تجربتي مع البريوش و البيتزا

serine.fly · 2012-03-14, 22:01

منذ أن جربت هذه الطريقة في تحضير البيتزا لم أغيرها أبدا لأنها تعطي نتيجة رائعة من حيث الطعم والهشاشة والخفة، أردت أن تجربوها وتوفقوا:

طريقة التحضير:

خذي كأس" أنا أستعمل UN BOL DE LAIT" من الحليب الدافي أضيفي له كأس من الزيت وحبة بيض كاملة وكأس من الماء الدافي وملعقة كبيرة من الحليب غبرة Lait en poudre، وملح ثم أخلطي السوائل بضراب يدوي حتى تتشكل رغوة ، ثم خذي ملعقة كبيرة ونصف خميرة الخبز " حسب مقدار الفرينة الذي ستتطلبه العجينة " ذوبيها في كأس به حليب دافي مع قليل من السكر وملعقة من الفرينة واتركيها حتى تتضاعف، ثم أضيفيها الى خليط السوائل السابق وضربي شوية وبعدها أضيفي الفرينة تدريجيا مع نصف paquet de la levure chimique حتى تتحصلي على عجينة طرية اخدميها شوية اذا حبيتي، ثم اتركيها تتخمر في مكان دافي حتى تتضاعف.
حضري الصلصة اللي تحبيها مع la garniture للتزيين ، ثم حلي العجينة في صنية وضعي عليها الصلصة وادخليها في فرن ساااخن " أنا أشغل الفرن والشواية معا " لمدة قليلة حتى تنضج، ثم زينيها وقدميها،

بالصحة والهنا،

جسور المحبة · 2012-03-14, 22:08

الله يبارك هايلة يعطيك الصحة

الصوامعية · 2012-03-14, 22:10

ماشاء الله يعطيك الصحة

serine.fly · 2012-03-14, 22:15

أما البريوش فكانت النتيجة اللي راهي قدامكم ،،،،،،، ان شاء الله راح نقوللكم على طريقتي وهي ساهلة بززززاف

faizarbh · 2012-03-14, 22:17

الله يبارك بزاف هايلين يعطيك الصحة ممكن الوصفة الخاصة بالبريوش

ام الخير2012 · 2012-03-15, 00:23

مشكووووووووووووووورة

remadna · 2012-03-15, 08:09

الله يبارك
بالصحة و الهناء

mimicha1977 · 2012-03-15, 08:49

ماشاء الله تشهى تسلم يدك

بشرى2008 · 2012-03-15, 09:04

رووووووووووووووووووووعة

my lamis · 2012-03-15, 11:36

يطيك الصحة روووووووووووعة و البيتزا شهاتني
بالصحة على قلوبكم و مشكورة على الوصفة الرائعة

*ام رامي* · 2012-03-15, 14:12

الله يبارك
رووووووعة
يعطيك الصحة

serine.fly · 2012-03-16, 00:52

ســـــــــــــــــــــــــــــــــــــــــــــــــ ـــلام

هذه الطريقة اللي نتبعها في تحضير البريوش:
خذي 3 حبات بيض كاملة أضيفي لها كأس سكر عادي وكأس زيت ( جربتها بالزبدة و مرة بالسمن فلم تكن النتيجة مرضية ) وكأس حليب دافي مع ملعقتي أكل حليب غبرة، وطبعا الملح ثم أخلطي الكل جيدا (أنا أضيف قلييييل من الزعفران )، بعدها ضعي في اناء اخر قليل من السكر و2 ملاعق كبار خميرة الخبز وملعقة كبيرة فرينة وفرغي الماء الدافي وخليها حتى تتخمر، بعدها أضيفيها الى خليط البيض السابق،
خذي الفرينة وغربليها (تقريبا 1كغ أو أقل حسب الحاجة ) واضيفي بالشوية للخليط وقبل أن تصبح عجينة أضيفي نصف كيس خمارة الحلويات,
أتركي العجينة تتضاعف في مكان دافي ورطب، بعدها أفرغي العجينة من الهواء وابدئي بتشكيل حبات قد حبة البيض وحطي بداخلها الشوكولا وشكليها جيدا وحطيها في صنية مرشوشة بالفرينة، كي تكملي آخر حبة تكون الحبات الأولى تنفخت، خذي مقص المطبخ واقطعي الحبات باتجاهين متعاكسين ثم ادهني بصفر البيض مع شوية سكر وكاكاو، ورشي الوجه بالجلجلان,
حطيها في فرن ساخن مسبقا حتى تنضج وتدي اللون اللي تحبيه ذهبي او بني ,,,,,
بالصحة والهنا للجميع,

serine.fly · 2012-03-16, 01:12

في عيد ميلاد أختي ، حضرت هذه التارت وأخذت الوصفة من إحدى الاخوات في المنتدى، جزاها الله خيرا ، وكانت الوصفة رائعة والنتيجة راهي في الصور::::::

remadna · 2012-03-16, 10:20

اقتباس:

المشاركة الأصلية كتبت بواسطة serine.fly

في عيد ميلاد أختي ، حضرت هذه التارت وأخذت الوصفة من إحدى الاخوات في المنتدى، جزاها الله خيرا ، وكانت الوصفة رائعة والنتيجة راهي في الصور::::::

الله يبارك
تشهي
بالصحة و الهناء
و عيد ميلاد سعيد لأختك

wafaa oranaise · 2012-09-29, 00:30

hayla allah ybarek