╣☼╠★★ للطلبة الجدد في كلية الطب اي استفسار عن الطب او طب الاسنان هنا نجيبك ★★╣☼╠‏

[(~ ..أســـامة .. ~ )]

السلام عليكم

مرحبا بكم و الف مبروك نجاحكم بمعدل جيد في البكالوريا

.....................................


و أن شاء الله تحقق احلامكم و تولو اطباء مميزين في المستقبل


بالطبع لما يوجه شخص الى اختصاص .... يجب ان يعرف عنه كل صغيرة و كبيرة ... لاننا نتكلم عن مستقبله

و خصوصا الطب و طب الاسنان

فمرحبا باستفسارتكم و اسئلتكم .... و انا و زملائي الطلبة في خدمتكم

[hajer*19*]

انا حايرة بيناتهم
3 choix mardoni vraiment drok rani nabki
rasi rah yatarta9
haba haja khfifa w tkharajni en+ nal9a plasti fiha

[hajer*19*]

mdcn mahabithach douka malgré tmanitha f sorri w 3andi bac b 16.12.w scienc 19 najam ndirha bkol souhoula mé trig twila
la farmci walat commerce w chirdent 9alouli fiha responsabilité

[omarove]

السلام عليكم ..
ما تتحيريش ياسر اختي هاجر و صلي صلاة الاستخارة و ان شاء الله راح تتوفقي انك تختاري التخصص الاحسن لك ..
انا باعتباري طالب جراحة الاسنان راح نساعدك بكل ما تريدنه بيما يخص التخصص ..
فجراحة الاسنان تخصص يتميز بالتطبيق و بالحفظ .. و ابتداء من السنة الثانية راح تكون هناك امتحان كل اسبوع تقريبا لدا فهو شاق و متعب .. و لكن التطبيق ممتع و يخليك تنسي مشاق الحفظ ..

[بهاار]

هل من هو ضعيف نوعا ما في الفرنسية يقدر يدير طب أو طب الاسنان؟؟؟
يعني راح يواجه صعوبة كبيرة

[(~ ..أســـامة .. ~ )]

المشاركة الأصلية كتبت بواسطة hajer*19*

انا حايرة بيناتهم
3 choix mardoni vraiment drok rani nabki
rasi rah yatarta9
haba haja khfifa w tkharajni en+ nal9a plasti fiha

المشاركة الأصلية كتبت بواسطة hajer*19*

mdcn mahabithach douka malgré tmanitha f sorri w 3andi bac b 16.12.w scienc 19 najam ndirha bkol souhoula mé trig twila
la farmci walat commerce w chirdent 9alouli fiha responsabilité

مرحبا بك

اولا الف مبروك عليك النجااح ... و التفوق بمعدل عالي
ثانيا
متتقلقيش اختي .... صلي صلاة الاستخارة و ادعي ربي يوجهك لي فيها الخير لييك

و شوفي ميولك انت لانك وكااان تبعي هدرة الناااااااس و الله تندمي

نبدووووو بالصيدلة

اختصاص رائع و مناسب للفتيات و فييه الفهامة اكثر من الحفظ 6 سنوات و تتخرجي دكتورة في الصيدلة
المشكل تاعوو راهوو في الخدمة ... كتكملي القراية و تحبي تفتحي صيدلية ماشي ساهلة لازم تنتظري التصريح و بااااااش تجيبيه حتى تكرهي حياتك و هاذي كلام المجربين غي الا كانت عندك معريفة و كثروا الصيدليات في المدن لازم عليك تروحي للبيلديات و القرى و القانون الجديد يقولك لازم يكون بين كل صيدلية و صيدلية 100 متر و لازم تطلب قبول الصيادلة المجاورين لك باش تفتح انت تاني محلك


لكن اذا كنت تاكلة تكملي قرايتك و تجوزي الريزيدانا ممكن يكون عندك مستقبل رائع خصوصا في اوروبا مع شركات تصنيع الادوية




الطب ... بلا مانقول قااااااع الناس تحلم بيههه لكن انا اقولها للمرة الالف هو مليح بالنسبة للذكور لكن الاناث 12 سنة من الدراسة بزااااااااااافف
اذا كنت تحبي الاختصاص انا انصحك به لانك كلما كنت تحبين عملك تتقنين فيه



طب الاسنان و هو مجالي بصفتي طالب طب الاسنان

في رأيي الشخصي انا هههه هو الافضل 3 ....... ممكن اخر يعارضني لكن كل شخص و رأيوو

الدراسة نوعا ماا صعبة ... لكن مع الوقت و الاجتهاد تواالفي و يجيك كلشي سااهل

الدراسة ممتعة جدا من السنة الثانية الى السادسة ... لكثرة الجانب التطبيقي ماتكرهيش من القراية و الروتين

الصيدلة التطبيق حتى 5 و 6 و الطب حتى 4 5 6 و7





و الان لازم تشوووووووفي انت ميولك متتأثريش بعشقي لطب الاسنان هههههه


بالتوفيق ان شاء الله

و اخبرينا بجيدك

[omarove]

بالطبع الفرنسية لا تشكل مشكلة .. لانه من تجربتي بالنظر الى مستواي في الفرنسية نقدر نقول كان ضعيف لقيت صعوبة للشهر او الشهرين الاولى من التعليم اما بعد الخوف و الكلمات المجهولة راح تزول لانه بالاساس الطب ما هو الا كلمات علمية و تربط بينها بكلمات راح تتعلمها بسرعة .. لدا لا داعي للخوف بتاتا من اللغة الفرنسية .. ربي يوفقكم ان شاء الله

[(~ ..أســـامة .. ~ )]

المشاركة الأصلية كتبت بواسطة بهاار

هل من هو ضعيف نوعا ما في الفرنسية يقدر يدير طب أو طب الاسنان؟؟؟
يعني راح يواجه صعوبة كبيرة

للاسف اللغة الفرنسية مهمة جدا في هذان المجالين

لكن
انا تاني كنت مثلك او اكثر منك


نقولك حاجة ممكن ماتعرفيهااش قالوهالي من قبل و شفتها بعيني دهشت مع الوقت كلقييت بزااف النااس كيفي حتى اصحاب معدلات 18

90%

الطلبة الجدد في الطب و طب الاسنان


يكون عندهم مشكلة مع اللغة الفرنسية

و 10 % لبااقين اولاد الاطباااء و اساتذة الفرنسية هههههه ماشي قااع هههه


المهم رايحة تكون دروس كثيرة و تجد نفسك مجبر تقرررى بزااف اللغة الفرنسية و تحوس تفهم بالقاموس

مع الوقت تجد تحسن عجيب و في السنة الثانية رودلي الخبر

متخاافش من عائق اللغة اذا كنت حااااب الميدان فمرحبا بك سواء طب او طب اسنان

[dodomeryouma]

we la pharmacie mahgoura wala wech??? ani nez3ef mnkom
hhhh

[shadow159]

شباب غدا التسجيل وانا اخترت منهنة الطب وان شاء الله التخصص بعد ذلك

قولو لي 15.90 يمكنني من فعل هذا التخصص

[وائل جسار]

السلام عليكم أخوكم اختار طب بادن الله يعطوهلي ممكن تعرفونا بطرقة الدراسة ............كيفية الامتحانات و طريقة الدراسة والمواد الاساسية

[selma-chirdent]

أخي اسامة اي سنة تقرا ؟؟؟

اذا كنت قريت سنة 3 فممكن تقولي معلومات عليها وبارك الله فيك

[hajer*19*]

ana tani madabik
w madabikom gaaaaaaaaaaaaaaaaaaaaaaaa3 t3awnouni
wallah halti maraha ta3jab
farjouha 3lia rabi yfarajha 3likom

[bacdz.2012]

أخي ممكن تقولنا المواد لي فيهم حفاظة ولي فيهم فهامة .....واذا نقدر نبدا من الصيف هدا شوي كشما نهز حوايج وبارك الله فيك

[SaRoo]

شكراا لك على الطرح المميز أخ أسامة .. أنا حائــــرة بين الــطب و جرآحة الأسنان