التبول اللا ارادي

سَلْسَبِيّلْ · 2014-02-04, 08:42

عندي بنتي عندها قريب 11 سنة وكمنوضهاش حشاكم تبول في الليل وابني قري 10 سنوات ثاني بصح ماشي كما الطفلة افيدوني بحل او وصفة طبيعية ناجحة وبارك الله فيكم

**افنان** · 2014-02-04, 12:16

السلام عليكم ورحمة الله
هذه بعض النصائح علها تنفعك
1-اياك والسب او الضرب في حال مابللت ابنتك الفراش قولي لها الطفلة المهذبة فراشها نظيف وامريها ان تغسل فراشها حتى تتحمل المسؤولية وحدها
2-عدم شرب السوائل الماء والمشروبات الغازية من الساعة الخامسة مساءا وهذي اذا قدرتي لخطر الاولاد عندما ننهيوهم يخى يزيدو ولكن قولي لها من مصلحتك وحتى يبقى الفراش نظيف
3-اضبطي المنبه علي ساعة معينة من الليل لي تشكي بلي بنتك راهي تعمها في ذلك الوقت مثلا منتصف الليل وكل ليلة نوضيها في نفس الساعة هذي راهي مجربينها تجيب نتيجة من بعد تصبح تنهض وحدها
4- استعملي معها اسلوب المكافأةفي اليوم الذي لاتبلل الفراش كافئيها
بالتوفيق ان شاء الله

سَلْسَبِيّلْ · 2014-02-04, 12:21

بارك الله اختي افنان

**افنان** · 2014-02-04, 15:52

اختي زيدي خذي ورقة اكتبي فيها ايام الاسبوع وسطري جدول وارسمي امامها خانتان وادة شمس والاخرى زخات مطر وكل يوم تكتب هي وحدها في الخانةعلامة +اذا لم تبلل الفراش و- اذا بللت وفي نهاية الاسبوع احسبي اداكانت علامة + اكثراعطيها جائزة
اختى اذا طبقت هذي النصائح ومجبتش نتيجه شوفي الطبيب يعمل لها تحاليل

سَلْسَبِيّلْ · 2014-02-06, 14:00

بارك الله فيك اختي افنان

منهاج · 2014-02-06, 14:14

السلام عليكم

ممكن فيها مرض البرود شربيها تيزانات ضد البرودة وتدهن كرعيها بزيت الزيتون وتلبس تقاشير كي جي ترقد

وفراشها ما لازمش تقعد عليه مشمخ كي ديرها في الليل لازم تبدله حتى واذا عاودت مرات ومرات لاخاطر راح تركبها

البرود في العظم وتوليلها روماتيزم كي تكبر

بالشفى ان شاء الله

سَلْسَبِيّلْ · 2014-02-06, 19:21

ربي يسترك اختي منهاج هذي مقالي عليها حتى واحد وين يتباعو ليتيزان وش يفيد الزيت في رجليها