حدث هذا اليوم ......جزاء ســـارق في الجلفة (خاص جدا )

z.abdo · 2012-10-09, 21:38

السلام عليكم ورحمة الله

نحن نعرف جزاء السارق في قانون الجزائر ونعرف أنه بعدها يصدر حكم ويطلق صراحه ........ احكي لكم ما حدث اليوم في أحد بلديات

الجلفة في سوقها الأسبوعي للمواشي وهو أكبر سوق في الجزائر لبيع الأغنام

بعد أن باع موال أغنامه في السوق بمبلغ 40 مليون ووضع نص المبلغ في جيبه اليمين والأخر وفي اليسار وكان أحد اللصوص يلاحظه

وتبع السارق هذا الموال وأدخل يده في جيب الموال واخذ المبلغ الذي في الجيب دون أن يشعر الموال وذهب إلى أصدقائه في سيارتهم

ووضع المبلغ هناك بعدها رجع للسوق طمعا في البلغ الثاني و بحث عن الموال وبالكاد أن وجده لكبر السوق

وادخل يده مرة ثانية في جيب الموال لكنها لم تكن مثل الأولى حيث أمسك الموال بيد السارق وهو في حالة تلبس والمال بيده

وطرحه ارضا وطبعا الموال كان معه أصدقائه وأقربائه وأشبعهو ضربا لو أقول ضرب مبرحا أظنه لا يكفي

وبعدها سألوه أين المبلغ الأول الذي سرقته ؟؟؟؟؟؟؟ ويستمرو بالضرب حتى أنه لم يستطع أن أن يرجع أنفاسه

وبعدها تدخل بعض من أفراد الشرطة ليحمو السارق لكن إنفعال الموالين وغضبهم من السارق أقوى من الشرطة وتخاصمو مع الشرطة

وظربو أحد الشرطة لا ادري أنه جرح فقط أو تعرض لكسر وهذا حسب راوي القصة

لكن الموالين لم يعطو السارق للشرطة وطلبو المبلغ مقابل السارق حتى ضمنو الشرطة للموال أنهم سيرجعو له المبلغ

بعدها سلمو السارق للشرطة بعد (طريحة نتاع كلاب ) والدماء تسيل من السارق

ياريت جميع اللصوص يعاملو بهذه الطريقة في الأسواق حتى يكونو عبرة لبعضهم

وطبعا حكم الشرع في هذه القضية وهي قطع اليد وهي الأحسن لأن نعرف ان السارق بعدها يخرج ويرجع للسرقة مرة أخرى

وطريقة ظرب الللصوص بعد القبض عليهم هنا في أسواق الجلفة تحدث كثيرا ومنم حتى من توفي بأثر الضرب

ليكون عبرة للآخرين .

والسلام عليكم ورحمة الله

بعد أن رأيت إختلاف كبير في وجهات النظر أظفت إستطلاع للموضوع

الرجاء عدم نقل الموضوع لقسم آخر لأنه يعالج قضية في مجتمعنا وليس عبارة عن خبر فقط وجزاكم الله كل خير

soha1987 · 2012-10-09, 21:51

انا من عندي يستاهل وكون كل سراق يشبع طريحة كيما هادي والله مايزيد يسرق وياريت كل واحد يحكم سراق يسرق يشبعو طريحة نتاع الكلاب هههههههههههه بالاك يترباو لانو الحبس زاد فرعنهم والله زمان العجب المحبوس عايش حياة فالحبس وحبوه يتربا المهم رجال الجلفة راهم رجال تاع الصح تحية مني اليهم

السي محمد · 2012-10-09, 22:18

مليح ليه يستاهل اكثر

SOUSOU. DZ · 2012-10-09, 22:20

السلام عليكم ورحمة الله

قبل ان ارد على الموضوع واش رحت دير في سوق ولا اكيييييييد كبش العيد اه قبظتك ههههه

والله احتراف تاع الصح سرقا تاع هدا زمان يسرقو لي فوقك ولي تحتك ومايفيقوش مي هدا اموال قافز كي حكمو ............ ويستاهل كي عطاولو طريحات باسكز والله شرطة تاع زمان هدا ناس تموت وتحيا وناس تسرق وتنهب وهوما مزال مايلحقو وصرات في لاسيتي ديالنا مظاربة بالموس بين عصابة وعايلة دخلت عليهم العصابة هادي وتاني فيها نساء وبنات جارنا عيط للشرطة قالول مناش لاهين دوكا والله بعد ما دنيا تخلطت و دخلت في بعضاها وجاو رجال وسلكو و و و و ووانا راني نطل من طاقة يعني كلشي قدامي ............ وقتلك كي كملت الفوضى وناس كامل راحو ونساء داوهم لسبيطار باسكو ضربهم ............ جات ديك الشرطة وزعما تسوني واش قالو .... في رايك ......... قالو رانا سمععنا هناصرات مناقرة وين راها ....... والله واحد برودة فيهم ماتتوصفش............... وقيل خرجت على الموضوع ...... مي والله عجبني موال وصحابو كي مامدوش سراق ............... ربي يهدي مابقاش لامان ياخويا .. عبدو ................. اسفة على اطالة وجزاك

fares rog · 2012-10-09, 22:30

انا عندي واحد سرق على خاطر ملحقش روحوا .... بصح باه تضربوه هذا ابن ادم ، تم تم الضرب علاه مكاش قانون رانا في غابة ؟
ديجا في تضربوه هاذي يتسمى انتقام ، والانتقام يعاقب عليه القانون الجزائري كي نولو نحكو بالقانون .
علاه ماتشدوهش ودوه للسنترال خير ما تضربوه . ياك حنا عباد ولا لا لا ؟

السي محمد · 2012-10-09, 23:23

اقتباس:

المشاركة الأصلية كتبت بواسطة fares rog

انا عندي واحد سرق على خاطر ملحقش روحوا .... بصح باه تضربوه هذا ابن ادم ، تم تم الضرب علاه مكاش قانون رانا في غابة ؟
ديجا في تضربوه هاذي يتسمى انتقام ، والانتقام يعاقب عليه القانون الجزائري كي نولو نحكو بالقانون .
علاه ماتشدوهش ودوه للسنترال خير ما تضربوه . ياك حنا عباد ولا لا لا ؟

قوانين طاب جنانو اثبتت فشلها في توفير الامن للمواطن الجزائري

لهذا يجب تطبيق الاحكام العرفية على كل من يخطئ

حين تغيب الدولة يبتدع المجتمع قانون خاص به

soso sirin · 2012-10-09, 23:42

هو صح يستاهل الضرب مي علاه هذا كامل والله من الشي الي حكيتو راهم قتلوه . السرقة حرام علابانا مي الواحد تاني يرحم الناس و زاد على واش راهم يبيعو راهم يستاهلو السرقة راهم باغيين يكلبو هوما تاني راهم يسرقو الشعب مي بطريقة غير مباشرة و السارق سرقو نيشان.واش نقلك ربي يهدينا ان شاء الله مي باه الواحد يوصل للضرب الي ممكن حتى يموت والله حرام .

الواثق · 2012-10-09, 23:52

اظنك تقصد سوقنا الاسبوعي هذاك الحرب صايرة فيه وهناك من هو مسلح بالكلاشنكوف والمسدسات واقصد الموالين التابعين للكورنال بن شريف...............وكما قلت اخي السارق اذا حكموه مايخلوش عظم فيه .....................انا لي غايضني في السوق ان البلدية لم تعطي حقة ولم تهيئه وتركته مفتوحا لكل شيء والاف رؤوس الماشية من النوعية الممتازة تهرب من هناك الى الدول الاخرى ...................كما ان اكبر مذبح في الجزائر هو يبنى بقربه ارجو ان يفتح مجالا لعمل الشباب ويخلوهم من السرقة

والله المستعان

مباركة 1961 · 2012-10-10, 05:51

سلام....
هذا السراق كرشو كبيرة ماكفاهش النصف ...يستاهل

ولو انى لااحب مثل هذه التصرفات.....اى اجتماع مجموعة على واحد ..
كان الموال ضرب وحده السارق يكفى ..لماذا اتلموا الكل عليه ...هل هو رمبو

خولة لبابة · 2012-10-10, 05:52

واقع مؤسف فعلا............ايه لو وفرت الدولة مناصب الشغل للشباب ربما لما اضطروا للسرقة........و للأسف الشرطة لا تقوم بعملها على اكمل وجه.........نعم في الشرع حكم السارق قطع اليد............لكن في حياتي كلها لم أسمع أنه طبق هذا الحكم............اللهم اهدي اخواننا الى ما هو خير.............
على فكرة..........أبي ايضا ذهب الى سوق........لكن ليس في ولايتنا.......ولاية اخرى .....و هم عرب.........تعجب كثيرا من اسواقكم.......قال أنها كبيرة جدا..........

أَحمــد · 2012-10-10, 07:02

هذه علامة مسجلة لسوق الغنم (الاثنين)

إذا قُبض على السارق في هذا السوق فسينال جزاؤه ولا تتدخل الشرطة

يتشجع اللصوص بالمغامرة لأن الغنيمة حتما ستكون كبيرة ومصروف سنة بأكماها

لكن إن حدث وأُنتبه له فستدوي في كل مكان عبارة "سارق, سارق" ويستعد كل من في السوق للقبض عليه

واذا وقع في أيديهم ...........فلا أُكمل احتراما لمشاعركم

مريم الصابرة · 2012-10-10, 09:29

الصراحة خويا هذو رجال ونستعرف بيهم انا مرانيش غالطة كي راني جابة نروح نسكن فالجلفة هههههه من المفروض هذي هي خويا لو نتبعو الشرع السارق تتقطع يدو لكن واش تقول في بلاد كلها سراقين حاشا اللي ما يستهلهاش انا نحي الجلفاويين صح رجال الله يبارك شكرا

نسائم الصباح · 2012-10-10, 10:11

لو كان حكمنا إسلامين لما تصرف الموالون بهذه الطريقة ،لاتركوا الحكم للقاضي
بصح كيعاد السراق يسرق ويمرح والقانون ميعقبوش كما ينبغي .يستاهل وش حصلوا .والضرب وقليل عليه

اللهم وحفظنا وحفظ أموالنا وأهلينا وأولادنا من كل سوء

شكرا أخي على الموضوع

fares rog · 2012-10-10, 10:16

اقتباس:

المشاركة الأصلية كتبت بواسطة السي محمد

قوانين طاب جنانو اثبتت فشلها في توفير الامن للمواطن الجزائري

لهذا يجب تطبيق الاحكام العرفية على كل من يخطئ

حين تغيب الدولة يبتدع المجتمع قانون خاص به

---------------------------------------------------------------------
;هههههههه والله العظيم غير ضحكتني هههههههههههههههههههه .
ايا مالا والله العظيم غير لو كان هذا الشخص يدير محامي .... صح هو يدخل للحبس بصح يخرجها فيكم طول وعرض .
مكاش القانون والشعب يبدع قانونه اخاص ههههههههههه ........ ياو القانون يطبق عليك نتايا . غير ماتكسرش راسك .

fares rog · 2012-10-10, 10:19

اقتباس:

المشاركة الأصلية كتبت بواسطة مباركة 1961

سلام....

هذا السراق كرشو كبيرة ماكفاهش النصف ...يستاهل

ولو انى لااحب مثل هذه التصرفات.....اى اجتماع مجموعة على واحد ..
كان الموال ضرب وحده السارق يكفى ..لماذا اتلموا الكل عليه ...هل هو رمبو

---------------------------------------------------------------
ردة فعلك عادية من طرف أستاذة ... نتوما الأستاذة ذراري الصغار في الابتدائية نهار كامل تضربوا فيهم حتى درتونا عقدة .
كيفاه سراق رايحة ترحميه .. وأطفال صغار أمانة من عند ربي نهار كامل تضربوا فيهم أكثر من الراعي الذي يضرب الغنم !!!

مشاهدة نتائج الإستطلاع: هل توافق أخي على ضرب السارق في السوق او نتركه لحكم العدالة التي ستطلق سراحه بعفو شامل ؟؟
نعــــــــــم	34	87.18%
لا	5	12.82%
المصوتون: 39. أنت لم تصوت في هذا الإستطلاع