اسهل طريقة لعمل اوراق الديول او البوراك او الملسوقة اوالبسطيلة

ام ساجد · 2013-01-17, 21:00

اليوم نقدملكم طريقتي في عمل اوراق البوراك في البيت
بطريقة سهلة وبسيطة تقدر اي وحدة تعملها حتى لو كانت مبتدئة في المطبخ والطبخ

اولا المقادير كاس فرينة + كاس ونصف ماء عادي + شوي ملح يعني كيلة فرينة بكيلة ونص ماء

في اناء نصب كاس الماء ونضع الملح ونصب الفرينة بالشوي ونخلط حتى نكمل كمية الفرينة
ونخلط مليح ثم نضيف كمية الماء المتبقية اي نص كاس ماء ونخلط مليح

نتحصل على عجينة سائلة نوعا ما قوامها مثل لي في الصورة

وماشي لازم نخليها ترتاح نخلط طول ونبدا نطيب في مقلاة طيفال باستعمال الفرشاة
كي نبدا نمسح بالفرشاة نخفف النار ثم نقوي النار باه تشيح ونحيها من المقلاة

ان شاء الله تكون الصورة واضحة لاني نخدم ونصور بمفردي

انا هنا استخدمت ورق المطبخ بين كل ورقة ديول وورقة اخرى لكن من الاحسن استعمال سرافيت
او مناشف من القماش تكون العملية احسن