وصفات حلوياتي لكل من طلبت ذلك

الوهرانية 1 · 2012-08-23, 16:54

نظرا لطلبات الاخوات الكريمات لوصفات حلوياتي جبت ليكم اليو مالشرح المفصل لكل حلوى نتمنى تستفادو منهم
الحلويات موجودة هنا
https://www.djelfa.info/vb/showthread.php?t=1067396
****************1*****************نبدا بالتشاراك

الوصفة موجودة هنا
https://www.djelfa.info/vb/showthread.php?t=1064387
في هاد العيد غيرت لون القلاصاج درته نسكافي وهدا شكل الحبة من الداخل

************2**************القريوش فيهاد الرابط
https://www.djelfa.info/vb/showthread...9#post12454529
الصابلي

المقادير / 500غ زبدة مرهم – 500 سكر – 5بيض – 2 خمارة – قشور ليمون –فرينة حسب الحاجة مربى
طريقة التحضير / في قصعة صغيرة نضع الزبدة والسكر ونخلط جيدا حتى يذوب السكر ثم اضيفي البيض وقشور الليمون ثم خلطي مليح واضيفي الفرينة حتى تتحصلي على عجينة طرية حليها بالرولي بالطابع الخاص بالصابلي وحطيها في الفرن وعندما تتنضج لصقيها بالمربى وممكن ترشيها بالسكر قلاصي

*******************4**********************الحلقومة

المقادير – 4 بيض – رطل فرينة-كاس متوسط سكر – كيس خمارة -1 فاني -250زبدة طرية
التحضير / الزبدة + السكر والفاني نخلط حتى يدوب السكر + البيض + الفرينة والخمارة تدريجيا حتى نتحصل على عجينة طرية
-نشكلها كريات صغيرة في كرة كرة نضع قطعةحلقومة صغيرة ونعيد تكوير الحبة
-نضرب بياض البيض كالثلج نمرر الحبه فيه ثم في النواد كوكو
- نضعها في صنية والى الفرن
لمل تطيب نطليها بالمربى ونرمدها مرة اخرى في النواد كوكو ونزينها بالنصف حبة كرز ***سوغيز ***
نضعها في صحون ورقية
وهدا شكلها من الداخل

***********************5********************Les bananes

250غ زبدة طرية - 3ملاعق زيت 3 ملاعق سكر قلاصي - ملاعق ماء
بارد جدا - 3 ملاعق عطر الموز – كيس خميرة
الحشو / مربى / نواد كوكو / عطر موز
الكلاصاج /2 بياض بيضة - سكر رطب- ملون اصفر – قطرات من عطر الموز
طريقة التحضير / نضع الزبدة والسكر نخلطهم باليد جيدا ثم نضيف الزيت ثم الما عطر الموز ثم الفرينة تدريجيا حتى تتماسك العجينة ويجب ان تبقى طرية نضها في كيس بلاستيكي ترتاح
لتحضير الحبات نبسط العجينة حتى تصبح رقيقة نوعا ما نقطها دوائر نملا الدوائر بالحشو ثم نغلقهم على شكل هلال نضغط على الحواف جيدا نضعها في صنية
بعد ما يطيبو نطليهم بالكلاصاج الاصفر ولما تجف نزينها بالشوكولا نحطو الطرفين في الشوكولا ونضع في الوسط خطوط بواسطة كيس
وهدا شكلها من الداخل

********************6**********************طبقة فوق طبقة

المقادير /350غ فرينة -3 مغارف سكر قلاصي- 125 زبدة دايبة – 2 بيض- 1كيس خميرة – ملعقة كبيرة خمارة خبز – قرصة ملح - مربى مشمش – شكولا –
طريقة التحضير / نضع الفرينة ثم السكر والملح نخلط ميلح المواد الجافة نضع عليها الزبدة الدايبة والفاني ونخلط ايضا ثم نضيف الخميرة ثم الخمارة المدابة في الحليب ونخلط ثم نلمها بالبيض حتى نتحصل على عجينة طرية نقسها على ثلاث كرات متساوية نبسط الاولى بالحلال او الرولو ونضعها في صينية نضع فوقها المربى ثم العجينة الثانية نحلها ونضعها فوق المربى ونضع فوقها المربة ثم العجينة الثالثة نتقبها بالشوكة وندخلها الفرن ولما تطيب من تحت ونشوفو الحواشي تع الصنية بدات تحمار نشعل من فوق
نخرجها تبرد ونحط فوقها الشوكولا ونزينها حسب الرغبة عندما تجف الشوكولا نقطها مربعات ونحطها في اكياس ورقية
وهناك ديكور راقي لهاد الحلوى نعتمد عليه في المناسبات السعيدة وهو تقطيع الحلوى مربعات قبل ما نديرولها الشوكولا
ثم نغلف كل حبة وحدها بالشوكولا والورود والخطوط البيضاء كيها في الصورة

وهاهو شكله في لكيسات

**************************7******************** السليلات

هلد الحلوى ساهلة وتحمر الوجه واقتصادية
المقادير / 3 كيلات فرينة – كيلة زبدة ذايبة- شوية ملح – شوية ماء ماتكثريش باش تجمعي العجينة فقط
-بسطي العجينة بالرولو ثم قطعيها دوائر ثم حطيها في قوالب حديد صغيرة محفورة وسويها بيديك حتى تاخد الشكل
بالنسبة ليدين السلة ديري حربول طويل ورقيق واقطعيه حوالي 7 سم ثم شكليه مثل بالفرنسية
U
طيبي القوالب واليدين طبعا حطيهم في صنية
خرجيهم وعسليهم بعد ربع ساعة
حضري الحشو عبارة على كيلة كوكاو مرحي غليظ شوية كيلة ديول مقلي ومفتت نص كيلة حلوى الترك وجمعيهم بالعسل
عمري بيهم السليلات وحطي اليد بلطف وزيني بالورود والاوراق موجودة بالمحلات كيس تع 15 او 20 دينار
ملاحظة / العجينة لازم تكون رقيقة كيما تع البقلاوة
***********************8********************** الملفوف

الصراحة تقال اول مرة نجربها في هاد العيد وهي للاخت حفيظة 42 الله يحفظها
لكن انا غيرت وقطعتها طويلة وزينتها بحبيبات الشوكولا البيضاءوالسوداء
وهاهو شكلها من الداخل

الوصفة موجودة في هدا الرابط
https://www.djelfa.info/vb/showthread.php?t=695426
*************************9************************ حلوى بلا طياب

سهلة واقتصادية
2 كيلات بيمو مطحون نخلطوح بالعسل والزبدة وممكن تحطي ملعقة كاكا ادا كنتي من عشاق الشوكولا هادي الطبقة الاولى
كيلة ونص نواد كوكو مخلطة مع نص كيلة كوكاو ابيض وشوية فاني نطحنوهم ونخلطوهم بالمربى المشمش هادي هي الطبقة الثانية
ثم نذين الشوكولا البيضاء ونضعها من الفوق كطبقة ثالثة وعندما تجف قليلا زينيها بخطوط بواسطة سكين
*****************10************************المخبز انا درته بكوكاو ابيض بتكهة اللوز

250غ كوكاو ابيض مطحون ناعم
200غ سكر ناعم
م ص فنيليا
م كبيرة قشورالحامض
بيضة او اثنين على حسب الكمية اللازمة ليصبح الخليط عجينة
طريقة التحضير:
نخلط المقادير كلها حتى نتحصل على عجينة قاصحة شوية
نحلها بالرولو ونطبعها حسب الرغبة انا درتها قلب ومن بعد ما تطيب ندرولها القلاصاج

نتمنى انني وفقت ودائما نقول لاخواتي انا في الخدمة وانشاء الله تجربوها في مناسبات سعيدة والله والله يدوم افراح الجميع

omrami · 2012-08-23, 17:34

baraka alaho fik okhti
kol 3a wantom bkhir

nournour59 · 2012-08-23, 18:13

مرسي اختي

الصوامعية · 2012-08-23, 18:21

شكرا جزيلا عزيزتي ربي يحفظك
جعلها الله في ميزان حسناتك سلامي لناس وهران كامل

زرابة · 2012-08-23, 18:39

الصابلي من فضلك

الوهرانية 1 · 2012-08-23, 19:47

اقتباس:

المشاركة الأصلية كتبت بواسطة زرابة

الصابلي من فضلك

راني كتبته ليك اختي الحلوى رقم 3
وهاهي المقادير
المقادير / 500غ زبدة مرهم – 500 سكر – 5بيض – 2 خمارة – قشور ليمون –فرينة حسب الحاجة مربى
طريقة التحضير / في قصعة صغيرة نضع الزبدة والسكر ونخلط جيدا حتى يذوب السكر ثم اضيفي البيض وقشور الليمون ثم خلطي مليح واضيفي الفرينة حتى تتحصلي على عجينة طرية حليها بالرولي بالطابع الخاص بالصابلي وحطيها في الفرن وعندما تتنضج لصقيها بالمربى وممكن ترشيها بالسكر قلاصي