كيفاش نتعامل مع وليدي ارجوكم ساعدوني

[ام اكرم31]

شكرا اختي على النصيحة القيمة ممكن تفيديني من فضلك عن معلومات على جدول النجوم بالنسبة للعض انا تاني وليدي كان يعض بصح توقف مولاش يعض وحدو كل مرة كنت نصقي عليه غير ندخل لدار قبل مانريح نبدى نانب فيه وتاني طلبت من امراة عمه تصقي عليه غير تشوفو عض وليدها وقتلو انا منسلككش مل خاف .

[كابريسة]

ممكن جدا اختي
حاولت نحطلك صور بصح ما قدرتش لاني لسع جديدة في المنتدى
المهم ديري بحث في النت باسم جدول النجوم للاطفال او جدول التعزيز للاطفال و رايحة تشوفي نماذج ان شاء الله رايحة تفيدك.
انا راني حابة نجربو مع ابني في بعض الامور كالعض و الاكل و ما الى ذلك...و ان شاء الله رايح يجيب نتيجة مرضية مع ابني .

[ام اكرم31]

شكرا اختي ربي يحفضك راح نشوف وانجربو ان شاء الله رني كل مرة نكتاشف ونتعلم حاجة جديدة مزية حطيت هاد الموضوع الاخت لينة نور عندها اسلوب حديت في التربية تبعي الحلول لي تمدها عن العض لان فيهاخت طلبت متها المساعدة في هذا المشكل ربي يوفقك اختي

[كابريسة]

مشكورة اختي نجاة

[أم أحمد عبد الصمد]

عندي نفسس المشكلة كبير عندو عامين ونصف و الثاني عاو ونصف تقريبا ، نقولك بلي الصغير قبيح على الكبير و عنيد مين يقولك لا لا بالرغم من أني نصوطهم ، مين نكونو لوحدنا يساعفوني ، بصح غير يشوفو حد يردوني مهبولة
مرات نحس أني عاجزة عن تربيتهم

[لينة نور]

السلام عليكم

عزيزتي نجاتو اعذريني على التاخر ........مدام في جعبتي ما أساعدك به لن أبخل عليك والاخوات ان شاء الله

هنا تجدين ردي على اختنا نهال ربما وجدت فيه فائدة , ولا تبخلي علينا بتعليقاتك من أجل اثراء الموضوع

كي نستفيد جميعا . والعفو لكل من شكرني ووجد خيرا فيما أكتب المهم التطبيق والمواضبة .....

[لينة نور]

المشاركة الأصلية كتبت بواسطة أم أحمد عبد الصمد

عندي نفسس المشكلة كبير عندو عامين ونصف و الثاني عاو ونصف تقريبا ، نقولك بلي الصغير قبيح على الكبير و عنيد مين يقولك لا لا بالرغم من أني نصوطهم ، مين نكونو لوحدنا يساعفوني ، بصح غير يشوفو حد يردوني مهبولة
مرات نحس أني عاجزة عن تربيتهم

السلام عليكم

تابعينا أختاه لعلنا بالحوار نفيد ونستفيد , عليك أختاه باستدراك الموقف وهم صغار .

[ام اكرم31]

الحمد لله انك لم تنسيني هههه راني كل مرة نضرب طلة على الموضوع نقول بلاك نصيب كاش فكرة نطبقها على لولادي لان افكارك رائعة وفيها فائدة كبيرة انا عن نفسي استفدت كتيرا والحمد لله .دك نشوف الموضوع تع الاخت مدابيا نزيد نتعلم من تجارب الاخريات

[احلام البرايجية]

كل الاطفال هكذا هو اكيد فيه خلل وفينا احنا الامهات وطريقة تعاملنا معاهم لازم طولي بالك معاه، هو مازال صغير وصدقيني وهذا شي شفتو في اطفال بزاف كانو بهاذ الحالة وكي كبرو عقالوا المهم انت خذي حذرك واذا كان عندك زوج عينين لازم يرجعو 10 باه تراقبي ابنك خوفا عليه من اي حادث والله يقدرك على تربيتو تربية صالحة.

[ام اكرم31]

شكرا اختي على النصيحة اسعدني مروركي

[أم الريحانة]

المشاركة الأصلية كتبت بواسطة sara160349

مشكورة اختي بصح كيفاش تتحكمي في ثورة الغضب تاعك اتجاههم يعني انا هذا هو سؤالي انا نعيا نحكم في روحي لكن ما نقدرش مع العناد و الله نضرب ضرب مبرح مع انهم واحد ثلاث سنوات و الاخر عام و نص

هذا خطا كبير ترتكبيه
صدقيني الضرب لا ينفع
انا عندي بنت 5 وفص والولد 3 سنوات
المهم كنت نظرب لكن بنتي ولات تحرن وابني اكثر منها
وقريت نصائح خذيت بيهم والحمد لله الان ما نضربهمش الا قليلا
وكذلك عملتلهم جدول كتبت تصرفاتهم لي نحب تتغير مثل البكاء او ضرب بعضهم وكذلك غسل الاسنان والنوم مبكرا وانهاء الصحن وووووو الخ
المهم الورقة معلقة في الصالون فيها ايام الاسبوع
والواجبات
اذا لما يعمل تصرف حسن عندو وجه مبتسم مقل هذا
واذا قلقني عندو وجه مقلق مثل هذا
هاذو لوصايقات شريتهم
وكل واحد يلصق نتاعو في نفاية اليوم
وطبعا النتيجة كانت رائعة والحمد لله
مننساوش لي ياخذ كثيرا من الوجوه المبتسمة عندو هدية صغيرة بسيطة والاخر يحرم باش يفهم
ان شاء الله تفيدكم النصيحة وربي يصلح ابناء المسلمييييييين