الجزء 77 من واش طيبتي اليوم سيدتي **تحضيرات شعبان لإستقبال رمضان**

oum anas 69 · 2014-06-04, 08:06

و الصلاة والسلام على أشرف الأنبياء حبيبنا و نبينا و شفيعنا محمد عليه أفضل الصلوات و التسليم
صلو عليه

واش أحوالكن شطورات أمورات رشيقات صاحبات الأنامل الذهبية ؟؟؟
ها نحن نفتح باب جديد من أبواب كوزينتنا بكل حب و إيخاء و محبة متبادلة بين كل الأخوات و نحن على أبواب شهر الرحمة و الغفران ... اللهم بلغنا رمضان...
فدائما المرأة الجزائرية تلجأ للتحضير المسبق لإستقبال هذا الشهر على أكمل وجه حسب المقدور طبعا لكي يتسنى لها الوقت للعبادة و تكون مرتاحة في كوزينتها تحضر أشهى الأطباق لإسعاد عائلتها

فأنا أرحب بكل الأخوات العزيزات الحاضرات و الملتحقات و الزائرات و الغائبات ربي يرجعهم بخير و على خير

لبنات راني كريتلكم مراقبة هههههههه اللي تخرج عن الموضوع راح تلقى هاذي عند راسها و علابالها واش دريلها هههههههه

خذوا حذركم راهي وااااااعرة

هاذو طياباتي هاذو اليومين
هنا عملت سندويشات بعجينة بتزا حشيتهم باللحم المرحي مدوزن و حبة جزر مسكرفجة جاو مممممممم

و هذه فطيرة الشورما لأم أماني حرفت فيها درتها بعجينتي تشبه لعجينتها لكن أنا عملت زيت في وسطها ماشي زبدة و النتيجة ممممممم بريوش محشي

عملتها في بلاطو كوشة باش ماتجنيش خشينة ... رققتلها لعجينة .... مليحة للعائلة مع لسوب بالخضر أو كلمجة أو للخرجات أو هي و قازوز فقط ممتعة ممممم

أم التوأم · 2014-06-04, 08:15

صباح الأنوار والمسرات أختي أم أنس وربي يتمم حملك ويسرهولك يارب
ومبروك الكوزينة الجديدة وتفضلي حلاوتها

titina · 2014-06-04, 08:18

صباح الخيرات والمسرات لبنات
مبروك افتتاح الكوزينة
ونسأل الله العلي القدير أن يبلغنا رمضان لافاقدين ولامفقودين وأن يباركنا فيه

وضعت رد وان شاء الله راح تكون عندي مشاركات في هذه الكوزينة لأن العمل راح يقل عندنا في المدرسة
ولي عودة معكن

ام فريال · 2014-06-04, 08:20

صباح الخير الف مبروك على افتتاح الكوزينة يام انس ربي يجعلها عتبة مربوحة
ويعمرها بلخيرات

oum anas 69 · 2014-06-04, 08:25

اقتباس:

المشاركة الأصلية كتبت بواسطة أم التوأم

صباح الأنوار والمسرات أختي أم أنس وربي يتمم حملك ويسرهولك يارب
ومبروك الكوزينة الجديدة وتفضلي حلاوتها

أهلا و سهلا حبوباتي أتفظلو الدار داركم

اقتباس:

المشاركة الأصلية كتبت بواسطة titina

صباح الخيرات والمسرات لبنات
مبروك افتتاح الكوزينة
ونسأل الله العلي القدير أن يبلغنا رمضان لافاقدين ولامفقودين وأن يباركنا فيه

وضعت رد وان شاء الله راح تكون عندي مشاركات في هذه الكوزينة لأن العمل راح يقل عندنا في المدرسة
ولي عودة معكن

اقتباس:

المشاركة الأصلية كتبت بواسطة ام فريال

صباح الخير الف مبروك على افتتاح الكوزينة يام انس ربي يجعلها عتبة مربوحة
ويعمرها بلخيرات

إلهام07 · 2014-06-04, 08:27

صباح الخير عليكم

ألف مبروك افتتاح الكوزينة الجديدة ام انوسي

عجبوني ساندويشات اللحم المفروم مممممممممممممممممممم فكروني في السوفلي التركي نتاع ام أماني مازالني سخفانة عليه

مع الحمل نتاعك توقعت نشوف شخشوخة حارة ولا زفيطي حار واقيلا الوحم نتاعك جا وحم نتاع تقلاش برك

ماجبتش الباروك اصبريني كاشما نلبز في الويكاند ونحط أصلا راني بلاقريب في حالة هذو 3 أيام منين نروح ندخل تحت الزاورة مانيش نطيب

lilouchaf · 2014-06-04, 08:32

صباح الخير عليكم ومبروك الكوزينة ام انس من بعد نولي بالباروك

أم إناس · 2014-06-04, 08:33

السلام عليكم
مبروك عليك افتيتاح الكوزينة الجديد
وان شاء الله تكون فلا خير علينا وعليك
وماشاء الله طيابك مثل العادة اممممممممممم
والله يكملك على خير ويرزقك بالذرية الصالحه يارب

سبحان الله والحمدولله ولا اله الا الله والله اكبر

oum anas 69 · 2014-06-04, 08:34

اقتباس:

المشاركة الأصلية كتبت بواسطة إلهام07

صباح الخير عليكم

ألف مبروك افتتاح الكوزينة الجديدة ام انوسي

عجبوني ساندويشات اللحم المفروم مممممممممممممممممممم

فكروني في السوفلي التركي نتاع ام أماني مازالني سخفانة عليه :d:d

مع الحمل نتاعك توقعت نشوف شخشوخة حارة ولا زفيطي حار :d:d:d:d واقيلا الوحم نتاعك جا وحم نتاع تقلاش برك :d

ماجبتش الباروك اصبريني كاشما نلبز في الويكاند ونحط أصلا راني بلاقريب في حالة هذو 3 أيام منين نروح ندخل تحت الزاورة مانيش نطيب

هههههههه أهلا حنونة توحشتك ربي يشفيك عاجلا
لالا و الله الوحم جاني غير على الفلفل الحار و ماكلة لبلاد الثقيلة ههههه معدتي تحرقت منو
ماقلتليش رايك في المسعودة لي كريتها هههههههه

oum anas 69 · 2014-06-04, 08:37

اقتباس:

المشاركة الأصلية كتبت بواسطة lilouchaf

صباح الخير عليكم ومبروك الكوزينة ام انس من بعد نولي بالباروك

أهلا أهلا يا مرحبا

اقتباس:

المشاركة الأصلية كتبت بواسطة أم إناس

السلام عليكم
مبروك عليك افتيتاح الكوزينة الجديد
وان شاء الله تكون فلا خير علينا وعليك
وماشاء الله طيابك مثل العادة اممممممممممم
والله يكملك على خير ويرزقك بالذرية الصالحه يارب

سبحان الله والحمدولله ولا اله الا الله والله اكبر

و يكملك يا لعزيزة و ينولك لي في بالك بإذن الله
مممممممممممممممم على قولك كلشي تووووووووووب

عندي شغل كي نكمل نولي

islam1aya · 2014-06-04, 08:38

صباح الفل والياسمين على الحلوة ام انوس مبروك الكوزينة الجديدة
توحشتكم حبيباتي
اللهم بلغنا رمضان

ام محمد و ملاك · 2014-06-04, 08:38

مبروك افتتاح الكوزينة الجديدة و ان شاء الله عامرة

tokio hotel · 2014-06-04, 08:42

صباح الخير عليكم تيتينا الهام ام ايناس مشاء الله طيابك روعة ليلوشاف نهاركم مبروك كامل
ام انس مبروك افتتاح الكوزينة مزال مابان والو على غدانا اليوم

tokio hotel · 2014-06-04, 08:44

صباح الخير ام اسلام و سارة دخلتو و انا نكتب فى الرد ما شفتكمش

islam1aya · 2014-06-04, 08:47

ام انس ماكول الهنا الفطيرة اممم هايلة بصحتكم
ام ايناس اممم رووووعة اطباقك وطريقة التقديم توووووووب واش هذوك الدوائر واش فيهم مايوناز من الفوق الي مع الشواء
ام التوام حنونة كيفك لاباس توحشتك التارت روووعة بصحتكم

لهاليبو اموااااااااااااااااااااااح
ليلوشة صباااااااااااااااااااااااحوووووووووووووووو
حبيباتي جابلي زوجي التون ترونشات ماشي بياسة وقالي دريهولي مفور راه هبلني ماعرفتلوش انا حقي وحق الاولاد انديرو بلاسوس والارز لكن هذا المفور عاونوني فيه