couscous perdue

[ريم الفلى]

لبارح وانا نقلب في النت لقيت هاد الوصفة واللي هي الكسكس باردوي
ههههه
في الحقيقة انا موالفة نعمل البان باردوي نشربو بيه قهوة لكن كسكس باردوي في حياتي مخممت نديرو لكن ليس بعد اليوم لانو اصبح من ضمن الاشياء اللي نديرها لااراديا كل ما يبقى عندي شويا طعام

المقادير:
مقدار غرفية حليب من الكسكس المتبقي من الفطور ولا من العشاء
حبة بيض
غرفية و نصف حليب سائل
مغرفة فرينة
مغرفة سكر
لافاني
ونصف مغرفة صغيرة خميرة الحلوى
شوية قرفة
مبشور البرتقال او الليمون
زعفران

طريقة التحضير


نضرب مليح البيضة مع السكر والحليب ونزيد الفرينة والخميرة ولافاني والزعفران ونزيد القرفة ومبشور البرتقال ونخلط مليح مرة اخرى ونزيد الطعام غير باللعقل حتى تتلم العجينة

نصنع منها كويرات ونمررهم في حبة بيض مخفوقة ثم في لاشابلير ولما نكمل كل الكمية لي عندي نقليهم في الزيت حتى يتحمرو
من بعد نمررهم في مربى البرتقال مخفف بماء الزهر او شاربات ونرمدهم في النواد كوكو او السكر كريستاليزي
وتكون هايلة مع قهوة حليب


وهادو الصور مش تاعي للامانة هي منقولة للتوضيح

وهاهي من الداخل:

فعلا هايلة جربوها وردولي الخبر

[lahna moka]

وصفة غريبة بعض الشيء هههههه بصح المطبخ مخبر تجارب
با رك الله فيك حبيبتي

[dodina]

vrm ya3tik assaha,ça nous evite de jeuter le couscous

[ريم الفلى]

merci pour l'encouragement

[لميس حواء]

شكرااااااااااااااااااااااااااااااااا راني خايفة نجربها

[idron0]

يعطيك الصحة

[أم أسامة 07]

أول مرة نسمع بهذه الوصفة

[BACHIRA2]

بارك الله فيك اختي

[minoucha2008]

فعلا هايل يعطيك الصحة

[ramoussa]

يعطيك الصحة كي درتي الخطوة وجربتيه pourtant الوصفة تبان غريبة مابقا شيء مادخلوهش في
الطبيخ جاك هايل بصح ما عنذيش courage باش نجربو

[مغتربة uk]

444444444444444444444

[it's me]

merciiii pour l'idée

[طالبة الجامعة]

وصفة غريبة

[Farah Amani]

وصفة جديدة...لكن كما قالت الأخت lahna moka المطبخ مخبر تجارب....سأجربها ان سنحت لي الفرصة بارك الله فيك أختي الكريمة.