أكلات خاصة بفترة النفاس

القرآن راحتي · 2014-01-17, 16:54

السلام عليكم
في الحقيقة انا سألد قريبا ان شاء الله، وما ابحث عنه هو وصفات لأكلات معينة تُحضر خلال النفاس تعين المرأة على استعادة عافيتها سريعا وعلى إرضاع مولودها، فأرجو من كل أخت ان تفيدني بتجربتها او تجربة واحدة من أقاربها او اختها وماشابه لانه آيس هناك من اطلب منه المساعدة فقلت لعلي اجدها بينكن.... وجزاكم الله خيرا مُسبقا وادعوا لي ان يسهل الله ولادتي

ام طيري الجنة · 2014-01-17, 17:48

الله يسلكك على خير و تقومي بالصحة و العافية
انا اللي نعرفه اختي ان النافسة يديرولها طمينة سبيسيال هي كيما الطمينة العادية بصح يكثرو فيها كل انواع المكسرات .
بالاضافة الى الكبدة و الطحال اللي يزيدولها الدم اللي ضاع منها و كذلك السمك فهو جد مفيد على خاطر يدير الحليب للبيبي ان شاء الله ربي يفرحك و تجيك سويعة ساهلة ماهلة ااااامين يا رب و يفرح كل وحدة بصح ما تنسايش تدعينا معاك
و اذا تفكرت حاجة راح نقولك

sofiane2075 · 2014-01-17, 18:39

اولا ربي يسلكك على خير و يرزقك الدرية الصالحة ان شاء الله اولا بما انه الحال مازال بارد اتهلاي في روحك البسي مليح يعني دفي روحك و حزمي دهرك و بعدي على على التلفاز و الميكرو و الجرائد راهم يضرو العينين اما عن الاكل اولا لازم البسيسة و التيزانة لان البسيسة مغدية و ادا ماعرفتيهاش شوفي هاد الرابط

https://www.djelfa.info/vb/showthread.php?t=1189425

و الاخت كاكينوفا ما قصرتس و حطتها بالتفاصيل الله يجازيها كل خير

كولي اللحوم خاصة المشوية او مقلية بصح ماتطيبيهاش بزاف و اشربي الحليب مع مشتقاته لانه يعطيك الحليب و ايضا العدس مليح

sofiane2075 · 2014-01-17, 18:45

جزر وعدس: أكل الجزر الطازج يومياً والمصنوع على شكل سلطة مع قليل من الزيت، أو عصير الجزر مع ملعقة من القشطة مذابة فيه، وكذلك طبيخ العدس يساعد على إدرار الحليب.

الحـلاوة الطحينيه,, المكسرات جميع انواعها,,التمر,,,العسل ,,البابونج ,,الخضروات وخاصه الورقيه,,مربي,,,اللحوم البيضاء ,,,الكبد . السمك ,,,,, النعناع,,,,,جوز الهند (النارجين),, المشمش المجفف والفواكه المجففه,,,,
الشوربات الصحيه بدون زيت.
وسبحان الله كل ما يمص الطفل الصدر يزيد الحليب قدرة الاهيه عظيمه

في مقوله تقول ((ما يكثر الحليب الى الحليب))حليب قليل دسم واجبان قليله دسم,

lamiak1 · 2014-01-17, 20:14

koli tamr aw gharss

ام طيري الجنة · 2014-01-18, 10:46

انصحك اختي ايضا بهذا المشروب لانه مفيييد جدا
https://www.djelfa.info/vb/showthread...ferrerid=50597

القرآن راحتي · 2014-01-18, 11:50

الله يسلكك على خير و تقومي بالصحة و العافية
انا اللي نعرفه اختي ان النافسة يديرولها طمينة سبيسيال هي

كيما الطمينة العادية بصح يكثرو فيها كل انواع المكسرات .
بالاضافة الى الكبدة و الطحال اللي يزيدولها الدم اللي ضاع منها و كذلك السمك فهو جد مفيد على خاطر يدير الحليب للبيبي ان شاء الله ربي يفرحك و تجيك سويعة ساهلة ماهلة ااااامين يا رب و يفرح كل وحدة بصح ما تنسايش تدعينا معاك
و اذا تفكرت حاجة راح نقولك

بارك الله فيك أختي ورزقك من حيث لا تحتسبين

القرآن راحتي · 2014-01-18, 11:55

Sofiane2075
جزاك الله خيرا على الرابط وعلى المعلومات

القرآن راحتي · 2014-01-18, 11:57

Lamiak1
بارك الله فيك أختي

القرآن راحتي · 2014-01-18, 11:58

أم طيري الجنة
جزاك الله خيرا مرة أخرى

خربشة ناعمة · 2014-01-18, 12:25

اختي احنا عندنا باش النافسا ترفد روحا بالخف يحمرولها جاجة بالاعشاب..يجيبوا جاجة تكون صغيرة شوية تكون مغسولة منقية مليح و يمسحوها كامل بشوية ملح و فلفل اسود و يحطوها في قدرة تغلي لمدة 20 دقيقة
من بعد يصفيوها و يحضروا خليط الاعشاب الزعتر مطحون القرنفل مطحون و كذلك الفليو و اكليل الجبل و النعناع مطحونين و الزعيترة و شوية فقط زنجبيل مطحون اضافة للكمون و كروية و فلفل اسود..هادو كامل يخلطوهم مليح و يحكوا بهم الجاجة مليح مليح مع الزبدة الحرة..و يحمروها فالكوشة و من بعد يعطيوها للنافسا تاكلها ..اما المرقة اللي طابت فيها الجاجة من قبل يطيبلها حساء الخضر مع الاعشاب المنكهة مثل المكرافس .

الله يعطيك وقفة ساهلة و تفرحي بشوفة وليدك...

القرآن راحتي · 2014-01-18, 12:53

اقتباس:

المشاركة الأصلية كتبت بواسطة خربشة ناعمة

اختي احنا عندنا باش النافسا ترفد روحا بالخف يحمرولها جاجة بالاعشاب..يجيبوا جاجة تكون صغيرة شوية تكون مغسولة منقية مليح و يمسحوها كامل بشوية ملح و فلفل اسود و يحطوها في قدرة تغلي لمدة 20 دقيقة
من بعد يصفيوها و يحضروا خليط الاعشاب الزعتر مطحون القرنفل مطحون و كذلك الفليو و اكليل الجبل و النعناع مطحونين و الزعيترة و شوية فقط زنجبيل مطحون اضافة للكمون و كروية و فلفل اسود..هادو كامل يخلطوهم مليح و يحكوا بهم الجاجة مليح مليح مع الزبدة الحرة..و يحمروها فالكوشة و من بعد يعطيوها للنافسا تاكلها ..اما المرقة اللي طابت فيها الجاجة من قبل يطيبلها حساء الخضر مع الاعشاب المنكهة مثل المكرافس .

الله يعطيك وقفة ساهلة و تفرحي بشوفة وليدك...

بارك الله فيك فعلا فكرة جيدة وَبَارك الله فيك على الدعاء

غزة في عيوني · 2014-01-18, 13:05

ربي يسلكك على خير وتشوفي وليدك وتفرحي بيه حنونة حبيت نطلب منك طلب ارجووووووووووووووك ارجوووووك ادعيلي ربي يرزقني الزوج الصالح عااااااجلا ارجووووووووك امانة في رقبتك ما تنساينيش وربي يعطيك وقفة ساهلة نسيتك وتاني التمر والعلف نتاعو يساعد على تسهيل الولادة غلي العلفة نتاع التمر واشربيها وربي يكون معاك

القرآن راحتي · 2014-01-18, 13:22

اقتباس:

المشاركة الأصلية كتبت بواسطة غزة في عيوني

ربي يسلكك على خير وتشوفي وليدك وتفرحي بيه حنونة حبيت نطلب منك طلب ارجووووووووووووووك ارجوووووك ادعيلي ربي يرزقني الزوج الصالح عااااااجلا ارجووووووووك امانة في رقبتك ما تنساينيش وربي يعطيك وقفة ساهلة نسيتك وتاني التمر والعلف نتاعو يساعد على تسهيل الولادة غلي العلفة نتاع التمر واشربيها وربي يكون معاك

عهد مني أختي حين تأتي ساعة الولادة ان أدعو لك بما ان ذلك الوقت وقت استجابة وحتى لا أنسى سأكتبها وأتركها معي واسأل الله ان يرزقك الزوج الصالح عاجلا غير آجل وان يرزقك الذرية الصالحة انت وبنات المسلمين

القرآن راحتي · 2014-04-06, 18:30

اقتباس:

المشاركة الأصلية كتبت بواسطة القرآن راحتي

عهد مني أختي حين تأتي ساعة الولادة ان أدعو لك بما ان ذلك الوقت وقت استجابة وحتى لا أنسى سأكتبها وأتركها معي واسأل الله ان يرزقك الزوج الصالح عاجلا غير آجل وان يرزقك الذرية الصالحة انت وبنات المسلمين

السلام عليكم أختي
أودّ ان أخبرك انني ولدت والحمد لله وقد دعيت لك كماطلبتي فنسأل الله ان يستجيب الدعاء
تحياتي