عندك مشكلة مع الخبز الصابح ادخلي عندي الحل

الوهرانية 1 · 2013-02-27, 23:39

نتمنى تكونو بخير اخواتي تعرفو انو من بين المشاكل الي تصادفك في المطبخ مشكلة الخبز

كي يصبح وتبقي تخمي كي اديري وكان البعض سامحن الله وسامحهم الله يرمو الخبز في الشارع وفي المزابل اكرمكم الله والمنظر هدا راه يقشر له البدن لانو نعمة ربي ما تترماش المهم بدون اطالة حبيباتي اليوم حبيت نقترح عليكن وصفة تعمدها العائلة مند 15 سنة او اكثر في استغلال الخبز الصابح او البايت اد بامكانك اختي انك تحولي هدا الخبز

الى هده القطع من الحلوى

تابعي الموضوع انا استعملت صنية شوية كبيرة لاني نحبو رقيق وبعض المرات نديرو في وحدة اصغر يجي غليظ حسب رغبتك
[المقاير
2لتر حليب
كمية من الخبز الصابح
3حبات بيض
2اكياس خميرة حلوى
كاس ونص سكر ممكن تضيفو ادا تحبو الحلو
نصف كاس ماء زهر
2 ملاعق زبدة دائبة
2 ملاعق كاكاو
قشور الليمون
زبيب اختياري

التحضير بالصور
نفتت الخبز

نضيف الحليب نتركه ربع 10 دقائق يتنفخ مليح

هاهو شكله

نخلطه بالمكسور انا راه مخسرلي درت بالباتور

نضيف البض وقشور الليمون وماء الزهر

الزبدة الدايبة ونخلط

ثم الكاكاو واكياس الخميرة

ثم الزبيب ونخلط

ندهن الصنية بالزيت نصب الخليط والي الفرن يطيب ساعتين ولا ممكن في ساعة ونص حسب فرنك المهم ديريله اختبار العود ادا جف راه طاب

هاهو بعد ماخرجناه

يقطع حسب الرغبة طبعا بعد ما تبرد تماما وعلى فكرة دوقها بارد احلى وتحفظ في الثلاجة

يزين بخطوط الشوكولا اختياري ممكن تستغناي عليها

وهاهو جاهز

ملاحظة / ماشي شرط خبز تاع ليلة برك نعرفو انو الخبز مرات يصبح طري وتعاودي تسخنيه وتفطري بيه ولكن مرات تتلم ليك كمية كبيرة وحتى الاطراف الصغيرة منها
بالصحة والهنا تحياتي

لمسة حنية · 2013-02-28, 00:03

امممممممممممممممممممممممممممم
ههههههههههههههههههههههههه انتي تااني ولييتي كيفي
ديري نص ليل راني فقت هههههههههههههههه
رووووووووعة في ليل بااش نحلمو برووعه
هاايل اختى ماشاء الله

لمسة حنية · 2013-02-28, 00:04

هااااد ليا باااش نكلهااا مدام انا اول وااحده رديييت

الوهرانية 1 · 2013-02-28, 00:05

اقتباس:

المشاركة الأصلية كتبت بواسطة لمسة حنية

امممممممممممممممممممممممممممم
ههههههههههههههههههههههههه انتي تااني ولييتي كيفي
ديري نص ليل راني فقت هههههههههههههههه
رووووووووعة في ليل بااش نحلمو برووعه
هاايل اختى ماشاء الله

يشرفني تكوني اول وحدة ترد عليا حبيبتي والله نفضل الليل التحميل يكون اسرع
سلامي ليك اختي الغالية
كولي اختي بصحتك

*أم كوثر* · 2013-02-28, 00:27

وليا انا حتى انا طاحلي السكر من تحميل صور المسابقة هههههههههههههه
يسلموا يسلموت يعطيك الصحة
فكرة هااايلة

الوهرانية 1 · 2013-02-28, 00:34

اقتباس:

المشاركة الأصلية كتبت بواسطة *أم كوثر*

وليا انا حتى انا طاحلي السكر من تحميل صور المسابقة هههههههههههههه
يسلموا يسلموت يعطيك الصحة
فكرة هااايلة

لاباس عليك حنونة وشكرا على المرور سلامي ليك

أم ياسين الزهراء · 2013-02-28, 00:35

واوووووووووو هذا امر دبرى بليل الابداع والتفنن الكل يصراو في الليل ماكفانيش موضوع ام كوثر ومقدسية زدت لقيت الوهرانية مدايرى حالى اه اه هبلتونا وزدتولنا في الميزان الفكرة تحفة وعندك فيها اجر كبير الوصفة ونحيتي مشكل الخبز البايت تعيشي حنونة وربي يحفظك

الوهرانية 1 · 2013-02-28, 00:41

اقتباس:

المشاركة الأصلية كتبت بواسطة أم ياسين الزهراء

واوووووووووو هذا امر دبرى بليل الابداع والتفنن الكل يصراو في الليل ماكفانيش موضوع ام كوثر ومقدسية زدت لقيت الوهرانية مدايرى حالى اه اه هبلتونا وزدتولنا في الميزان الفكرة تحفة وعندك فيها اجر كبير الوصفة ونحيتي مشكل الخبز البايت تعيشي حنونة وربي يحفظك

حبيبتي شكرا ليك على المشاركة في الموضوع والصراحة عندي استعمالات عديدة للخبز الصابح لانو يغيضني نرميه وانشاء الله مستقبلا نحط كيفيات اخرى

أم ياسين الزهراء · 2013-02-28, 00:50

راح نتبع جديدك ماشاء الله عليك وربي يكتبهالك اجر عظيم

أم عائشة 10 · 2013-02-28, 01:04

مشكورة أختي حتى أنا عندي مشكل مع الخبز البايت يعطيك الصحة الوصفة رائعة
درك يبداو يبانوا السهرانين خاصة في صفحاتك إلي كلها في القمة
جزاك الله كل خير

meriama13 · 2013-02-28, 01:21

ya3tik saha 3la recette

feuilleblanche17 · 2013-02-28, 07:10

شكرااااااااااااا على النصيحة و الوصفة الساهلة
ميجيش ناشف .....نقدرو نعسلوه

kokotg · 2013-02-28, 07:43

بارك الله فيك روووووووعة

انتي بلون الورد · 2013-02-28, 08:29

شكرا علا الطريقة الرائعة و السهلة.حزاك الله كل خير

إلهام07 · 2013-02-28, 08:44

واااااا عودة قوية للوهرانية ، راكي طايحة فينا غير بالوصفات الشهية والجديدة ، راكي غير تسجلي في الأهداف هههههه
شكرا على الوصفة تشهي ، خاصة كي راني بلا فطور ههههه