السلام عليكم و رحمة الله و بركاته
المقادير
1كغ فرينة
450غ ماء
30غ بودرة الحليب
20غ ملح
30غ خميرة الخبز
180غ سكر
30غ زبدة
5غ محسن
100غ عجينة التخمير
حبة بيض
2مغارف قهوة فانيليا
500غ مارغرين او زبدة التوريق
100غ زبيب مشمخ من قبل في ماء سخون
نخلط جميع المقادير باستثناء الزبيب وزبدة التوريق بيانسور ونقوم بعجن العجينة ثم نقسمها الى كرتين ونخلوها ترتاح 20دقيقة في الثلاجة منبعد نقو م بعمل التوراج لها مثل عجينة الكرواسون تور سامبل ونخلوها ترتاح 10دقائق ثم تور دوبل خلوها ترتاح 10 دقائق هدا لكلا العجينتين
نقوم بفتح العجينة الاولى بشكل مستطيل حوالي 40سم عرض و50سم طول نفس الشيء بالنسبة للعجينة الثانية
نبد ا الان بصنع الخبز الاول كالتالي نطلي المستطيل بواسطة طبقة رقيقة من كرام باتيسري ونخلي بلاصة من الطرف نرققها وما نديرلها البيض علجال راح نروليوه ونغلقوه من ديك الجهة من بعد نديرو هداك الزبيب ثم نروليو بلا ما نزيرو ونقطعو بالموس قيس 2 اصابع هكاك
بالنسبة للمستطيل الثاني نحضرو بيه الخبز الثاني نديرو طبقة من الزبدة الدائبة ونخلو بلاصة نديرو فيها بيض كما الاول باش نغلقو ومنبعد نديرو شوية سكر وقرفة في كامل المساحة وكاين لي يحب يدير شوية لوز كونكاسي ونروليوه بلا ما نزيرو بيانسور منبعد نديرو 2 اصابع في الاول نفتح بالموس بلا ما نقطع وفي الاصبع الثاني نقطع نديرو لادورور بيضة وقرصة ملح و نخلوهم يخمرو ساعة هكاك وادا تفتحو كي يخمرو نغلقوهم ونديروهم يطيبو في فرن مسخن 200 درجة بالنسبة للتزيين كل واحد وكفاش يحب
شهية طيبة
( تقرير عن مشاركة سيئة )، و الموجودة أسفل كل مشاركة .
2012-11-26, 23:58
pains aux raisins et pain au sucre et à la canellele
العرض العادي
