** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله *

[bint aljazair]

حلوة القطيفة:
500غ مرغرين طرية + كاس سكر ناعم ثم نخفقهم + كاس زيت و انقص 3 أصابع + ملعقة فاني و نص كاس مايزينة و باكي خمارة و الفرينة حسب الطلب و نلم العجينة اجي طرية .
نحلها و نقطع دوائر متساوية سمكها حوالي 3ملم اي ارتفاعها و نطيبهم 15 د و اطيب بيضاء اللون و نتركها تبرد.
الكريمة: 250غ زبدة طرية نخفقها + كاس سكر ناعم و نص فنجان شاي زيت + فاني و نلصق بيها حبتين.

يعني احشي الوسط بالكريمة وزيدي اطليها كامل بالكريمة ثم رمديها في القوفرات مسكرفجة او النواة كوكو.

حبيبتي فقط للتوضيح بعدما تلصقي 2حبات حلوى بالكريمة دون ما تطليها كامل خذي معجون مشمش وخفيه بماء زهر واغطسي بخفة ورمديها في نواة كوكو بعدما تحمصيه وتضيفيلو 4 ملاعق كبيرة كاكاو مباشرة ضعيهم في كيسات ورقية

هذا ما قاله الشيف مصطفى بسعدي والله اعلم

[faizarbh]

وصفات يوم الاربعاء 20/03/2013
حلوة لي ماكارون:
200غ بياض البيض+50غ سكر+200غ سكر قلاص ، نطلع بياض البيض جيدا مع شوية ملح ثم نضيفلو السكر و السكر قلاص و نضرب مليييييييييح بعدها نضيف 250غ سكر مخلطة مع 250غ لوز مرحي بودرة و نبدا نضيف فيهم غير بشوية و نخلط ثم نديهم في بوش حلواني و نشكلهم دوائر صغار في صينية مدهونة بزبدة ذايبة و مرشوشة بالفرينة و ايلا حبيتي يجيك اللون بني زيدي للخليط شوية كاكاو ثم نطيبهم في فرن سخون 150 درجة مدة 12 دقيقة.


زلابية البنان:
لتر ماء+3 ملاعق و نص أكل سكر+ نص كاس آتاي زيت و نديرهم في كاسرونة على النار حتى يولي يغلي ثم ننزعوه على النار و مباشرة نزيدلو 2 حبات بيض و نخلط جيدا و بسرعة ثم نضيف 800غ فرينة و نخلط بملعقة لوح ثم نديرهم في بوش حلواني اللي عندو اسنان و نبدا نشكل في حرابيش طولها 10سم و نقليهم في زيت سخون حتى يحمارو و بعدها نعسلهم مباشرة في عسل خفيف شوية بعدها نعاود نعسلهم كي يبردوا مرة اخرى.
شوربة:
أطراف لحم خاصة بالشوربة+حبة بصل مقطعة+ 2 جزر مقطع+2طماطم + نص حبة بسباس+ربطة صغيرة قصبر و اخرى نعناع.
التوابل: ملح،فلفل،فلفل عكري، شوية كروية ، شوية قرفة مطحونة، ملعقة أكل زبدة، كمشة حمص.
نقلي الكل على نار هادئة مدة 30د ثم نمرق بماء سخون و نزيد للفرن لما نشوف انو اللحم بدا يدخلو الطياب ننزع نص كاس مرق و نحطوه بجهة ثم نديرلو 2 ملاعق اكل طماطم و نحللها فيه و نخليها فالاخير نديرها.
لما اطيب الخضرة ننزع منها اللحم و نرحي الخضرة ثم نعاود نرجع اللحم و نضيفلها نص كاس تاع المرقة اللي ذوبنا فيه 2 ملاعق طماطم مصبرة .
ندير نص كاس شوربة فارميسال في مقلة تيفال و نحمصها وحدها بدون زيت حتى يولي اللون تاعها ذهبي ثم نزيدها للشوربة و بعدها نطفي.و ندير قرن حار و ليمون للنكهة.

لبنات اللي سمعة الصلصة الفرنسية اللي دارها فالاخير تاع البشامال تقولي عليها وشكرا

[yarasmin26]

المشاركة الأصلية كتبت بواسطة faizarbh

وصفات يوم الاربعاء 20/03/2013
حلوة لي ماكارون:
200غ بياض البيض+50غ سكر+200غ سكر قلاص ، نطلع بياض البيض جيدا مع شوية ملح ثم نضيفلو السكر و السكر قلاص و نضرب مليييييييييح بعدها نضيف 250غ سكر مخلطة مع 250غ لوز مرحي بودرة و نبدا نضيف فيهم غير بشوية و نخلط ثم نديهم في بوش حلواني و نشكلهم دوائر صغار في صينية مدهونة بزبدة ذايبة و مرشوشة بالفرينة و ايلا حبيتي يجيك اللون بني زيدي للخليط شوية كاكاو ثم نطيبهم في فرن سخون 150 درجة مدة 12 دقيقة.


زلابية البنان:
لتر ماء+3 ملاعق و نص أكل سكر+ نص كاس آتاي زيت و نديرهم في كاسرونة على النار حتى يولي يغلي ثم ننزعوه على النار و مباشرة نزيدلو 2 حبات بيض و نخلط جيدا و بسرعة ثم نضيف 800غ فرينة و نخلط بملعقة لوح ثم نديرهم في بوش حلواني اللي عندو اسنان و نبدا نشكل في حرابيش طولها 10سم و نقليهم في زيت سخون حتى يحمارو و بعدها نعسلهم مباشرة في عسل خفيف شوية بعدها نعاود نعسلهم كي يبردوا مرة اخرى.
شوربة:
أطراف لحم خاصة بالشوربة+حبة بصل مقطعة+ 2 جزر مقطع+2طماطم + نص حبة بسباس+ربطة صغيرة قصبر و اخرى نعناع.
التوابل: ملح،فلفل،فلفل عكري، شوية كروية ، شوية قرفة مطحونة، ملعقة أكل زبدة، كمشة حمص.
نقلي الكل على نار هادئة مدة 30د ثم نمرق بماء سخون و نزيد للفرن لما نشوف انو اللحم بدا يدخلو الطياب ننزع نص كاس مرق و نحطوه بجهة .
لما اطيب الخضرة ننزع منها اللحم و نرحي الخضرة ثم نعاود نرجع اللحم و نحلل 2ملاعق طماطم مصبرة و نزيدها للشوربة .
ندير نص كاس شوربة فارميسال في مقلة تيفال و نحمصها وحدها بدون زيت حتى يولي اللون تاعها ذهبي ثم نزيدها للشوربة و بعدها نطفي.و ندير قرن حار و ليمون للنكهة.

لبنات اللي سمعة الصلصة الفرنسية اللي دارها فالاخير تاع البشامال تقولي عليها وشكرا

صباح الخير : 1/2 كاس تاع المرقة { الشوربة } وين زادو من بعد........ انتظر ردكي
راني كاتبة كرام ديسار الي دارو في قناة الشروق شفتهم سقساوك اعليه

[faizarbh]

المشاركة الأصلية كتبت بواسطة yarasmin26

صباح الخير : 1/2 كاس تاع المرقة { الشوربة } وين زادو من بعد........ انتظر ردكي
راني كاتبة كرام ديسار الي دارو في قناة الشروق شفتهم سقساوك اعليه

راني عدلت الوصفة ياسمين مزية قلتيلي راني عدلت الوصفة
وين راكي كاتباتو في موضوعك انا تاني راني نحوس علسه دوك نجي لموضوعك

[yarasmin26]

اليكي وصفة كرام ديسار تاع مصطفى
خلطي كل شيئ بارد في بارد{2 كوب حليب+رشة زنجبيل+حبة موز مقطع قطع صغيرة+4 م ك+1/2 تاع مايزينة+4 م ك سكر+ حلوة الترك خلطي كل شيئ ومنبعد ديري فوق النار ختى يثقل ويقدم في اكواب ويترك يرتاح خارج الثلاجة30 د ثم يوضع في الثلاجة

[hanan18]

المشاركة الأصلية كتبت بواسطة yarasmin26

اليكي وصفة كرام ديسار تاع مصطفى
خلطي كل شيئ بارد في بارد{2 كوب حليب+رشة زنجبيل+حبة موز مقطع قطع صغيرة+4 م ك+1/2 تاع مايزينة+4 م ك سكر+ حلوة الترك خلطي كل شيئ ومنبعد ديري فوق النار ختى يثقل ويقدم في اكواب ويترك يرتاح خارج الثلاجة30 د ثم يوضع في الثلاجة

السلام عليكم
بارك الله فيكي على الوصفة
جربتها ولكن جاءت ثقيلة وناقصة سكر؟؟؟؟؟؟؟

[hiba266]

merci ma cherie

[aziza05]

merci ma chère

[bint aljazair]

السلام عليكم ورحمة الله وبركاته

جربت اليوم حلوة القطيفة جات روعة تذوب في الفم

راني صورتها لكن لا أعرف كيف ارفعها في الموقع
ياليت تساعدوني جربت اكثر من مرة وما نجحت في رفع الصورة

جزاكم الله خيرا

[faizarbh]

شوفي هنا عزيزتي

https://www.djelfa.info/vb/showthread.php?t=941739

[تغرينية]

بارك الله فيك

[رآج ـية العفو]

السلـآم عليكم
الأخت الفآضلة ربي يجآزيك كل خير على المجهود المبذول
يعطيك الصحة حبوبة أفدتينآ بهآذ الوصفآت سأكون من متآبعي
هذآ الموضوع وآصلي خيتو
ربي يحفظك

[أم عاتكة]

يعطيكم الف صحة و بارك الله فيكم

[faizarbh]

يعطيك الصحة ياسمين يبان يشهي جاري التجريب ان شاء الله

[الصوامعية]

شكرا فايزة بارك الله فيك