اللي تحب تتعلم أرز في الفرن لذيذ تتفضل

إلهام07 · 2013-04-03, 08:05

البسملة1

الوصفة 16

هاذي الوصفة ماشي نتاعي ، شفت الأخت fyfy_top216 حطت تطبيقها في قسم التطبيقات وقالت أن الموضوع حذف و حطت رابط لمنتدى آخر ، صراحة شفت الوصفة البارح مساء ضربتلي في راسي حفظت الوصفة و طبقتها للعشاء مباشرة (طبعا كيما العادة والعوايد بدلت في الوصفة حسب ذوقي الخاص في الطهي) .
كي حطيت العشاء ، اللي يذوق ملعقة أو 2 يحبس ويقلي هاذي المرة راهو بنين و مختلف على العادة واش درتيلو وأنا الصراحة راني أول مرة ندير الأرز في الفرن ( راني متبهدلة بصح كيما تقول الحكمة : هناك دائما مرة أولى ) ، كي شفتو جاب سوكسي قلت نحط الصور باش تستفادو من الوصفة وتبقى في المنتدى للأخوات اللي حابين يجربوها .

المكونات :
* رطل أرز مفور وليس العادي وإذا عندك أرز بسمتي أحسن ( أنا استعملت ماركة La Belle )
* قطع لحم أو دجاج حسب أفراد الأسرة
* شوية زبدة
* شوية زيت
* 4 فصوص ثوم
* 1 حبة بصلة
* شوية جلبانة حوالي 1/2 كاس ( ما كانش في الوصفة الأصلية )
* 3 حبات جزر كبار ( ما كانش في الوصفة الأصلية )
* طماطم مصبرة ( حوالي 2 - 2.5 ملاعق كبار معمرين مليح عينك ميزانك )
* هريسة ( أعتقد ما كانش في الوصفة الأصلية )
* رند ( استعملت 3+2 ورقات )
* توابل : أفاح نتاع تونس + فلفل أسود + كسبر ( كثرت ) + حبة حلاوة ( ما كانش في الوصفة الأصلية ) + ملح والوصفة الأصلية زايد فيها كمون و زنجبيل بصح أنا ما حطيتهمش
* 1 ماجي باش الصلصة تخثار وماجيش مايهة

الطريقة :

1- نغسل الأرز ونصفيه ونحطو يفور ونغطيه بغطاء الكسكاس

2- نقلي البصل و الثوم واللحم في الزيت

3- نضيف الطماطم المصبرة و الهريسة والتوابل و 3 ورقات رند ونقلي شوية برك

4- نضيف الجزر و الجلبانة ونقلي 5د

5- نمرق 2 مرات الأولى بنص كاس ماء بين كل مرة ومرة 5د ثم المرة 3 و 4 بالكاس بين كل مرة ومرة 10د ثم بالزوج كيسان بيناتهم 15د يعني حتى يغلي المرق باش نزيد نمرق حتى نتحصل على كمية المرق المناسبة ، لازم نمرق غير بالشوية باش جي بنينة هذا من أسرار الطبخ طبعا للمبتدئات .

6- بعد ما تغلي نرمي 1 ماجي ونغلق الكوكوط حوالي 30-40د حتى يطيب اللحم والخضر .
7- ننزع الأرز من الكسكاس و نضيفلو قطعة زبدة مليحة ( حوالي 3 ملاعق كبار ) ونحرك حتى تذوب فيه

8- نحط الأرز في إناء الفرن ونحط معاه 2 ورقات رند جدد ماشي هاذوك اللي طابو في لاصوص ( هاذي الإضافة نتاعي )
9- نسقيه بالمرق حتى يتغطى مليح ( أنا احتفظت بمقدار كاس نتاع صوص للي يحب المرق ) و نغطي الإناء ( أنا استعملت كيس شواء حليتو على 2 بالمقص ) وغطيت بيه إناء الفرن ( هاذي إضافة من عندي باش ماينشفش الأرز بسرعة )

10- ندخلوه للفرن ينضج و مانغفلوش عليه، لما نذوق الأرز ونلقاه طاب ننزع الغطاء و نخليه ينشف
11- كل 2-3د نحرك الأرز من أسفل إلى أعلى باش ينشف مليح
12- كي ينشف نخرجوه من الفرن و نقدموه مع الخضر و اللحم

أتمنى اللي ماجربوش يجربو راهو بنة خطيرة

يجي يذرى وكل حبة مفصولة وحدها و خفيف مممممممممممم والله كليت 2 صحون ههههههههه

قبلاتي

ام فريال · 2013-04-03, 09:11

يعطيك الصحة باين بنين عن قريب نجربو شكرا

أنواار الإيماان · 2013-04-03, 09:30

اممممممممممممممممممممممممممممممممممم راني جاية نتغدى ههههههههههههههههههه
نخلف بلاست الجراد لصفر
بصحتكم هاااااااااااااايل

mounia hse · 2013-04-03, 10:14

شكرااااااااااااااا و سلمت يداك
الهام شهتيني نحب الروووووووووووووووز بزاف ديرتيه راكي ماش غير سخفتيني انا ضرك نجي نغدى دبر راسك عاودي ديريهولي
راهو يبان بنين نقدر مانديرش روز مفور

مرام 1987 · 2013-04-03, 10:15

Wawwwwwwwwww yatahal yatthabat had mawdou3

مرام 1987 · 2013-04-03, 10:16

Nsitttt rabi yorzkak b ajal hlal ta rabi w tjibi m3ah tazinaaaaa drari

كوزينة هديل · 2013-04-03, 10:18

مممم خرجلك روعة يعطيك الصحة

أم محمد تاج · 2013-04-03, 10:46

يهبل إلهام يعطيك الصحة والهنا نشالله

soriaalg · 2013-04-03, 10:54

ممممممممممممممممممممممممممممممممممم بارك الله فيك ويرزقك ما تتمنين شكرا لك على الوصفة

ام ملاك. · 2013-04-03, 10:58

ربي يرزقك بالزوج الصالح والذرية الصالحة يارب
يعطيك الصحة اختي على الوصفة تبان بنينة

touta2010 · 2013-04-03, 11:00

هايل من يديك شاطرة على سن ورمح على قول المصرييين

إلهام07 · 2013-04-03, 12:23

اقتباس:

المشاركة الأصلية كتبت بواسطة ام فريال

يعطيك الصحة باين بنين عن قريب نجربو شكرا

بنين هايل ، جربي ورديلي بالخبر

اقتباس:

المشاركة الأصلية كتبت بواسطة الادب العربي

اممممممممممممممممممممممممممممممممممم راني جاية نتغدى ههههههههههههههههههه
نخلف بلاست الجراد لصفر
بصحتكم هاااااااااااااايل

هههههههه ، أهلا وسهلا نحطك فوق راسي

اقتباس:

المشاركة الأصلية كتبت بواسطة mounia hse

شكرااااااااااااااا و سلمت يداك
الهام شهتيني نحب الروووووووووووووووز بزاف ديرتيه راكي ماش غير سخفتيني انا ضرك نجي نغدى دبر راسك عاودي ديريهولي
راهو يبان بنين نقدر مانديرش روز مفور

هههههه ماشي خسارة فيك أختي مونية ،
شوفي كل ما نجرب هاذو الوصفات اللي فيها الأرز يطيب في المرق و يكون ماشي نوع اللي مفور يعجن بصح ماجربتش ماركة SOS نصيحة خليك مع المضمون أو ديري أر ز بسمتي

اقتباس:

المشاركة الأصلية كتبت بواسطة mary1987

Wawwwwwwwwww yatahal yatthabat had mawdou3

هههههه ربي يعيشك ماري ، إيييييييييه التثبيت راهو حلم بعيد بزااااااااااااااف

اقتباس:

المشاركة الأصلية كتبت بواسطة mary1987

Nsitttt rabi yorzkak b ajal hlal ta rabi w tjibi m3ah tazinaaaaa drari

ربي يعيشك ماري و ربي يشفيك أنت ثاني و نفرحو كامل باش جي الفرحة مليحة وتكمل

اقتباس:

المشاركة الأصلية كتبت بواسطة كوزينة هديل

مممم خرجلك روعة يعطيك الصحة

ربي يعيشك هدولة ، أسعدني مرورك كثييييييييييييييييييرا

اقتباس:

المشاركة الأصلية كتبت بواسطة أم محمد تاج

يهبل إلهام يعطيك الصحة والهنا نشالله

الله يسلمك حبيبتي

اقتباس:

المشاركة الأصلية كتبت بواسطة soriaalg

ممممممممممممممممممممممممممممممممممم بارك الله فيك ويرزقك ما تتمنين شكرا لك على الوصفة

آآآآآآآميييييين ، العفو عزيزتي ، شكرا على المرور

اقتباس:

المشاركة الأصلية كتبت بواسطة مونية ك

ربي يرزقك بالزوج الصالح والذرية الصالحة يارب
يعطيك الصحة اختي على الوصفة تبان بنينة

أمييين ، شكرا حبيبتي مونية ، هاذي مدة ما تلاقينا

اقتباس:

المشاركة الأصلية كتبت بواسطة touta2010

هايل من يديك شاطرة على سن ورمح على قول المصرييين

هههههههههههههه ومين يشهد للعروسة

أنواار الإيماان · 2013-04-03, 13:00

والله انت لي تتحطي على العين والرأس

nour mano · 2013-04-03, 13:08

yum yum yum delicious
انشاالله يرزقك ربي بالزوج الصالح
أنا تاني لازم نديرهالهم اليوم فالعشاء بإذن الله^^

chaimaa01 · 2013-04-03, 19:12

merciiiiiiiiiiiii