ما عندكش جبن مبشور وحابة ديري بيتزا؟ تفضلي

[إلهام07]

الوصفة العاشرة

صباح الفل عليكم أخواتي

كما عودتكم ، كل ما نلقى حاجة جديدة ، نجربها و لما تنجح نعلمهالكم باش يكونو دائما عضوات المنتدى نتاعنا متميزات
كنت منذ شهور شفت صلصة الموزاريلا المخادعة في منتدى مغاربي و تكاسلت نجربها ، البارح درت بيتزا و تفكرتها ، رجعت المطبخ حقل تجارب و جربت 2 حاجات ، الأولى هذه الصلصة و الثانية نخليهالكم مفاجئة ، راهي مازالت في المختبر ما طابتش ههههه
ساعات بزاف يكون ماعنديش جبن مبشور و نحب ندير بيتزا و صراحة الغرييار راهو غالي خاصة لما تكون الأسرة كبيرة واش يكفي فيها غرييار ههههه، لذا لقيت أن هذي الصلصة هي الحل ، جربتها و صلحت وطبعا كما العادة عدلت في الوصفة .
هذا كان الموجز والآن التفاصيل :

المقادير :
* 1 حبة بصل مقطعة رقيقة و مقلية ( حمريها شوية ماشي تذبليها برك + ماديريش بصل أخضر ، ديري بصل عادي + ما تحطيش فيها الملح )
* من 1-2 بيض ( أنا حطيت 2 لأن الكمية نتاعي كبيرة ، درت 2 قرصات بيتزا كبار )
* 6 قطع جبن ( قد ما تحطي جبن جي بنينة و مخادعة هههه )
* فلفل أسود
* ملعقة كبيرة زيت زيتون ( ما تخافيش طعمه لن يظهر فيما بعد )
* 1-2 فنجان صغير حليب ( حسب الكمية )

الطريقة :
حطي كل المكونات في الروبو و ارحيهم ملييييح حتى تتحصلي على صلصة ملساء ، مثل هاذي :



بعد ما تحطي صلصة الطماطم و تزيني البيتزا نتاعك صبيها فوق البيتزا ودخليها إل الفرن و شوفي النتيجة :

أسمحولي الإضاءة في المطبخ قوية ، الصورة جات ضاوية بزاف .

الخداع ليس فقط في الشكل و لكن أيضا في الطعم بنيينة مممم ،

* ملاحظات :
* ما نسيتش الملح ، راهي جي مالحة من الجبن ، إذا حطيتو جبن كمية قليلة ذوقو وإذا تحتاج زيدو رشة ملح
* إذا عندك شوووية غرييار مبشور فاضل ديريه فيها ، ماشي مشكل

جربوها و ماتنساوش تدعيولي يرزقني ربي الزوج والذرية الصالحة

[طائر النورس مغتربة]

يعطيك الصحة اختي ويعطيك واش تتمناي

[hony]

yaetik al saha nchallah yerzkak b al zawj w al dheriya al salhin

[أم محمد تاج]

حبيبتي إلهام ديما مبدعة وأفكارك هايلة يعطيك الصحة نشالله ويقدرلك ربي الزوج الصالح والذرية الصالحة نشالله ويعطيك واش تتمناي آمين

[faizarbh]

يعطيك الصحة اختي

[soriaalg]

وش ه\ا الابداع لي ما يعرفش بنات ومبدعات وملكات الطبخ في منتدى الجلفة ما يعرف وااااااااااااااااااااااالو برافو اختي ويعطيك الصحة وشكرا جزيلا على الافكار

[maya126]

اعطيك الصحة يا الفحلة راهي باينة بلي بنينة
وربي يرزقك واش تتمناي

[أنا أمهم]

جازاكي الله كل خير يا إلهام. فكرة هايلة!!!!!

و ربي يرزقك بالزوج الصالح و الذرية الصالحة قولي آمين

[أم هداية]

يعطيك الصحة

[إلهام07]

المشاركة الأصلية كتبت بواسطة طائر النورس مغتربة

يعطيك الصحة اختي ويعطيك واش تتمناي

الله يسلمك أختي

المشاركة الأصلية كتبت بواسطة hony

yaetik al saha nchallah yerzkak b al zawj w al dheriya al salhin

آمين

المشاركة الأصلية كتبت بواسطة أم محمد تاج

حبيبتي إلهام ديما مبدعة وأفكارك هايلة يعطيك الصحة نشالله ويقدرلك ربي الزوج الصالح والذرية الصالحة نشالله ويعطيك واش تتمناي آمين

إن شاء الله ، شكرا على الدعوة و تسعدني عودتك أم محمد تاج

المشاركة الأصلية كتبت بواسطة faizarbh

يعطيك الصحة اختي

الله يسلمك حنونة

المشاركة الأصلية كتبت بواسطة soriaalg

وش ه\ا الابداع لي ما يعرفش بنات ومبدعات وملكات الطبخ في منتدى الجلفة ما يعرف وااااااااااااااااااااااالو برافو اختي ويعطيك الصحة وشكرا جزيلا على الافكار

هههه ، صح المنتدى هذا راهو جمع كل فحلات الجزائر حتى المغتربات ، دخلت درت جولة نتاع جوسسة على أشهر المنتديات العربية والله قسم الطبخ عندهم ممل و ماكان حتى جديد غير القديم لمعاود

المشاركة الأصلية كتبت بواسطة maya126

اعطيك الصحة يا الفحلة راهي باينة بلي بنينة
وربي يرزقك واش تتمناي

آمين ، هيه بنينة

المشاركة الأصلية كتبت بواسطة أنا أمهم

جازاكي الله كل خير يا إلهام. فكرة هايلة!!!!!

و ربي يرزقك بالزوج الصالح و الذرية الصالحة قولي آمين

آآآآآآآآآآآمين و نعود انا ثاني أمهم هههه ، شكرا جزيلا على الدعوات و أصلا زيارة عملاقة مثلك لموضوعي شرف لي

[نسمة الورود]

ربي ينولك الي في بالك اخيتي

[مقدسية]

ماشاء الله الهام فكرو ولا اروع
وتقديمك للموضوع احلى واحلى
دائما روح الدعابة حاضرة في مواضيعك
ربي يبارك فيك ويحفظك

[ساندي 28]

واو الهام رائعة فعلا بافكارك وربي يرزقك زوج طيب كيما انتي تحياتي

[أم سراج الدين]

ربي يرزقك الزوج الصالح كيما راكي متمنية مع انني كنت حاسبتك متزوجة و الله العظيم
ثانيا شكرا على النتائج لي راكي تخرجي بيها من مخبرك و لي ديما فيها ابداع لامتناهي

[soumeya_cons]

بارك الله فيك ختي وصفة اقتصادية ان شاء الله نجربها و نعتمدها في وصفاتي و ربي يرزقك بالزوج الصالح و الذرية الصالحة ياااااااااااارب