عاجلة

[مشكلتي]

[b]السلام عليكم
انا استاذة عمري 33 سنة ... ولية تلميذة عندي اقترحت عليا خطيب عندها اكثر من شهر و بداية رفضت الموضوع - لانو لا اخفيكم صارت عادة اولياء التلاميذ بعضهم يحاول جر الاستاذات الغير متزوجات يقترحوا عليههم ازواج و يحبوهم يعاونوهم في علامات ولادهم - و صرات العام اللي فات مع زميلة في العمل
بداية تفاديت الموضوع لكن ام التلميذة اصرت و بقات اكثر من شهر تلح .. قلت نجرب نعطيها فرصة سألتها على لقب الرجل دخلت بعضاها و هي لي تقول راه مع صغر سنو الا انو يخالط غير الكبار و راه صديق زوجي و يجيني للدار كيما وليدي هذا و ما تعرفش لقمتو ؟؟؟ [color="black"] تجاهلتـها هي و الموضوع و بمرة انا ماشية لقيـتها هي و زوجها تحدثت معايا بالموضوع و اللي ما عجبنـيش زوجها تجرء و دخل في الموضوع بلا حشمة وليت انا جبدت روحي و رحت و قلتلها انساي الموضوع
فاتت مدة جات تحلف و تقسم انو الرجل على اخلاق جد عالية و لما سمع على اخلاقي اصر على الموضوع و اعطاتني معلومات كاملة عليه لقبو و قالتلي كان في الجيش و الان يعمل في ادارة
قاتلي اذا تحبي غدوة يجي يعدي شوفيه و اذا فيها خير ربي يسهل
قلت يلعنك يا ابليس نسهلها ما نعقدهاش
خرجت من الخدمة لقيتها تستنى فيا باه نشوفو و يشوفني و هو تأخر حسيت روحي انا لي نجري عليه قلتلها انا ما نستناش راني رايحة و ما عجبنيش الموقف يعني فتاة راح توقف تستنى راجل ؟؟؟ قلتلها في لمان انا رايحة
قاتلي مسكين راه خدام و تعطل رفدت هاتفها و اتصلت بيه قالها راني جاي راني قريب منكم
[color="black"]استغربت انها تحكي مع صديق زوجها قلتلها هذا قريبك فاملتك ؟؟؟ قاتلي ايه مسكين راح ناس ملاح فوق اللازم و راه حشام وووو و ما جاوبتش ؟؟
استغربت ؟؟؟؟؟؟؟
جا اول سؤال قتلو هادو - ام التلميذة و زوجها - واش يقربولك قالي لا لا صديق عرفني على زوجها فقط ؟؟؟؟؟؟؟
قتلو تخدم في ادارة قالي لا لا تقاعدت من الجيش و راني مع مقاول و كل مرة كيفاه

يعني هي كذبت و اذا هي ما تعرفوش كيفاه حكات معاه في البورتابل و ملاحظة زوجها كان قدامها كان قادر هو يحكي معاه ؟؟؟؟؟؟
و حتى المعلومات عليه ؟؟؟؟؟؟؟
انا استخرت و نطلب منكم مشورة
هل انا موسوسة في تفكيري و الا عندي الحق
صح عمري 33 سنة مانيش صغيرة بصح مانيش حابة نرمي روحي و خلاص
انيروني لوكان مكاني كيفاه تخمو ؟؟؟؟؟؟؟؟؟؟

[بلسم غرام2018]

والله وش راح نقلك
استخيري ربي سبحانو
وش راح نقلك ربي ينوب عليك
والي يحوس عليك يجيك للدار وكاين حاجة يسموها رؤيه شرعيه

[Napia]

أنا عن نفسي ما عجتنيش الحكاية فيها إلتباس!!!!!!!
ربي يسهلك أختي و ينور طريقك للخير

[اﻻء الرحمن]

كاين لبس في الموضوع اننا في رايي اللي يحوس عليك يهدر مع والديك ماشي في الطريق
ربي يسهلك ان شاء الله

[ابراهيم داود]

قصتك فيها الكثير من الغموض من جهة الاحداث التي روتها لك ولية التلميذ و اتمنى ان لا تكون النهاية في غير صالحك خصوصا و انك استاذة لها مكانتها لذلك انصحك بالابتعاد عن ولية التلميذ هذه حتى لا تضر بسمعتك اذا لم يكن هناك نصيب

[djamila21000]

نصيحة أختي فكي عليك. المسألة مع الدخلة بدات بالكذب.
ولي يحب يخطبك و يشوفك كاين باب الدار و كاين والديك.
و انتي ثاني راكي غالطة كي قبلتي يشوفك و تشوفيه برا.

[naamane3]

كيما قال الاخ المسألة بدات بالكذب
و منين رايحا تتخلط وفيها نوع من الاختلاط
انا نقولك أخطيك من الاول قبل ما تتشابك الامور
واللي عينو فيك باب داركم راه كاين
واخطيك من الهاتف والمكالمات و ما تكونيش
وكيما قالو ناس بكري صام صام وفطر على بصلة

[sarl02]

انت مع الاقبال والادبار على هدا الامر ربما بسبب وقائع فيها ابهام نوعا ما وهدا من حقك وتفكيرك منطقي جدا ....المهم الان دخلي والديك او اخوتك في الموضوع بالسؤوال والتقصي على هدا الشخص ولا تتعاطي مع ولية التلميد في الموضوع الى حين وادا كان شخص لباس بيه على بركة الله.

[عبد الرحيم]

في أي دين يتم الزواج بهذه الطريقة ؟؟؟؟؟؟؟؟؟؟؟

قال صلى الله عليه وسلم: (إن روح القدس نفث في روعي أن نفسا لن تموت حتى تستكمل أجلها، وتستوعب رزقها، فاتقوا الله، وأجملوا في الطلب، ولا يحملن أحدكم استبطاء الرزق أن يطلبه بمعصية الله، فإن الله تعالى لا ينال ما عنده إلا بطاعته) رواه أبو نعيم في الحلية، وصححه الألباني في صحيح الجامع.

[محمد جديدي التبسي]

في هاته الطريقة لبس كبير لذلك من يريدك وجهيه لبيتك وهناك تكلمي معه ويسأل عنه أهلك
أما كل الطرق الأخرى واللقاءات في مكان العمل تنتهي عادة بالفشل وتسيء لسمعتك كذلك .. ربي يفتح عليك بزوج صالح

[ains]

السلام عليكم ورحمة الله وبركاته = نسأل الله تعالى أن يرزقك ويفتح عليك بزوج صالح يسترك ويصونك ويكون لك عونا على طاعة الله تعالى ، الأفضل أن تجتنبي أي شبهة أو ريب ومن كان صادقا في طلبه فالبيوت تؤتى من أبوابها إن شاء الله.

[نارينا]

اختي فكري واستخيري اكثر من مرة قبل الولوج في هذا الموضوع وولية الامر غير امينة وزوجها صراحة ذكر اكثر من رجل والا كيف تكلم زوجته غرباء في حضوره وهو واقف ....لو كانت نية المرأة حسنة لكانت جعلته يحضر للمؤسسة كولي امر يستفسر عن تلميذ ويراك اما الكلام خارج المؤسسة فهو اساءة لك من قبل الخاطب نفسه,,,,,قبل شهر اتى ولي امر ليسأل عن ابنه ووجدني خارج المؤسسة لكن المدير منعه من الكلام معي قائلا,,,,اخي ممنوع محادثة الاستاذة خارج الحرم المدرسي ,,,,,,بارك الله في مديرنا قمة في الاخلاق والتربية

[محارب الظلم]

وفقك الله لما يحبه و يرضاه

[bellaluna]

أعتقد و الله أعلم أنّ الشاب هو ابن أخت أو ابن أخ وليّة تلميذتك و ترغب في تزويجه بزوجة عاملة لظروفه الماديّة..فتمهلي و إستخيري الله لكي لا تندمي.

[dilaboni]

ياأستاذة يا معلمة الجيل القادم بالله عليك ان تجيبيني
أين هو المحــــــــــــــــــــــرم