الطبعة العاشرة لدورة الرقي بمدبرة منزل مثالية

[oummalak]

يصبحكم بالخير حباباتي واش راكم نتمنى تكونو بخير
من بعد ندخل نكتب تطبيقاتى
في امان الله وربي يعاونكم
شكرا اريج على الادكار
سندوستى ان شاء الله ما راكيش زعفانة قاع ما طليتي
ايا ربي يعاونكم

[وفاء سعاد]

صباح الخير عليكم كيفاه صبحتو معليكمش يارب تكونو بخير راني اليوم صايمة عندى 6 ايام دين واحنا زيدو يومين دايما يعني 8 ايام ان شاء الله نخلصهم النهار عاد قصير دقيقة ويعدى راني صبحت نقرى في الادكار تاع اريج وروح للدوش ندوش من اجل الصلاة والكوزينة ماتتدخلش البارح لميت الطابلة وقفلت الباب قلت الصباح ونوض نغسل الماعن والمقالي عمبالي الوقت كامل يروح فيها ودرك نشوف البرنامج ونشوف واش نطبق منو ونكتب تطبيقاتي وشكرا

[نبض الفؤاد]

صباحكم فل وعنبر،مارقدتش البارح حتى كملت الورد وطليت يديا بالفازلين وادعيت بادعية النوم .....وهذا الصباح الحمدلله صلينا وراح الاولاد بديت بالفطور والان الى غرفة النوم
ممبعد نتلاقاو ان شاء الله.

[Minnnaaa]

تطبيقي لصباح اليوم كالتالي
الجانب الديني ,صلاة الفجر في وقتها وقريت الحزب الاول من سورة البقرة وادكار الصباح
الجانب الجمالي, غسلت وجهي بصابونتيclean end cleer وبروسيت اسناني وحطيت كريمة صباحية من نفس نوع الصابون وكحل خفيف وتوغبيون
الجانب التربوي,حتى للمساء مين يجي ولدي
الجانب التنظيفي ,اليوم بديت بالسالدوبان مادرتهاش لبارح بديت بالحيطان ولافابو والتوالات (حاشا السامين والقاريين )رشيتهم كامل بالنظاف وبلعت الباب ورحت لغرفة النوم رتبت السرير والمخايد ومسحت التابل دونوي والكوافيز وكنست الارضية ورحت لغرفة ولدي نفس الشي ورحت للمطبخ وجدت الفطور(مرقة بالجلبان+سلاطة)ومبعد عاودت وليت للسال دو بان درت القفازات واستعنا عالشقا بالله حكيت كامل الحيطان والارضية ونحيت الريدو ودرته في ازيس وجافيل bref
ومبع ششللت كلش بالما وزدت دوزيام كوش مسحت بالما والخل ولا الفايونس يبريي ومبعد مسحت كامل اللوازم نتاع الاستحمام والكريمات وو.,وومبعد مسحت المراة بالمنظف وهنا كانت الساعقةلما انعكست صورتي على المراة قلت "شكون هاد المونستخ اللي راه قدامي"؟
مبعد تفكرت دعاء النظر للمراة وقلت "اللهم كما حسنت خلقي حسن خلقي"
ومبعد رحت للماشين الافي درتلها تحميمة هاديك هي ورديتها لبلاصتها ونشفت الارضية ,وبين الفينة والاخرى نضرب طلة على بنتي ونلون معاها ثم نهربلها للسالدوبان
وكي كملت كلش ومسحت الارضية سمعت العياط والبكا شكون في ميزكم؟ الا مشي بنتي
خرجت مالسالدوبان نجري لقيت لا شومغ اكوشي تبكي وتعيط قاتلي "ما حقش عليك اليوم نوبتي وما نقيتينيش "ولا"الزرقة تحمم والبيضة تشد الرزم؟"( السالدوبان نتاعي لونها وكلش فيها ازرق)ايا قعدت نسكت فيها قلتلها "انتي راني ناوية انقيك غدوة ان شاء الله وغرفة المعيشة نخليها نهار تنظيف الصالون puisqueعندي غير وحدة منها صالة منها بيت القعاد وقلت لشومبرتي جبتلك ربي ما تخبريش راهم لوكان يفيقو بيا لبنات ياليمينوني مالدورة ويقولو هادي راها مخلطة كلشي بصح الله غالب والله غير نموت على النظافة ونفرط في عينيا ومانفرطش فيهم" ايا كي شافتني نبكي قاتلي "سايي ماعليش المهم نكونو نقيين وسايي كي ليوم كي غدوة"
واش عجبكم الحال ؟انا ريحة النضاف دوختني فيبالي....
مبعد رحت حطيت الفطور فطرنا وغسلت الماعين وصليت الظهر وقلت نجي نكتب التطبيق نتاعي ونطل على حبابي وحباب قلبي

[Minnnaaa]

حبيبتي اتس مي وصلتني رسالتك ورديت عليك وجاوبتك على سؤالك بصح قالولي مانقدرش نردحتى نقفل1000مشاركة وانا راني عادا في 300 امالي زيدي قارعي حتى نقفل1000
هاهاها هوهوهوهيهيهي قلبي غادي يحبس مالضحك

[وفاء سعاد]

مساء الخير عليكم راني خلصت الكوزينة وسيقتها وعقبت على التلاجة والكونجيلاتور بالخفيف ودرت الدوش بصح بالازيس والخل فقط غدوة ندير نضاف ليه والمرحاض حاشاكم وسيقت الدار كامل ا والعشاء رايحة ندير شربة فريك مع الكسرة لانني صايمة ودرت بسبوسة للاولاد يشربو بيها الحليب وانا ايضا على خاطر الان نحب نفطر بالحليب ومباعد نتعشى وبالنسبة للولاد راهم كي يجيو نقريهم شوية الجانب الجمالي كاشمة في الليل ندير فازلين

[it's me]

wa3333333333333333333333
معليش رديلي هنا و لا روحي للدردشة يا مصيبة هههههههههههههههه

[sondse1]

حبيبتي ميوووووووشة العزيزة
واش راكي ان شاء الله بالف خير حنونة
والله مشاركتك ضحكتي و دخلت السرور في قلبي ربي يحفضك حنونة
راكي ماشاء الله عليك حنونة
ربي يوفقك حنونة

[sondse1]

حبيبتي نبض الفؤاد

ما حطيتيش التطبيق رح نقصلك من النقطة نتاعك ههههه

ننتظر تطبيقاتك حنونة
ربي يوفقك

[sondse1]

يمسيكم الله بالخير و السعادة
كيف احوالكم ان شاء الله بالف خير
اسمحولي ما طليتش عليكم و ما حطيتش التطبيق تناعي
ما ديرو في بالكم حبيباتي والو و الله ماني زعفانة بالعكس تلقيت النقد بصدر رحب وواسع
مي كانو عندي ضياف و مع التطبيق و زيد اللي يجي يحصل هنا هههههه
لبنات كل وحدة تحط واش راهي تطيب باه نستفادو اكثر

لي عودة ان شاء الله نحط تطبيقاتي للبارح و اليوم

[it's me]

المشاركة الأصلية كتبت بواسطة sondse1

يمسيكم الله بالخير و السعادة

كيف احوالكم ان شاء الله بالف خير
اسمحولي ما طليتش عليكم و ما حطيتش التطبيق تناعي
ما ديرو في بالكم حبيباتي والو و الله ماني زعفانة بالعكس تلقيت النقد بصدر رحب وواسع
مي كانو عندي ضياف و مع التطبيق و زيد اللي يجي يحصل هنا هههههه
لبنات كل وحدة تحط واش راهي تطيب باه نستفادو اكثر

لي عودة ان شاء الله نحط تطبيقاتي للبارح و اليوم

مساء النور استاذتنا
ماعليش صيبي راحتك
انا في الويكاند طيبت الحنيفيات و البسبوسة جاو ملاح خسارة ماعنديش كاميرا نصورلكم

[امجد14]

السلام عليكم يا فحلات
وا ش راكم ان شاء الله تكونو كااااااااااااااااامل بخير هذا تطبيقى
الحانب الدينى تما م تمام
الجانب التنضيفى نقيت غرفة نومى و نزلت لطابق الاول نقيتو كاااامل
الجانب الجمالى ترطيب اليدين و عملت الخمارة لوجهى مع الحليب لتوحيد لون البشرة و اعتنبت بمضهر بناتى
الجانب التربوى راقبت دفاتر الاولاد الحمد لله منضمين
الجانب التحدى اليوم نهار كاااااامل ما ارتفعش صوتى وما سمعنيش الجيران هههههههههههههه
الجانب الصحى كليت شوية تمر مع الصباح لانى حاسة بهبوط و جسمى تعبان
ان شاء الله ربى يوفقنا فى امان الله

[it's me]

حبيت نقولكم على واحد المقشر طبيعي جربتو و نتيجتو هايلة من اول استعمال
كي تكوني خارجةمن الدوش احكمي السكر و حكي بيه وجهك حتى يذوب بحركة دائرية
و كي تكملي و تنشفي روحك ديري لاقلاص على وجهك بنفس الطريقة

[فراشات العمر]

البارح ماقريتش وسيقت الكوزينة والهول مسحت الماشينة لافي بعد ما غسلت القش زدت الثلاجة والكوشى ولادي عشيتهم سباقيتي واحنا قلينا البيض زدت بكيت على ابي الله يرحمو رحت البارح للقبر نتاعو مع خواتاتي وخاوتي
حسيت بلارتعاش طول الليل وانا نرجف في الصباح صليت الفجر وليت رقدت السخانة طالعة حتى وليت نازع مانضنش من الفراش جات ماما واختي هوما لي فامو بالاعمال اكل شربت الدواء باه قدرت النوض هذا وين صليت الظهر دارولي شربة عدس وراحو ماما ماوالت في العدة ابي مات في رمضان لي فات

[it's me]

المشاركة الأصلية كتبت بواسطة bant khlil

البارح ماقريتش وسيقت الكوزينة والهول مسحت الماشينة لافي بعد ما غسلت القش زدت الثلاجة والكوشى ولادي عشيتهم سباقيتي واحنا قلينا البيض زدت بكيت على ابي الله يرحمو رحت البارح للقبر نتاعو مع خواتاتي وخاوتي
حسيت بلارتعاش طول الليل وانا نرجف في الصباح صليت الفجر وليت رقدت السخانة طالعة حتى وليت نازع مانضنش من الفراش جات ماما واختي هوما لي فامو بالاعمال اكل شربت الدواء باه قدرت النوض هذا وين صليت الظهر دارولي شربة عدس وراحو ماما ماوالت في العدة ابي مات في رمضان لي فات

ربي يشفيك حبيبتي و يرحم ابوك و يصبركم على فراقو