سجين المخيم

ابن العروب · 2014-01-13, 23:22

سجين المخيم

مسجون بمخيم ؟؟؟؟؟
ساكن بمخيم لعيون القضية
واعطوني هدية ودولة هنية
ذنب انتمائي للحلم اللي باقي ونفسي ابية
مسجون بمخيم ؟؟؟؟؟ ......
مسلوب الاردادة من قبل الولادة
ع حقي بنادي يا اهل الحقوق
مسجون بمخيم ؟؟؟؟؟
بشهادة ملاد ....
بظلم اللجوء ....
بكرت المؤن اعطوني عدس وعلبة سمك وسمن وقطن
مسجون بمخيم ؟؟؟؟؟
مسجون بمخيم وقلبي فراشة
غفيان برطوبة بتلحف برودة
بتنفس صعوبة !!!!!!!!!!!!!!!
حيا الله العروبة ونشامى العروبة
وآآآآآه يا زمن ...
ع الحق اللي ضاع والقدس المسلوبة
عم يبنو فنادق للضيف الي مارق
للكلب الي سارق خير الوطن
مسجون بمخيم ب؟؟؟؟؟؟
حضن الامل بطينة وحل ؟؟؟؟
بتخطى بكفن عم باكل عفن
عم بمشي بألم حيالله القيادة
مسجون بمخيم ؟؟؟؟؟؟
مسجون بمخيم حيالله القيادة
عم تاكل صواني جاج ومشاوي
ووسكي وقهاوي ولاجل الشهادة
مسجون بمخيم ؟؟؟؟؟
بخيمة قصب بنام ع الخشب
بفطر عجب بتغدى رطب
بتعشى لهب .....
وابوي من زمن مسجون في النقب
وقائد هالبلد حمامو ذهب
والساعة ذهب ولبسو ذهب
قدام التلفاز شاغلهم
شو صار وايش الأخبار
مين الي فاز بسوبر ستار
مسجون بمخيم ؟؟؟؟؟
حيالله البواسل اهل العمم
بالذل جوعوني .....
من هيئة أمم لخبز العروبة لعلف الغنم
مسجون بمخيم ؟؟؟؟
فيا اقصى الك الله ومن بعدو دواعينا ....
العرب حيا الله نصروكي باغانينا
شوف حسني اسم الله متاثر باسمينا
وشوف هيفا حد الله لا تبكي حسدتينا
حيا الله عبد الله جيوشك تغطينا
ونعاهد عهد الله نتظاهر لو افضينا
ح نهتفلك باعلى صوت
ح نصوت اقوى ما فينا
وفي عنا الك اغنية ح ينهبلو اعادينا

يا اقصـــــــــــــــــــــــــــــــــى الك الله ومن بعدو دعاوينا...