كل المعلومات عن معهد الكهرباء و الإلكترونيك بومرداس ( inelec ) أرجو التثبيت.... للناجحين في البكالوريا 2012 - الصفحة 11

roma boy · 2012-07-05, 15:36

ya khwtii ahdrolna chwiya 3el ikama

sidmo · 2012-07-05, 15:46

اقتباس:

المشاركة الأصلية كتبت بواسطة saladin17

العفو أخي واجبنا ....
و إن شاء الله يتم قبولك ........
لاتنس الإستخارة .....

اكيــد
شكرا لك !!

okba1992 · 2012-07-05, 15:51

اقتباس:

المشاركة الأصلية كتبت بواسطة roma boy

ya khwtii ahdrolna chwiya 3el ikama

الاقامة الدفعتين السابقتين كانت في بودواو البحر حوالي 15 كم عن بومرداس لكن توجد حافلات النقل الجامعي الاقامة صحيح انه هادئة ومناسبة جدا للدراسة والعدد داخل الغرفة قليل 2 .
لكن الاقامة معزولة نوعا ما فلا توجد انترنت ولا ويفي وقلة المتاجر في محيطه ما يشعر الطالب كانه في سجن وهدا خاصة يحدث للطلبة المدمنين على الانترنت لكن مع مرور الوقت اخي تعتاد عليها وتصبح لديك عائلة كبيرة هناك
هدا العام اظن ان طلاب السنة الاولى سوف يرسلون الى اقامة اخرى اما زموري او قورصو
زموري بعيدة وجديدة لكنها في وسط المدينة واريح من اقامة بودواو البحري وفيها انترنت
اما قورصو فهي قريبة جدا وعيبها الوحيد انها قديمة
بالنسبة للبنات هناك اقامة قورصو بنات جديدة دشنت العام الماضي واقامة بايو حليمة في مدينة بومرداس

saladin17 · 2012-07-05, 15:59

سكنت في إقامة زموري 3 سنوات ثم إنتقلنا إلى بومرداس الولاية .... و كما قلت هي بعيدة 12 كلم و الطريق بحري ..... أي كثرة المنعرجات " طبعا ليست مقابلة للبحر تماما أي ليست خطيرة " ...
لذلك الكوس يأخذ 25 دقيقة ليصل إلى بومرداس و أحيانا في الصباح أكثر .... و هذا صدقني هو " العيب الوحيد " في الإقامة ....
فهي جديدة ..... الطعام فيها و الله أحسن من بومرداس و من قورصو وووو .....
لم يبنى فيها مصلى بعد و المسجد غير بعيد .....
ال centre ville قريب جدا ....
يوجد ويفي في المكتبة " لمدمني النت مثلي ههه" مع العلم أنني لما أغادر المنزل أتحول كلية من مدمن حتى أني بالكاد أدخل إلى النت .... عجيبة !!
....

nadjib1tik · 2012-07-05, 16:00

يا أخي الله يسترك
شوف أنا جايب الباك تاعي تقني رياضي 13.59 و الرياضيات 16.5 و الفيزياء 16

إذن 13.59+16.5+16
/3
=15.36

أولا هل هذه المعلومة راك متأكد منها ؟؟

+ و ما حفزني على الدخول إليها أني قريت تقني رياضي هندسة كهربائية
و الحمد الله نفهمها مليح هذه المادة و نحبها ديت فيها 15.5

لكن لكن لكن لكن أنا عندي مشكل مع الإنجليزية ( الفرنسية معنديش مشكل فيها )
و قالولي تفوت تقرا 6 أشهر إنجليزية , زعما يكفوني ؟؟

لأنو لازم يبداو يقروني من i go و you go ههههههه
معليش إلا بغا هذا العام مانقراهش كامل نبلوكيه و نقرا غير إنجليزية
على جال هدي unelc

roma boy · 2012-07-05, 16:15

mala zemmouri hiya lmeilleur?

saladin17 · 2012-07-05, 16:18

اقتباس:

المشاركة الأصلية كتبت بواسطة nadjib1tik

يا أخي الله يسترك
شوف أنا جايب الباك تاعي تقني رياضي 13.59 و الرياضيات 16.5 و الفيزياء 16
إذن 13.59+16.5+16
/3
=15.36
أولا هل هذه المعلومة راك متأكد منها ؟؟
+ و ما حفزني على الدخول إليها أني قريت تقني رياضي هندسة كهربائية
و الحمد الله نفهمها مليح هذه المادة و نحبها ديت فيها 15.5
لكن لكن لكن لكن

أنا عندي مشكل مع الإنجليزية ( الفرنسية معنديش مشكل فيها )
و قالولي تفوت تقرا 6 أشهر إنجليزية , زعما يكفوني ؟؟
لأنو لازم يبداو يقروني من i go و you go ههههههه
معليش إلا بغا هذا العام مانقراهش كامل نبلوكيه و نقرا غير إنجليزية
على جال هدي unelc

لا لا هذا العام تغير المعدل الحسابي .... يحسب كذا : ( المات+ الفيزيك )/2 لازم تكون أكبر من 14 ..... و أنت ماشاء الله عندك 16.25 ..... فرصتك كبيرة جدا .....
لا تبلوكي و لا حاجة .... 6 أشهر يكفوك و الحمد لله .... فقط ركز و أحضر الدروس لأن الكثير يستهزئ بها ... و تولي فور ... لماذا ؟ لأن المكان كله يتحدث إنجليزي ....
نقطة أخرى .... من البداية راح تقراو لغة إنجليزية و المواد التقنية .... لذلك إبدأ من البداية ..... و أنا هنا للخدمة ....لا تخف .... فقط إذا كان عندك ميول للمجال إستخر المولى عز و جل و ربي يوفقك في اختيارها.......
وضحت ؟

saladin17 · 2012-07-05, 16:19

اقتباس:

المشاركة الأصلية كتبت بواسطة roma boy

mala zemmouri hiya lmeilleur?

فقط المشكل في البعد فقط .....
و كذلك هي 2 في الغرفة فقط .....

بنت الفلاح · 2012-07-05, 16:26

اخي ممكن السك/ايب او الفا/يسبوك الخاص بك
و ساكون ممتنة لو تقدم لي احدهما
ارجوك

wissem setifienne · 2012-07-05, 16:26

من فظلك اخي جاوبني

saladin17 · 2012-07-05, 16:29

wissem setifienne عن اي سؤال ؟

saladin17 · 2012-07-05, 16:30

إجابتك في الصفحة السابقة أختي من طرفي و من طرف الأخ عقبة

nadjib1tik · 2012-07-05, 16:33

بصح هوما يقولو : يتم الترتيب على أساس المعدل العام المحصل عليه في إمتحان البكالوريا
و كيما راك تقول الرياضيات و الفيزياء /2 و >14 هديك شروك تكميلية

على حساب واش سقسيت على هدي العبارة ( يتم الترتيب على أساس المعدل العام المحصل عليه في إمتحان البكالوريا ))
قالولي معناها مزال باش يبان الصح و هدي العبارة يبدلوها و يمدو la moyenne exact كيما لعام ليفات حنا تقني رياضي قالو على unelc لازم 14.87
( على حساب اللي يخيروها بزاف )

دوكا هدي 14.87 إذا حسبوها الرياضيات و المعدل و الفيزياء أو الرياضيات و الفيزياء وحدها درنا l'affaire و إذا كلش راني مع خاوتي ST هههههههه

saladin17 · 2012-07-05, 16:41

اقتباس:

المشاركة الأصلية كتبت بواسطة nadjib1tik

بصح هوما يقولو : يتم الترتيب على أساس المعدل العام المحصل عليه في إمتحان البكالوريا
و كيما راك تقول الرياضيات و الفيزياء /2 و >14 هديك شروك تكميلية
على حساب واش سقسيت على هدي العبارة ( يتم الترتيب على أساس المعدل العام المحصل عليه في إمتحان البكالوريا ))
قالولي معناها مزال باش يبان الصح و هدي العبارة يبدلوها و يمدو la moyenne exact كيما لعام ليفات حنا تقني رياضي قالو على unelc لازم 14.87
( على حساب اللي يخيروها بزاف )
دوكا هدي 14.87 إذا حسبوها الرياضيات و المعدل و الفيزياء أو الرياضيات و الفيزياء وحدها درنا l'affaire و إذا كلش راني مع خاوتي ST هههههههه

هي كانت المعدل العام و المات و الفيزيك كلهم ..... أما على حسب ما قرأت في الدليل الجديد قالوا المات و الفيزيك فقط ....
أعتقد أنه الشرط الوحيد .... أي لا يحسب الباك فقط ....
أعتقد 14.87 ربما علوم تجريبية .... أما أنتم فأقل بالتأكيد ....
هههههه لا لا بعيد الشر st ههههه ... رد بالك تعاودها .... راهي عندك فرصة مليحة ... هذا العام المعدلات هابطة على العام الماضي و بالتالي فرصة جيدة ..... .. شوف أعلم أنه لا يحق لي إبداء رأيي لكني أرى أنه في إختياراتك حط غير المليح " inelec " المدرسة التحضيرية في تلمسان ..... و غيرها " .... و اللي تكون فيها خير ربي يجيبها ....

nadjib1tik · 2012-07-05, 16:48

إن شاء الله ياخو و ربي يسترك , مرسي عليك بزاف و إن شاء الله تصدقلي
المدرسة التحضيرية كابابل يبعتوك لعنابة و.... مانيش حاب ( نديرها 2eme choix )
و M I مكاش كيفاش نقرا genie electrique