خبيزة بالطون والفروماج من مطبخي روعة

[ninafret]

السلام عليكم نقدملكم خبيزة عملتها وعجبتهم كل يوم يقولولي ديريهالنا لانها فعلا لذيذة جدا وماتاخدش وقت ممكن اقل من ساعة بين التحضير والطياب والعجينة ساهلة وغير مكلفة ومقاديرها مضبوطة ومضمونة 100/100

ملاحظة هاذ المقادير تعملك خبيزو واحدة اللي متكونة من 2قرصات

العجينة


في صحن غامق حطي كاس اينوكس معمر حليب دافئ+مغرف كبيرة خميرة الخبز+مغرف كبيرة سكر+فنجان معمر زيت عادي +ملح قيس 2قرصات خلطي الكل بفرشيطة وزيدي نصف كاس فرينة وخلطي مليح خلي الخليط5د وزيدي الفرينة مع الخلط بملعقة خشب حتى تتحصلي على عجينة لينة وتلصق شوية في اليدين ادهنيها بالزيت وغطيها بكيس وخليها تتخمر 20د الكيس يساعد في التخمير












في هذا الوقت قطعي حبة كبيرة بصل مربعات صغيرة وقليها في الزيت مع شوية ملح




في هذا الوقت اغسلي 2حبات كبار ولا4صغار طماطم واعصريهم من الزريعة وزيديلهم نصف ملعقة كبيرة طماطم مصبرة+شوية توم+ملح+ملعقة كبيرة سكر وقلي الكل حتى يطيب الخليط طفي عليه




وزيدي 5حبات زيتون اخضر مغسول ومقطع صغير+علبة طون نتاع الطماطم+50غ فروماج طري انا دائما نستعمل باربار خلطي الكل مع بعض




كي تتخمر العجينة قسميها على 2 بلا ماتعاودي تعجنيها وحلي الاولى بالفرينة لانها تلصق شوية
حطيها في مول مدهون بالزبدة وصبي فوقها خليط الطماطم والطون اللي تخلي منو قيس 3ملاعق كبار للوجه
حطي قطع من 50غ فروماج اللي بقاتلك وزيدي فوقها 2بيضات مغليين في الماء ومبروشين







حلي القرصة الثانية وحطيها فوق الحشو واغلقي مليح الجوانب بيدك





ثقبي العجينة بالفرشيطة ودخليها مباشرة لفرن ساخن جدا من فوق حتى تنشف وتولي ذهبية اللون




خرجيها وادهني باقي الحشو على الوجه ورديها للفرن من فوق وتحت حتى تحمار من تحت






زينيها بدبشة مقطعة ولا حسب الرغبة



وهاذي عملتها بنفس الطريقة لكن في بلاصة الطون حطيت دجاج طايب ومفتت وجات امممممممم روعة وممكن حتى تعمليها باللحم المفروم اكيد راح تجي الذ










وهذا شكلها بعد التقطيع





اقرب





يلا يا الشاطرات جربوها ساهلة ماهلة ومافيهاش تعب والذوق روعة راني بانتظار تطبيقاتكم

[ام ملاك.]

روعة عجبتني بزاف صحيتي

[ام فريال]

شكرا اختي على الوصفة باينة تشهي

[أم ياسين الزهراء]

اممممممممممممممممم تشهي يعطيك الصحة

[ام ساجد]

يعطيك الف عافية راكي شاطرة صح لزوجك راكي مشيخات تصنفي وتحطي ربي يبارك فيك ويرزقك بالذرية الصالحة امين واحلى تقييم

[mamia]

روعة

بارك الله فيك

[أم أبوبكر]

خرجت هايلة الله يبارك فيك

[linat]

بارك الله فيك

[*عاشقة الجنة*]

مشاء الله الطياب تاعك رووووووووعة

ربي يبارك

يعطيك الصحة حبيبتي

[الأمنيات]

[it's me]

bayna bninaaaaa yummyyyy

[ام مريومة]

امممممم هايلة يعطيك الصحة

[الخامسية]

راهي هايلة هايلة كيما قال بوبقرة ربي يرحمه.

[ninafret]

المشاركة الأصلية كتبت بواسطة ام ساجد

يعطيك الف عافية راكي شاطرة صح لزوجك راكي مشيخات تصنفي وتحطي ربي يبارك فيك ويرزقك بالذرية الصالحة امين واحلى تقييم

ربي يحفظك اختي العزيزة وربي يعطيك ماتتمناي لانك دعيتيلي بالذرية

[ninafret]

المشاركة الأصلية كتبت بواسطة الخامسية

راهي هايلة هايلة كيما قال بوبقرة ربي يرحمه.

ههههههههههههههههههههههههه قتلتيني نمن الضحك كي فكرتيني في بوبقرة ربي يرحمو
الف شكر على المرور