيقة

إن أفلست سوناطراك فإن خزينة الدولة ستفلس فهي تزودها ب 97بالمئة من مواردها, و طلبة المحروقات لن يكونوا الوحيدين الذين سيتضررون بل كل الشعب الجزائري بمن فيهم طلبة الطب و الصيدلة و طلبة واد السمار و طلبة المدارس التحضيرية...................................

يوسفي عبدالقادر · 2010-08-04, 16:25

مهندسو البترول مطلوبون في الخليج و يتركون سوناطراك لأصحاب 2 إبتدائي

aib bassem · 2010-08-04, 16:30

يا حبيبي رحت نسجل البارح تلاقيت واحد كان يقرا هذه الشعبة و كان يقرا معاه ولد الوزير تاع الكونغو و علي ذكر المعريفة راهي حاضرة partout بسح الي يقرا و يجي ماجور oubien parmi les majors مايخافش و يا جماعة من فضلكم ما تنساوش بلي ربي كاين ة لي يقرا و يتعب وين و مهما قرا رايح يوفقوا ربي سبحانو و اذا عندك كلام ااخر راني معاك حبيبي انا راني محروقات و كيمياء

aib bassem · 2010-08-04, 16:37

اهدري معاه يا سارة راو يهبطلنا في le morale

sarah · 2010-08-04, 16:45

شريكي ....انا درت محروقات وكيمياء ...

درت موضوع قوم بيه ....مفتوح للنقاش .والحمد لله مقتنعة بها وتقريبا معظم فاملتي من مستغانم قراو في بومرداس والحمد لله الله يبارك

الخليج راه كااين مطلوبين بالبزااااف

وديجا ماكانش غير خدمة السونطراك كاين تخصصات شابة بزااااافف

لي رجعة الى الموضوع ان شاء الله والمورال يا خويا راه فالتوب قاع ...راهي حامة

سلاااااااااااااااااااااااااااااااااااااااااااااااا ااااااااااااااااااااااااام

salim241 · 2010-08-04, 16:46

صراحة هذه الشعبة مبقاتش كيما كانت لانو قبل سنوات كان الطالب يمضي عقد مع شركة سونطراك وهو في السنة الرابعة جامعي

انا جاري قرى هذه الشعبة وراه يخدم في الصحرا يجيب اكثر من 13 مليون في الشهر بصح ضرك تغيرت الامور بزاااااااااااف في هذه الشعبة حبيتوا ولا كرهتوا

متقولوش راه يهبطلنا المورال ولا راه ضد المكتوب لكن هذا واقع والدليل هو الاحتجاجات العارمة لطلبة المحروقات العام الماضي ببومرداس احتجاجا على قانون العمل مكان الاقامة...

ianissam · 2010-08-04, 17:19

tahkiw 3la lma3rifa wel khadma rabi yahdikem
pr lma3rifa rahii partout rana nejbdou chahadet milad bel ma3rifa .....w khali lbir boughtah
pr lkhadma raho li mektoub fe jbiin matnahih sniin
ma3likem ghir tetweklou 3la rabii pck pétrochimie rahiii branche foort bezzaf na3ref bezzaf nass rahou b3iiid biha w rahem 3aychine la belle vie

goulou bismelah w hada makan