ممكن مساعدة من حراير المنتدى .....

ام مؤيد عبد الغفور · 2014-03-15, 14:57

الاخوات من فضلكم اريد وصفة الكرونطيطا سخفت عليها بصح منعرفش نديرها ارجو كل من تعرف الوصفة تتكرم بها ولها جزيل الشكر

lyzzabel · 2014-03-15, 18:14

سلاااام حبيبتي
شوفي انا نديرها دائماً و تجي شاااابة
ندير فرينة الحمص غرفية و نص تاع شوربة مقبنييييين و ملح م ص معمرة و كمون و حبة بيض و فنجان صغير زيت زيتون أو زيت عادي و نصف لتر ماء ونخلط ملييييح بالمضرب اليدوي باش ما يديروش الكويرات و من بعد نزيد لتر ماء و ندهن صينية الفرن بالزيت و نفرغ الخليط و ندخلها للفرن يكون ساخن على أقصى درجة لمدة عشر دقائق أو ربع ساعة و ننقص ل 200 درجة و نخيلها تطيب و مين تحمر ملييييح من فوق تخرجها ونخيلها تريح على الأقل ربع ساعة قبل ما نقطعها و نحطها
على فكرة نغربلها قبل ما نضيفلها المكونات لخرى و الصينية تكون شوية عالية باش ما تدفقت كي ترفديها
انا الصينية تاعي مدورة قطرها 30 سم
بالتوفيق اختي

ام طيري الجنة · 2014-03-15, 19:52

انا اختي نتبع الوصفة اللي مكتوبة على كيس الحمص المطحون اي الكرانتيكا و تخرجلي مليحة
يعني 1.35 ل نتاع ماء + 250 غ حمص مطحون + ملح وكاس صغير من الزيت و بعد ما يطيب للتزيين و البنة الهريسة و الكمون

ام مؤيد عبد الغفور · 2014-03-16, 15:42

شكرا بارك الله فيكم