ياغورت منزلي ناجح 100 ب100 من مطبخي

om mita · 2014-01-10, 19:04

السلام عليكم اخواتي
كيف الحال
اليوم جبتلكم وصفة اقتصادية وبنينة ياسر ليكم ولاطفالكم
هو الياغورت اممممممممممممممم
المقادير :
لتر حليب _ نصف لتر بارد ونصف حطيه يغلي _
4 ملاعق لحظة انا استعملت لويا
3 ملاعق سكر عادي
1/2 ملعقة كبيرة فاني
علبة ياغورت اي نكهة انا استعملت بطوش
نحتاجو كوكوطة فيها ماء يغلي لما تكوني تحضري
التحضير :
نخلطوا كل المكونات غير نصف لتر من الحليب الي راه يغلي
لما نحركوها مليح وتمتزج نضيفوا عليها الحليب ولازم يكون غالي بزاف
نصبوها في الكيسان
ونحطوا الكيسان في الكوكوطة الي فيها ماء غالي
نغلقوا الكوكوطة ونديرولها الصفارة وتبات ليلة كاملة
وملازمش تفتحيها او تحركي كوكوطة
وهاو ليكم واجد امممممممممممم بنيييييييييييييين

شفتوا كيفاه متماسك
نشاله تجربوه وتنجحو فيه وتدعيولي دعوة باهية
ملاحظات
الكوكوطة ملازمش تفتحيها
اذا فتحتيها ولقيتيه مزال مجمدش مليح يعني سائل بزاتف متخافيش عاودي غلي الما وحدو وحطي فيه الكيسان وعاودي اغلقي عليه
لما راح تحطيه في اليثلاجة راح يجمد اكثر
يمكن اضافة منكهات او ملونات لاعطاءه ذوق مميز وهنا استعملي فاني او طبيعي با ميتخلطوش الاذواق
تقدري ديري سوبيركرام من فوق راح تعطيه ذوق ررائع
اذا تفكرتشي حاجة راح نعاود نحطها
ارجوا ان ينال اعجابكم

أم إناس · 2014-01-10, 19:18

ام ميتا عجببتني ألطريقه حنونة وَبَارِكْ الله فيك
وعجبتني الكسر لي وراء الياغورت شكرًا

أم محمد تاج · 2014-01-10, 19:24

ممممممممممممممممممم ام ميتا يهبل يعطيك الصحة حنونة

أم ياسين الزهراء · 2014-01-10, 19:36

تستاهلي احلى دعوة خير ربي يوفقك ويحفظك

هايل عجبني التقليبة انتاعو واوووووووووووووووووو

lamis.imen · 2014-01-10, 19:42

يعطيك الصحة اختي روعة

idron0 · 2014-01-10, 19:54

يعطيك الصحة حنونة

om mita · 2014-01-10, 20:11

شوفي ام ادم واية الماء لازم يغطي الكاس فوق النص بشوية لانو انت والكاس تاعك
انا هذ الكمية دارتلي 6 كيسان كيما الي فالصورة
يعني ممكن الكاس تاعك اقل او اكثر من الكاس تاعي
خليها اقل شي 12 ساعة وافتحي
اذا جمد الى الثلاجة واذا لقيتيه سائل كيما داناب نحي الكيسان عاودي غلي الما مليح ورجعيهم واغلقي كوكوط وخليها 4 ساعات اخرى