الزواج التقليدي و سؤال يحيرني

[amokrane_malik]

المشاركة الأصلية كتبت بواسطة miwake

اخي في الواقع الامور ليس بهده البساطة

فالعائلة لاتعبر دائما على افرادها بمعنى هناك اولياء قاريين و مرببن و متخلقين لكن اولادهم عكس ذللك


و نجد العكس هناك العيديد من الفتيات متربيات لكن عائلتها او ابوها او اخوها له سمعة سيئة

بالعكس أخي أنا أرى أنه البحث المرضي عن التفاصيل هو من يعقدها (لا أقصد البحث الذي يجعل نفسيتك مطمئنة)

أما الحالة الأولى التي ذكرتها فمهما ابتعد أي فرد فانه يبقى يدور حول ثوابت العائلة فالذكاء يكمن فيك أن تعرف كيف تختار العائلة أما الدراسة فيكفيك أن تسأل عنها في هذا الموضوع بالذات

أما الحالة الثانية فمكتوبها عند ربي (كالأخرى) لكن على الأقل تكون قد اتخذت الأسباب


ما قلته أنت ليس خاطئ تماما ولكن عندي لك سؤال
أين هو الاحتمال الأكبر في صلاح البنت؟ في عائلة صالحة أو الطالحة
والعكس
أين هو الاحتمال الأكبر في فساد البنت؟ في عائلة الطالحة أو صالحة

أنا أرى أن منبت الصلاح معروف وكذلك منبت الفساد ولكن الخرجات الغير متوقعة غير ممكن التنبأ بها وكل هذا يدخل في باب الابتلاء وخير دليل فساد أبناء الأنبياء وصلاح أبناء الطغاة

ونقولك حاجة أخيرة.. التمثيل راهو موهبة وفن ومدرسة قائمة بذاتها.. الأيام والمعاشرة هي الكفيلة في تكشف الغطاء

[صالح القسنطيني]

السلام عليكم

حكمك على ذلك الزواج بأنه تقليدي و هو شرعي فغيره و إن كنت تسميه عصري فهو ليس بالشرعي

[amokrane_malik]

الى أحي miwake

بعد اضافتي للرد خطر ببالي واحد الفكرة

اتخيل أنك تعرف زوج مزارعين يزرعو الدلاع (ما تضحكش راني سيريو)

الأول معروف عنه أن الغلة تاعو مليحة بزاف لآنه يحافظ عليها منذ وضع بذرتها في الأرض الى غاية قطفها وانت تحير كيفاه يتهلى ويداوي فيها ويذود عنها الحشرات والحيونات

أما الثاني فمعروف عنه أن الغلة تاعو عيانة كل عام كيف كيف لآنه لا يحافظ عليها ولا يهتم لا ببذرتها ولا بقطفها وانت تحير كيفاه راهو سامح فيها لا دواء ولا سيدي زكري وغلته مرتع الحشرات والحيونات

وحبيت تشري الغلة تاع هاذ العام (ما تقوليش نطبع كل الغلة) عند من تروح؟؟
يستطيع أن يقول القائل: وما أدراك؟؟ لعل تصيب عند الثاني حبات خير من التي عند الأول ... وهذا وارد

لكن بربك قل لي ممن ستشتري غلتك؟

[amokrane_malik]

راني غير ننسى

واذا كنت أنت صالح و مول نية وصليت الاستخارة بخشوع فما يضرك ما أتى من بعد... فهو خير كله حتى لو تزوجت واكتشفت أنها من أفجر أهل الأرض.. صدقني

ثم اذا كنا نحن من بيدنا العصمة نخاف فما بال النساء اذا.. هي امالا ثاني لازم تخرج معاه وتقصر وتحوس حتى تطيح في وليد الفاميليا

ونقول ونعاود التمثيل راهو مدرسة و مواهب

[النجمة القطبية]

ولهذا وجدت فترة الخطوبة ليتعرف كل طرف على الطرف الاخر ويتفاهمو على اهم الامور فى المستقبل طبعا فى وجود الاهل والمحارم ممكن يشوفها ويدرس عقليتها لا مشكل
ثم اخى الزواج هو ارتباط بين عائلتين بمعنى الاصل الطيب والسمعة الحسنة اهم نقطة ثم يشوفوها الاهل ثم يشوفها هو وممكن يشوفها اكثر من مرة فى حضور المحارم لا شئ يمنع
صح الارتباك والخجل اول مرة لكن متقوليش سيستمر الارتباك ولن يستطيع رؤيتها
فكرتنى بتجربة خالى
انا خالى شفنالو بنت من العاصمة وراحو شافوها واهلها وافقو مباشرة وفرحو بينا
هو نهار راح يشوفها ورغم انها تكلمت هههه بصح من الحشمة رجع للدار وقالنا عجبتكم ما شفت والو ههه يعنى من الحياء لم ينظر لها اصلا
ورجعو قراو الفاتحة رغم ان خالى كان يشرط بزاف بصح شوف المكتوب حتى الشوفة مشافهاش وقرا الفاتحة
ودرك الحمد لله بعد ما قرا الفاتحة ودفع وكلش كتب ربى وشافها مرة اخرى نهار الشرط والحمد لله اقتنع وراهم متفاهمين وقريب العرس
حبيت نقول كل واحد ما يدى غير مكتوبو وكاين اللى يشوف خطيبتو الف مرة وتعجبو جمال وعقلية وبعد الزواج وكانو لم يعرفها فى حياتو وكاين العكس يشوفها مرة ويكون زواج ناجح
موفق

[النجمة القطبية]

المشاركة الأصلية كتبت بواسطة مريم الصابرة

السلام عليكم اخي هي كل واحد وعاداتو وكل منطقة وتفكيرها كاين يمنعو زيارة الخاطب وكاين نورمال الصراحة كنت مخطوبة وكان يجي خطيبي عندنا مع والدتو اكيد لكن نبقاو وحدناو نحكو وفالهاتف كنت نحكي معاه دايما لانو لازم نعرفو نعرف عقليتو
الآن ساخطب بعد العيد بأسبوع ولازم نحكي معاه نعرفو اختو او امو على راسي لكن راحا نعيش معاه هو ها راي الشخصي اما المظهر يا خويا كاين تزوجو بجميلة الجميلات ولقاو الفعايل نتاع وحوش كاين وكاين شكرا

الف مبروك مريومة
ونتمنى ربى يكمل
واذا كتب المكتوب متنسايش تعرضينا للعرس راكى قريبة انا صح منروحش للاعراس الا نادرا بصح عرسك نجي

[soso sirin]

الزواج والله غير مكتوب وكل واحد واش راه كاتبلو لانو ناس بزاف يتزوجو زواج تقليدي و كي يشوفها و تشوفو يحسو براحة نفسية كبيرة و يقولو ايه و بلا تخمام و يعيشو معيشة هايلة كلي يعرفو بعضاهم و ماتسمعش منهم كلمة انا مافهمتش عقليتو و لا عقليتها و كاين الي تريح تهدر معاه عشر سنين و يخطبها 5 سنين و في التالي بعد الزواج يقلك و تقلك انا مافهمتش عقليتو و بلاك يطلقو بعد 3شهر انت هاذي كيفاه تفسرها .الزواج مكتوب ماجا لا في الزين و لا في العقلية

[مريم الصابرة]

المشاركة الأصلية كتبت بواسطة النجمة القطبية

الف مبروك مريومة
ونتمنى ربى يكمل
واذا كتب المكتوب متنسايش تعرضينا للعرس راكى قريبة انا صح منروحش للاعراس الا نادرا بصح عرسك نجي

السلام عليكم اختي صحا فطورك اكيد راكي قريبة ليا وانا نهار نتزوج ندير عرسي فالستاد نعرض كل المنتدى واهااليهم كلهم كبار ولصغار ربي يخليك حنونة والعقوبة ليك شكرا صحا عيدك

[staifia]

كلشي على العقلية اما الجمال وحدو ما يوكل وما يشرب
رانا شفناهم جميلات و الخدمة ربي يجيب .....
في الوقت هدا قليل وين تلقا بنات الاصل لي يخافوا على رجالتهم و دارهم ,,, يعولو غير على خلاها
شكرا

[النجمة القطبية]

المشاركة الأصلية كتبت بواسطة مريم الصابرة

السلام عليكم اختي صحا فطورك اكيد راكي قريبة ليا وانا نهار نتزوج ندير عرسي فالستاد نعرض كل المنتدى واهااليهم كلهم كبار ولصغار ربي يخليك حنونة والعقوبة ليك شكرا صحا عيدك

لالا الستاد منجيش حنونة عمرى ما دخلتو ضحكتينى يا طفلة
اعرضى شوي بنات مناش بزاف هذاك هو الصح
موفقة

[السي محمد]

المشاركة الأصلية كتبت بواسطة soso sirin

الزواج والله غير مكتوب وكل واحد واش راه كاتبلو لانو ناس بزاف يتزوجو زواج تقليدي و كي يشوفها و تشوفو يحسو براحة نفسية كبيرة و يقولو ايه و بلا تخمام و يعيشو معيشة هايلة كلي يعرفو بعضاهم و ماتسمعش منهم كلمة انا مافهمتش عقليتو و لا عقليتها و كاين الي تريح تهدر معاه عشر سنين و يخطبها 5 سنين و في التالي بعد الزواج يقلك و تقلك انا مافهمتش عقليتو و بلاك يطلقو بعد 3شهر انت هاذي كيفاه تفسرها .الزواج مكتوب ماجا لا في الزين و لا في العقلية

صحيتي

[SABI 43]

خويا واش رايحا نقولك مهما كانت درجة التعرف بين الفتاة و الشاب فهي تبقى معرفة سطحية و لا يستطيعان التعرف على بعضهما إلا بعد الزواج فالعشرة تولد المعرفة أما من ناحية الجمال فالله خلق في إمرأة جمالا خاصا بها حتى لو كان الأخرون يجدونها غير جميلة.

[MIWAKE]

شكرا على الردود

[هاجر78]

اخي انا افضل الزاوج التقليدي لانه يدوم بعكس الزواج عن تعارف او ماشابه فتحدث مشاكل كثيرة بعد الزواج وكلامي هذا اقوله عن بعض التجارب رئيتها وشكرا على الموضوع

[عبد الله 22]

السلام عليكم من الممكن أن يكون الزوج بالعقل إختيار عقلي بحت، لماذا يجب المرور بالرمنسية الخدعة ، فكل شخص له تصور لاطرف الاخرى، وكلنا متفقين بان المودة الحقيقة تكون بعد الزوج، وان كلام اليل و حتي الخطوبة هو كلام ميثالي غير مسؤال و لا يدل على الموقف الحقيقة التي يمكن ان تظهر بعد الزوج، أعتقد الشخص يحدد الشروط التي يبحث عنها وعندما يجدها او يجد بعض منها حسب نسبة التنازل يتقدم أو يطرح الفكرة على الطرف الاخر بدون أفلام هندية،و يتكلم عن كل شياء أعتقاده ماا ذا يحب ماذا يكرها، والصرحة هي التي تبني