|
|
|
|||||||
| قسم القصة ، الرّواية والمقامات الأدبية قسمٌ مُخصّصٌ لإبداعات الأعضاء في كتابة القصص والرّوايات والمقامات الأدبية. |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
مسرحية سوق النساء (مكتوبة بالعامية الجزائرية)...ههههه
 |
|
|
أدوات الموضوع | انواع عرض الموضوع |
2010-05-06, 13:10
|
رقم المشاركة : 1 | ||||
|
مسرحية سوق النساء (مكتوبة بالعامية الجزائرية)...ههههه
ثنائي مسرحي "سوق النساء" شخصيات المسرحية: -الزوج: عباس -الزوجة: فاطمة (خروج الزوج من غرفة النوم مسرعا نحو المرحاض يدخله بعد أن تفتح له فاطمة الباب الذي كان مفتوحا من قبل دون أن يدري زوجها الذي عانا الكثير معتقدا أنه مغلق) فاطمة: (تقوم بكنس الغرفة) ياو اخرج.. واين تروح تبات.. اخرج وروح تقضي كي الرجالة صباح ربي.. اخرج يا زهري لمعوج.. هذا الراجل من نهار اتزوجنا وهو هكذا.. واين يروح يبات .. واين يدخل ما يخرجش .. وكي نهدر معاه يقولي يرحمها ربي.. اسمو عباس.. ويقولولو برا السي عباس.. رئيس جمعية.. واش من جمعية.. جمعية لمشومرين.. هذاك القلب عندو.. ما يتقلقش .. بصح اللي ما عندوش القلب يموت سمين.. أواه أنا اللي رايحا نموت بالحمقة انتاعو (يصدر صوت مياه وأشياء أخرى من المرحاض ثم يخرج الزوج وهو يغلق سرواله).. عباس: انشا الله.. ويتهنى الفرطاس من حكان الراس.. فاطمة: في راس العدو.. عباس: واش صبحتي تندبـي .. حتى في بيت الراحة وماكانش معاك الراحة.. يا خي صبحات ياخي.. هاتيلي الصباط انتاعي وامسحيه اتديري مزية.. أو ما تنسايش الكرافاطة.. فاطمة: إيه .. غير الخير واين معول انشاء الله؟.. عباس: عندي اجتماع مهم اليوم.. فاطمة: ما زال برك في الاجتماعات اللي بلا فايدة.. كون تروح تحوس على خدمة ماشي خير .. عباس: بلا فايدة.. هذا راه مشروع أمة ياجايحة.. وأنا صاحب الفكرة.. فاطمة: صاحب الفكرة.. كون تشوفنا فكرة فاه نعيشو .. ماشي خير؟.. علاه كلانا الفقر الخبز والماء كروشنا دودو.. عباس: الخبز والماء والراس في السماء.. خير من خرين وعر من خرين.. قولي الحمد لله يامرة.. (الزوجة تحضر الحذاء دون جوارب) عباس: إيروحي جيبي التقاشر.. فاطمة: واين راهم بقات غير الجهة الفوقانية أما التحتانية اخلاصت.. رميتهم.. عباس: رميتيهم..؟ وباه نخرج؟.. فاطمة: نعطيك انتاوعي .. عباس: لمي فمك.. ياخي مشركت الفم.. فاطمة: لوكان تشوف لحالتنا وتروح تحوس على خدمة .. وتبركا من الجمعيات اللي بلا فايدة.. مانشركش فمي.. يا عجابة يا ربي.. تقاشر وما لحقتهومش.. عباس: ما تنسايش راني رئيس جمعية والناس دارية في الثقة وتعرف قيمتي .. وما نعيا لا باس عليا.. راني موجد مشروع اكبير.. مشروع أمة .. غدوة ينجح وتعود الناس اكل تهدر عليا.. في الجرنان.. في الراديو.. في التلفزيون.. وربما تروح الفكرة انتاعي حتى للخارج وتولي نظرية تعمل بها الشعوب.. ومن بعد تدخل النظرية انتاعي للبحوث الجامعية وتدرس في أكبر الجامعات .. ونولي مشهور.. كيما نيوتن في الجاذبية.. ابن سينة في الطب .. وابن رشد في الفلسفة.. وباستور في الكلاب.. وطايلور في الخياطة.. وبوتفليقة في لانفورماتيك.. وأنا في البوليتيك..(في هيستيريا) فاطمة: (في حيرة) لاباس.. لاباس.. الراجل اهبل.. واش بيك يا راجل كنت لاباس عليك؟.. عباس: ومازالني لاباس.. اليوم نفجر البشرية بالمشروع انتاعي.. افرحي يا فاطمة بنت التواتي راجلك قريب يدخل للتاريخ (ينحني عباس لغلق الحذاء يتمزق السروال من الخلف). فاطمة: (تضحك) راك بديت تدخل في التاريخ.. هاو قالها السروال.. عباس: وهاذا وقت يتقطع فيه.. راني مزروب.. كيفاه ندير ضرك.. ارس سروال وزاد تقطع.. (يتفقد حجم الورطة التي وقع فيها) فاطمة: رشى مسكين.. يتغسل في الليل ويتلبس في النهار.. كي نكون نغسل فيه يغيضني مسكين.. ونحس بلي حاب ينوض و يقولي على وجه ربي قولي راجلك يخطيني راني كرهت مليت عباس : يقاطعها انت معاي ولا معاه يلهي خيطيه وبركاي ما تحلي في فمك فاطمة : نحيه نخيطو عباس : راني نقلك راني مزروب خيطي هكذا برك وزيد معنديش واش نلبس كي نحيه ( فاطمة تحضر الابرة والخيط) فاطمة : وكيفاه نخيط ضرك عباس : هكذا (في وضعية محرجة و فاطمة تحاول ان تخيط السروال ) صدق من قال وراء كل رجل عظيم امراة فاطمة : يا عجابة يا ربي كاشي راجل في هذه الدنيا عندو سروال واحد عباس : ايه ومن بعد خير من لي معندوش طول فاطمة : وعلاه كاين الي معندوش خلاص عباس : بيانسير كاين .....كاين الي يلبس نتاع مرتو ....كاين الي يلبس نتاع ختو......كاين الي مسلفو....وكاين الي مديه كريدي.......وكاين وكاين ...وكاين حتى الي يخرج هكذاك فاطمة: آخاه ويمشي عريان عباس : تقريبا الي مكسي بقش غيرو عريان كيف كيف (فاطمة تدخل الابرة في لحم عباس) يعطيك لعمى دقتيني فاطمة : واش نديرلك مالقيتش كيفاه نخيطو لازم تنحيه عباس: لازم نحيه واش نلبس تعرفي غير نحي فاطمة : (تفكرثم تنظر الى المرحاض ) عباس : ماتقوليش نولي ......والله ماندخل فاطمة : (تعرض عليه مئزر المطبخ ....يجرب عباس ثم تعرض عليه منشفة....يجرب عباس لا تصلح)ندبر عليك البس .... عباس : يهدري واش نلبس فاطمة : بصح اتروح تقضيلي قبل عباس : ماعليهش نقضيلك .......ايه واش نلبس فاطمة : الجبة نتاعي باه نزرب نخيطلك قبل مايروح عليك الحال (الموال) عباس : ازربي هاتيها(يتكلم مع نفسه)......ايه يا عباس روح روح....اواه عندها مرتي الحق واه راجل عندو راس سروال اكسيدون كيما هذي والواحد عريان كون ينجح المشروع ما يعيا الواحد لاباس عليه فاطمة : هاك البس وبرك ما تحلم المشاريع نتاوعك ديما زيروات عباس : (يلبس الجبة ينزع السروال )ماكانش مشروع خرجلي زيروات كيما زواجي بيك فاطمة : (وهي تخيط السروال)يعطيك الصحة يا السي عباس كي وليت انا زيروات وقيلة انسيت نهار كنت تجري وتحلل وغير الطريق الي قدام دارنا تشهد عليك اضل رايح جاي وكون ما تشوفنيش ماتروحش وزيد....وزيد عباس : ايه كان الواحد غافل ومديه الزف حنا حسبنا كي نزوجو نتهناو وفي لافان زادت خلات .....بصح هذاك وقت وهذا وقت فاطمة : وقيلة ندمت عباس : غير قولي هكذاك الزواج زهر كي حبة الدلاع يايصيبها الواحد مليحة تتكل ولا خامجة تترمى في بدون الزبل فاطمة : واش قلت عباس : نهار عشقتك كان وقت مليح ايه يا فاطمة كنت نبعثلك البراوات ونبات نشعر وما نرقدش ونسهر مع عبد الحليم حافظ و فريد واليازيد ورابح فاطمة : كنت تبات تشعر وضرك تبات تشخر ومعلابالك بوالو..... وزيدشكون فريد واليازيد ورابح لاه ولا يغني (عباس يحاول ضبط القناة ) عباس : حلوف بن حلوف فاطمة : شكون رابح عباس : (يضبط القناة تبدا اغنية فاطمة يا فاطمة يفرج ربي) (عباس يتفاعل ويرقص مع فاطمة في هستيريا ) فاطمة : والله غيرنحيتنا على خاطرنا يا عباس عباس: عباس يموت على العرا س واش تعرفي على عبا س (يبدا ببعض الحركات بالجبة ) فاطمة : واش را ك الدير عبا س: نتفكر في ليسفنير سيرتوا عرس نتا عي فاطمة : كفا ه عبا س: لعرس نتا عي فاطمة : كفا ه..كفا ه عبا س: العرس نتا عنا ...تعرف يا فا طمةلكا ن يصلح المشروع ندخل بيه التاريخ فاطمة : واش من مشروع هذا لطيرلك المخ نتاعك اليوم عبا س: ياك قتلك مشروع امة وزيد كل حاجة في وقتها فاطمة: احكيلي عليه وانا نقلك رأي على خاطر نعرف المشا ريع انتاعك...ونضن وقت الانتخابات جابلي ربي مزال عباس : هذا ماهوش حملة انتخابية هذا المشروع حملة نتاع عرس كبير ..ازربي خيطي نبات هنا كون يجي واحد على غفلة.. ولا واحد من لافامي ويلقاني هكذا بالجبة.. واش يقول عليا؟ فاطمة : واش راح يقول.. وزيد راك في دارك وشكون شافك.. (صوت دقات على الباب... حركة عشوائية على الركح يحاول عباس الاختفاء .. فترجع زوجته تحمل فاتورة الكهرباء). فاطمة: هذا الفاكتور جاب الفاتورة آنتاع التريسيتي.. عباس: ازربي برك راه راح الحال عليا والناس راهم يستناو فاطمة: اشكون هذا الناس وقيلة راك معروض لعرس ختانة ولا زواج على حساب الحطة عباس: قتلك عندي اجتماع فيه نطرح المشروع ولوكان ينجح يولي عرس كبير كثر من الختانة .........بصح الزواج راه ..... قريب فاطمة: اه اه اه ...... وسوستني يا خداع وقيلة راك معول ديرها ضك منيش مخيطة غير لكان شرحتلي بالتفصيل شوف شكون يخيطلك عباس: انا خداع يا جاهلة فاطمة: انا جاهلة وانت كي قريت واش درت راك تضل مقابلني هنا بالجبة سروال كي الرجال وما لحقتوش كون ما لقيتش جبتي سترتك لوكان راك........... عباس: لوكان راني واش والله غير ضرك نحيها ونزيد نخرج برا هكذا ......اواه انا ما ديتش مرا ديت عقرب فاطمة : انا عقرب شوف شوف شكون يخيطلك ..صابرة على كلشي على الفقر انتاعك والزلط واتزيد تحا في فمك عباس: الفقر ماهوش عيب وزيد انا زوالي وفحل ..قاري وفاهم وبوقوس , فيا عيب واحد اني فقير والف واحدة تتمناني فاطمة: ما خص القرد غير الورد عباس: اسمعي قرد ولا عتروس المهم راجل والنسا راهم بالعرام عتروس وما طارلهمش وضرك تخيطي ولا ما تخيطيش فاطمة: المرا تعرفوها غير لدمير ..خيطي,اغسلي,امسحي,وجيبي وديري ,طيبي وما كيش مليحة عباس: ربي خلقها هكذا المرا تخدم في الدار والراجل يخدم برا بصح ضرك تعكست ايه وين راهم النسا نتاع بكري كانت المرا تخدم في الدار وتربي الاولاد وكي يجي راجلها تزيد تغسلو رجليه وتعشيه وتبات تبربر فيه وكلمة ماتقولهاش فاطمة: كيف كيف والراجل كان راجل الخبزة نتاعو يجيبها من الحجر ما يجيهاش بيديه فارغين كي انت عباس: تحبو غير اللي يجيب والي تطيح بيه كي حالتي يولي ما يسواش صافي تقادرو على حساب الجيب ياو خيطيلي السروال( باعلى صوته) فاطمة: ياو مانيش مخيطة غير لا قتلي واش فيه المشروع نتاعك ولا تبقى معايا هكذا بالجبة عباس: ( يتوسل ) يا فطومة يا البوقوسة نتاعي الناس راهم يستناو على وجه ربي سلكيني خليني نخرج يا فاطمة فاطمتي ( يبدا بالغناء) فاطمة: تواصل الخياطة . عباس يعني يعطيك قلبك وتديرها وتزوج عليا عباس: اه يا فاطمة تعرفي بلي نحبك وما نفرطش فيك وغير معاك الي نعيش بصح انت ما لازمش تكوني انانية فاطمة: انت اللي قلقتني وخليتني نعيط عباس: لالا مانيش نهدر على العياط قصدي انانية في حاجة واحدة اخرى فاطمة: علاواش راك تهدر وانا مانيش انانية ياك الحاجة نحيها من فمي ونقسمها معاك عباس: جيستمون المشروع نتاعي يطلب التضحية وعدم الانانية من كل الاطراف فاطمة: واش دخلني انا في المشروع نتاعك واش من انانية والتضحية اللي راك تهدر عليها ...كاش ما كاينة تضحية قد هذي الي راني عايشة بيها معاك عباس: مانيش نقصد فيك انتيا برك بصح المجتمع كامل لازم يتجند فاطمة: راك معول على حساب الحطة تدير حرب واش تجند هذا عباس: ايه حرب كبيرة كبيرة بزاف رايح نحارب اكبر شبح تتخبط فيه البلاد والبشرية فاطمة: الراجل هبل نتاع الصح ولا يهدر على هذوك الناس والثورة عباس: فكرتيني في الثورة هذا مصطلح مليح ولازم نوضفو من بعد في الاجتماع نبدا بيه ( يصعد عباس فوق الكرسي ويبدا بالخطاب ) الخطاب فاطمة : ( تصفق ) يعطيك الصحة يا راجلي العزيز وليت كيما الرايس نتاعنا هكذا يخطب كمل اعباس عباس : شفتي يا فاطمة كل حاجة تبدا بسم الثورة تجي مليحة وتنجح فاطمة : كمل واش رايح تقول عباس : كملي السروال خليني نروح كاش ما شفتي رايس يخطب بالجبة ......من بعد نحكيلك كيفاه فات الاجتماع فاطمة : ما بقاش بزاف راني قريب نكمل عباس : تعرفي يا فاطمة كي نشوفهم برا يغيضوني بلا الي في الديلر يعلم ربي والاحصائيات راهي تقول ارقام كبيرة وبالملايين فاطمة: اشكون هذو الطلابين الا عادو هوما رانا محسوبين معاهم عباس: هذوك حاجة اخرى مارانيش نهدر عليهم فاطمة: وعلامن راك تهدر عباس: على النسا فاطمة: ( بنرفزة ) على النسا واش من نسا واش داك لصوقهم عباس: هاكي قلتيها سوق النسا السوق فيه الشاري والبايع بصح هوما سوقهم فارغ السلعة كاينة والشاري ماكانش فاطمة: من الصباح وانت داخلها عليا مشروع يدز مشروع وضرك رحتلي للنسا وليتلي للسلعة والسوق واش راك حاب تقول جيب من الاخر عباس:/ مافهمتنيش فاطمة: لالا راني فاهمتك مليح ولازم نتفاهمو على كلش عباس: راكي تكبري في الموضوع وانتي ماكي فيها والو قلتلك راني انانية راني نهدر على النسا العوانس يعني الي ماتزوجوش البايرات فاطمة: واش دخلك في الي تزوج ولا تطلق ولا تبور ولا تفور شوف لحالتك عباس: ( ينضر مع نفسه ) لاباس والله غير لاباس وكيفاه واش دخلني وانا واحد من المجتمع هذا وانا راني لقيتلهم الحل وهذا هو المشروع نتاعي فاطمة: لقيتلهم الحل واقيلة راح تزوج بيهم انت ولا تستوردلهم رجال من برا القى حل لروحك عباس: انعم هيه وهذا فيه الحل نتاعي ماني راح نستوردلهم رجال من برا ما والو وزيد العالم كامل راهو يعاني من هذا المشكل صنف الذكور راه في انقراض شكون راح يصدرلك رجالو ويخلي نساه هكذاك الحل راه هنا في بلادنا رجالنا يكفيو نسانا برك نعرفو كيفاه نتصرفو فاطمة: وكيفاه الحل نتاعك يا السي الفهيم عباس: السروال كملتيه اعطيني سروالي نعطيك الحل فاطمة: هاك سروالك وسمعني الحل نتاعك يا فهيم عباس: ياك خيطتيه مليح ( يتفقد السروال ) يعود يزيد يديرها وانا في الاجتماع وتزاقى ( يلبس السروال وينزع الجبة ) وقيلة الجبة خير كان الواحد مستراح والاز فاطمة: ايه كيفاه الحل عباس : راكي حابة تعرفي ولا يهمك الموضوع خليني نجي ونشرحلك راه راح عليا الحال فاطمة: والله ما راك خارج غير لا كان فهمتني عباس: شوفي احنا جمعية البطالين فكرنا باه نستثمرو في المراة العانس يعني البايرة وعليه الحل راه بسيط خدمة بخدمة فاطمة: ايه بيسط كيفاه مافهمتش اهدر بالعربية وشني خدمة بخدمة عباس: احنا نقدمولهم خدمة وهوما يقدمولنا خدمة ..يعني الحل في تعدد الزوجات بصح بطريقة مدروسة فاطمة: مدروسة هذي ما فهمتاش ثاني عباس: ياهواه تقول راني في لاكراش طلعي نيفوك وحلي مخك معناه ندرسو الحالات حالة حالة يعني كل واحد بطال يزيد يزوج فاطمة: بصح هكذا يوليو اربعة عباس: وهذي هي التعددية الزوجية فاطمة: الله الله على هذاك الوقت لحقنا ليه كي ولات المرا تخدم على الراجل عباس: واش فيها خدمة بخدمة فاطمة: وانت راك معول مالا......... عباس  يبتعد إلى الخلف ) المومن يبدا بنفسه فاطمة: ( تجري ورائه بالمكنسة ) قلتلك خداع ستار مـوال السكنـة والخدمة هما هم الزمـان واللي لقـا خدمة يسمى سلطـان واحد ضحكتلو الدنيا عايش ديما فرحان ولوخر ضحكت عليه خلاتو عريـان يمشي على وجهو يكيل في الطرقـان يا يا.. يا يا.. السكنة والخدمة هما هم الزمـان واللي لقا قربي يسمّى سلطـان واحد قرا وافهم حاير في سروال لوخر أعمى وابكم طامع في المحال يا يا .. يا يا .. تاخير الزمان انقلبت مفاهيـم وعرّة الرعيان ولآو معاليـم اللي كان سخفان يلبس في الشيفون بخيار الكتان كساه القانـون يعقب يتكبر ولاّ كي فرعـون يأمر ويقرر لي يعصيه شكـون يا يا .. يا يا.. السكنة والخدمة هما هم الزمان واللي لقا خدمة يسمىّ سلطان يا بن عمي يا بن سيدي يا بن داني ماشي غير ارواح وقول جبت مرا قدرة ربي والمكتوب واين رماني بعدما لحقت على البنات في الكبرا *** سعدي فرحي قلت أنا عدت بداري رحت باش نخطب جيت نكركر في بقرة قلت نستبيت نجيب مرا نزيد ذراري بقيت هايم كي لبعير في الصحرا *** يا بن عمي يا بن سيدي يا بن داني ماشي غير ارواح وقول جبت مرا قدرة ربي والمكتوب واين رماني بعدما لحقت على البنات في الكبرا *** قلة زهري كي السروال زاد محاني عدت نكركر في الجبة كي الحرة نحلل مرتي وانحاول كي البراني بقيت نتبع كيما الخيط في البرا 
|
||||
|
|
2010-05-06, 13:18
|
رقم المشاركة : 2 | |||
|
شكرا أختي الكريمة |
|||
|
|
|
2010-05-06, 13:57
|
رقم المشاركة : 4 | ||||
|
اقتباس:
العفو أخي
الشكر لك على توااااجدك أهلااااااااااااا  |
||||
|
|
|
2010-05-06, 14:00
|
رقم المشاركة : 5 | ||||
|
اقتباس:
سعدت بتواااااجدكي
و الزواااج من أربعة مشرووووع و لكن بشرووووط و ليس فقط أرواااح و تزوّج.... ربي يحفظك أختي شكراااا  |
||||
|
|
|
2010-05-06, 14:13
|
رقم المشاركة : 6 | |||
|
هههههههههههههههههههههههههههههه |
|||
|
|
|
2010-05-06, 14:54
|
رقم المشاركة : 8 | ||||
|
اقتباس:
صااافي عجبك السي عبااااس هو صح إذاااا تزوج 4 راااايح يدخل في التااااريخ ... لكن في تاااريخ المفقووودين لأنه هو اصلااا مش لاااحق روحو و حاااب يدير المشروع الزوااااج على الزوجة شرعوا ربي بشرووووط و كااااين ناااس وحدة مااااهمش قاااادرين على تكااااليفهااا ربي يجيب الخير سعدت بتوااااجدك و ربي يجيبلك بنت الحلااااااال |
||||
|
|
|
2010-05-06, 14:57
|
رقم المشاركة : 9 | ||||
|
اقتباس:
و عليكم السلاااام و رحمة الله و بركاااااته
أهلاااا بك تعرفي هاااذ المسرحية مش تااااعي راااهي معروفة جااازت في بعض الأحيااان على شااااشة التلفااااز مام أنااا جااااتني بزااااف طويلة و كااانت رااايحة تسماااطلي لكن الرغبة في معرف النهااااية دفعتني لإكماااالهااااا و إحضااارهااا لكم لأنهااا وااااقع معااااش عند البعض أهلاااا بك و سعدت بمعرفتك |
||||
|
|
|
2010-05-06, 15:04
|
رقم المشاركة : 10 | ||||
|
اقتباس:
ههههههههههههههه يحيا السي عباس ورانا بمشروعو نوليو لاباس هههههههههههههههههههه
|
||||
|
|
|
2010-05-06, 21:26
|
رقم المشاركة : 11 | ||||
|
اقتباس:
راااك درت شعر على سي عباااااس
ان شاااء الله ماااا تكووونش الشمس ضرباااتك للرّاااااس |
||||
|
|
|
2010-05-06, 23:44
|
رقم المشاركة : 12 | ||||
|
اقتباس:
ههههه الله الله على الناس الي مازالهم مايعرفوش عباس مايكون غير ضاربهم الوسواس ولا مشومرين ويحوسو على الدواس يحيا خويا عباس رانا معاك حتى واذا رحنا للحباس غير ازدم ما تخافش من الرصاص رانا عقلية جازايرية نفريوها حتى بالمواس هههههههههههههههههههه |
||||
|
|
|
2010-05-07, 00:03
|
رقم المشاركة : 13 | ||||
|
اقتباس:
غير استعقل يااا وليد النااااس
راااه هناااا يدور العساااااس سينووو تولّي تاااكل البسبااااس و ترااااطي الخرجة للتيكسااااس هااااذي مسرحية خوووناااا عباااس لي حبّ يتزوج على بنت الناااس حساااابتلو أرواااح و دير الأعراااس ياااوا لااازم لكل وحدة مقياااااس أنت حاااب تولّي كيفو و دير 4 أعرااااس و أنااا ننصحك بواااحدة عيّشهااا لاااكلااااس تعيشوا في سعااادة و لااابااااس و تبتعد عنكم المشااااكل و الدواااااس أناااا جااااوبتك على هاااذ الأساااااس و حبيت الكلماااات تكون على وزن عباااااس راااني عيااانة و جاااني النعااااس نبلغكم سلاااامي و ان شاااء الله تكووونوا لاااباااس |
||||
|
|
|
2010-05-07, 12:55
|
رقم المشاركة : 14 | |||
|
السلام عليكم ورحمة الله وبركاته
اللهم اشهد ان لا اله الا انت استغفرك واتوب اليك جمعة مباركة للجميع سلام |
|||
|
|
|
2010-05-07, 17:49
|
رقم المشاركة : 15 | ||||
|
اقتباس:
ههههههههههههههههههه الله الله الله اكبر ام انفال ولات شاعرة وانا راني محير وانا كل يوم نبات ساهر ونحوس نخمم في الشعر تحت ضو القمر باه نكتب بريا للي قلبو محجر واخي فروفورة راهي تشعر وتكرر ماعليش ما قلتيليش وانا راني نتحسر على مرت عباس الي وصفتو بالغدر وهو راه ناوي الخير وقاعد يدبر باه يدير مشروح يخرجها بيه من الفقر مكارة الخير قالتلو ماكش متطور وزاد عليه الحال كي شاف سروالو تعور نقولك حاجة ما تخمم فيها ما تدور راي عباس يعيا ويطلعنا للقمر خير كبير من رايو زي المطر تبعوه وخودو رايو الوجه يولي منور هه والله ما تلومي خاطيني الشعر ههههههههههه بارك الله فيك
|
||||
|
|
|
| الكلمات الدلالية (Tags) |
| مسرحية |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
