حساء مجرب لحرق الدهون وانقاص الوزن

ام راضية · 2013-02-14, 19:16

تحياتي وان شاء الله تكون كل اخواتي في المنتدي بصحة وهناء
حبيت نفيد اخواتي اللواتي يبحثن علي الصحة اولا واللواتي يبحثن عن الرشاقة بهدا الحساء المجرب مني شخصيا ومفعوله رهيب في انقاص الوزن وحرق الدهون لكن يجب ان تكون معه ارادة وعزيمة
هدا الحساء استعملته مند عامين عندما قمت بعملية جراحية وطلب مني الطبيب قبلها ان انقص وزني و الكلسترول كان طالع شوية
المهم طبقت ريجيم بهدا الحساء اعطتني اياه صديقة مجرباته وفعلا بهرت بالنتيجة انخفاض كبير في الوزن مع تحاليل صحية جداااااااااااا
هدا الحساء المكون الاساسي فيه هو الكرافس اكبر كمية من الكرافس مع الكرمب والجريوات وحبه من الجزر مع سنات ثوم والكراث وحبتين من اللفت
تطبخ هده الخضر بعد تنظيفها وتقطيعها مع ماء وملح فقط
ثم ترحي واللي متحبش المرحي تقطعها رقيقة
لكن يجب الالتزام
افطري عادي واتغدي عادي كما تعودت وكلي اي شيئ تحبينه علي مدار اليوم لكن بما اننا في الشتاء والنهار قصير علي الخامسة مساءا تاكلي من هدا الحساء اكبر كمية وتقفلي لا شيء معه ولا بعده لليوم الموالي ما عدا الماء اشربي كميات كبيرة لانه ينظف الجسم والجهاز الهضمي ويريح الامعاء وينقص الوزن بشكل رهيب
انا اليوم درته لسبب صحي وحبيت نوريهولكم
من تبدا معي وتشوف روحها بعد شهر كيف اصبحت
هو طعمه غير مستساغ كثيرا لكن من تريد الصحة او الرشاقة يجب ان تتحمل
ها هي صورته

soriaalg · 2013-02-14, 19:40

ربي يجازيك كل خير على ما تفيدين به بارك الله فيك اختي ام راضية احبك في الله

soumeya_cons · 2013-02-14, 20:03

بارك الله فيك اختي نتمنى أي وحدة حابة تنقص الوزن تاعها تستفاد منو بلاك نجربو مرة على مرة كي قلتي مفيد للجهاز الهضمي تاعنا

samia76 · 2013-02-14, 20:05

ربي يجازيك كل خير

مليكة01 · 2013-02-14, 21:46

شكرا لك و ربي يجازيك كل خير على مساعداتك

أرجو فقط توضيح ما معنى جريوات لم أفهم عن أي نوع من الخضر

شكرا مرة أخرى على الوصفة

faizarbh · 2013-02-14, 21:52

يعطيك الصحة ام راضية ما عندكش حساء يسمن ههههههه ليا

*أم كوثر* · 2013-02-14, 22:52

يعطيك الصحة تنفع وقت الشدة ههههههه
مافهمتش علاه طعمها غير مستساغ لانو فيها الخضار المعتادة؟؟؟

ام انفال 12 · 2013-02-15, 02:20

يعطيك الصحة اختي بربي انشاءلله نديرو

جزائرية · 2013-02-15, 03:38

ام راضية · 2013-02-15, 08:52

اقتباس:

المشاركة الأصلية كتبت بواسطة soriaalg

ربي يجازيك كل خير على ما تفيدين به بارك الله فيك اختي ام راضية احبك في الله

الله يسلمك غاليتي واحبك الدي احببتني فيه ربي يبارك فيك

اقتباس:

المشاركة الأصلية كتبت بواسطة soumeya_cons

بارك الله فيك اختي نتمنى أي وحدة حابة تنقص الوزن تاعها تستفاد منو بلاك نجربو مرة على مرة كي قلتي مفيد للجهاز الهضمي تاعنا

التجربة خير برهان لكن رجعي الخبر

اقتباس:

المشاركة الأصلية كتبت بواسطة samia76

ربي يجازيك كل خير

الله يسلمك حبيبتي

ام راضية · 2013-02-15, 08:53

اقتباس:

المشاركة الأصلية كتبت بواسطة مليكة01

شكرا لك و ربي يجازيك كل خير على مساعداتك

أرجو فقط توضيح ما معنى جريوات لم أفهم عن أي نوع من الخضر

شكرا مرة أخرى على الوصفة

الله يسلمك حبيبتي الجريوات هي القرعة

ام راضية · 2013-02-15, 09:00

اقتباس:

المشاركة الأصلية كتبت بواسطة faizarbh

يعطيك الصحة ام راضية ما عندكش حساء يسمن ههههههه ليا

احسن وصفة خليك مع ام ماجد وواش طيبتي اليوم تبعيها وشوفي روحك بعد شهر هههه

اقتباس:

المشاركة الأصلية كتبت بواسطة *أم كوثر*

يعطيك الصحة تنفع وقت الشدة ههههههه
مافهمتش علاه طعمها غير مستساغ لانو فيها الخضار المعتادة؟؟؟

الله يسلمك اختي
شوفيي انا من طبعي مند الصغر منحبش الخضر كانت ماما دير الليقيم او خضر مفورة ما نحبهاش وكبرت معايا الحكاية مي ناكل الخضر نية الجزر مربي البسباس او القرنون ناكل طازج لكن كي اضطريت وقت العمليه صراحة حتمتو علي روحي لكن الان الحمد لله ناكلو بقناعة من اجل صحتي لهدا قلت كانش ماكان اللي مثلي ميحبوش الخضر هكدا نبهتهم من البداية لكي ما يستسلموش

ام راضية · 2013-02-15, 09:02

اقتباس:

المشاركة الأصلية كتبت بواسطة ام انفال 12

يعطيك الصحة اختي بربي انشاءلله نديرو

ان شاء الله ورديلي الخبر

اقتباس:

المشاركة الأصلية كتبت بواسطة جزائرية

شكرا لك

أنوثة شرقية · 2013-02-15, 09:43

أنا فعلا جربت رجيم بحساء الكرنب فقط وكان طعمو فضيع ماقدرتش نحتمو نصحني بيه دكتور قالي 3 شهور ترجعي خالية تماما من أي دهون. الصراحة ماقدرتش نكمل لأن طعمو فظيع . درت رجيم بانقاص النشويات والسكريات والدهون والرياضة اليومية نقصت ب 20 كيلو لأاني بعد الولادة زاد وزني بزاف. واليوم شفت الحساء تاعك عجبني لأانو فيه خضر كثيرة ممكن نقدر ناكلو لأني زدت شوية وحابة ننقص .شكرااا اختي أم راضية نجربو ونردلك الخبر

غربة أهل السنّة · 2013-02-15, 09:52

بارك الله فيك