الجزء69 من واش طيبتي اليوم لدوام المحبة والاخوة

رياحين الجزائر · 2014-04-17, 01:21

باسم الله الرحمان الرحيم
انا ماني سياسية مانحب السياسة مانقول لالا للعهدة لا نعم انا انقول
نعم لندى تجري العملية في اسرع وقت ههههههه
لي الشرف اني نفتح هذ الكوزينة معاكم انتم ديما تبحثو في الجديد في ميدان الطبخ انقولكم ارواحو اتشوفو اللي عمركم لا شفتوه تسمعو بيه برك ههههه ارواحو لهذ الكوزينة اللي سقفها السما وكرلاجها تراب هههه ايه ارواحو بصح جيبو جداتكم معاكم باه تحكيلكم على ايام ماكانو اطيبو هك اهذي لمة درناها في اشحال نعايلة وتلمينا وخرجنا وطيبنا في جنب جذع شجرة عمرو اكثر من 80 سنة اتلمينا واطلبنا ربي اخلينا ديما ملمومين كيما نطلب ربي بدوري ان شاء الله اخلينا ديما ملمومين هك وانشاء الله غدا راح انزيدو نرجعو وراح ازيدو معانا بضع عايلات لانهم عجبتهم الفكرة المرة الاولى طيبنا بازبن او المحكوك او الربوز او البخبوخ او شخشوخة الرزام وغدا ان شاء الله نتلمو على العيش
تفضلو اتشوفو الكويزنيار هي الاولى والرسمي هههه

وذرك اتفضلو تشربو قهوة بصح مش قهوة براس قهوة غلاية مالقيناهاش اخدمنا وحدة بالباط انتاع المعجون بصح بنينة اتهبل ومعاها خبز ليزابيل واش انقولكم هبال

وهذي بطاطا درناها كمقبلة هههههه مشوية في التراب على الجمر والله روعة قليلة عليها اتقولها ابيري من الداخل

وهدي رانا نشويو في الفلفل والطماطم والبطاطا درنا بيهم حميس فلفل وطماطم

وهذي الشخشوخة بعد ماخلطناها اكل كل وحدة طيبت في دارها وخلطناها باه انذوقو من كل وحدة

هذا هنا البوطاجي بصح مش رخام ههههههه تراب

وهذي المرميطة والبرمة بصح ازربو شوفو باه انرد الغطا تعرفو رانا في الهواء الطلق

وهنا الصحن الاول للاولاد الصغار الذكور طبعا الاوائل اقولو ناكلو في جرتهم راهم قاعدين في الصالة مونجي

وهذ الصحن راه لينا
وتحلاية الفم لما وصلنا كانت روينة او طمينة بصح مش بالزبدة بالما فقط ههههه قتلكم كلش تراديسيونال والثلاجة انسيت انصورها واللي كانت بادن انتاع الما وسط الحشيش
نتمنى تعجبكم الاقامة في هد الكوزينة ان شاء الله
لاتنسو دعاكم لندى بالشفاء العاجل

fatimoncton · 2014-04-17, 01:35

lama thabal man sabni m3akom rabi ydawamha inchalah w ychafilak bnaytak wow skheft

رياحين الجزائر · 2014-04-17, 01:36

وهذو بعض طياباتي ومعضمها تطبيقات انحبو الجديد بصح القديم مانفرطش فيه

رياحين الجزائر · 2014-04-17, 01:40

رياحين الجزائر · 2014-04-17, 01:43

ايمان25 · 2014-04-17, 06:57

صباح الخير على الجميع
مبروك الكوزينة الجديدة انشاء الله تكون عتبة خير
علينا كامل وانشاء الله تكون عامرة بالافراح

رياحين الجزائر · 2014-04-17, 06:59

صباح الخير عليكم
اصبحنا واصبح الملك لله

رياحين الجزائر · 2014-04-17, 07:01

واش لبنات ماتنوضوش راني انجيب البيدون انتاع الما يلا
حتى من ام ماجد مالفة هي الاولى واليوم جاها الرقاد

قطيطوشة · 2014-04-17, 07:07

يا محلى هاد اللمة في هاد الجو الرائع بصحتكم والله يعطيك الصحة مبروك الافتتاح

R I A D · 2014-04-17, 07:08

السلام عليكم صديقاتي الحبيباااات
نهاركم زين و جيوبكم معمرين و عائلاتكم ساعدين و هانيين و
صباحكم فل و ياسمين و هناء و سعادة
صحة قهوتكم و حليبكم

يا الملتحقاااات صباحكم نور و هناء و سعااادة كل واحدة باسمها

رياحين مبروك عليك الكوزينة ربي يجعلها ملتقى الافراح و السعادة و الهنا عليك و علينا

اني عارفة راكي تحوسي بصحتكم التحويسة و الاكل في الهواء الطلق
و صور الخرجة السابقة راائعين و يسخفوووا
تحيا الطبيعة و يحيا الهوااء الطلق

الحمد لله الذي احيانا بعدما اماتنا و اليه النشور

رضيت بالله ربا و بالاسلام دينا و بمحمد صلى الله عليه و سلم نبيا و رسولا

R I A D · 2014-04-17, 07:11

رياحين اكي هنا ... حسبت خرجت للتحويسة
حتى كتبت رد باش بانو الردود الاخرين كانوا ماكانش
صباحك بالخير و الهنا و مبروك عليك الكوزينة

ايمان صباح الخير و النجاح

لا اله الا الله محمد رسول الله

رياحين الجزائر · 2014-04-17, 07:24

صباحك نور حبيبتي والله كل صباح انحبك تدخلي با تدعي الدعاء هدا ربي اخليك وشكرا على الترتة اممم اتشهي

R I A D · 2014-04-17, 07:29

الله يسلمك و يحفظك و يخليك لاولادك و احبابك ان شاء الله

faryal zahira · 2014-04-17, 07:51

صياح الورد والفل يوم مبا رك سعيد
صباح الخير ام رياض
صباح الخير رياحين مبروك افتتاح الكوزينة يجعلها عتبة مبروكة عليك وعلينا جميعا وربي يشفيلك بنتك شفاءا لا يغادر سقما

اصبحنا على فطرة الاسلام وعلى كلمة الاخلاص وعلى دين نبينا محـــمـــــــــــــــد صلى اللـــــــــــه عليه و سلم

zahra30 · 2014-04-17, 08:02

احلى صبااااح على الغالياااات والف مبرووووك العتبة الجديدة اختي رياحييين ما زال ما شفتش الصور راهم كبااار بصح يستحقو الانتظار
الكوزينة اللي فاتت سمحولي ما راجعتش نراجع ونرجع الله غالب اخرجت ليه ليه شوية ظرووف وزادو ضياف الغفلة
المهم هاهو الباروك حتى نرجع

وهذا الطابع

شكرااا اختي طوكيو هذا الطابع من النت انا اعييت نلقى انتاعي اللي صورتو هههههه ضحكة تفنييين على الصباح