مشاركتي المتواضعة في مسابقة كيكتي الاجمل

[فريال88]

السلام عليكم جميعا هذه ثاني مشاركة لي في هذا القسم و انشاء الله ماتكونش الاخييييييييييييرة و لو انه الامكانيات بسيطة قلت نشارككم بكيكتي المتواضعة

نبداو بسم الله بمقادير الكيكة و هنا كل وحدة واش تعتمد الجنواز تاعها انا درت المقادير التالية و اسمحولي ما صورتش هذه المرحلة لانه كنت وحدي

المقادييييييييييييييييييير

5 بيض نضربوهم مليييييييح مع 150غ سكر حتى يذوب السكر و نضيف قشور الليمون او لفاني و نزيد 150غ فرينة

هذا واش فيها هي وصفة سهلة و اقتصادية و مافيهاش الخمارة بلاك تقولو نسيتها

ندهن مول دائري و نفرغها و ندخلها للفرن تطيب بعدما توجد نحطها تبرد جيدا قبل الاستعمال

بعدما ترتاح نحاول بسكين نفرغها من الداخل لكن الدائرة اللي من فوق مانكسرهاش لازم تقعد هاكك باش نعاودو نرجعوها فوق الكيكة

نضع داخل الكيكة فواكه جافة و نزيد فواكه حسب الرغبة انا درت موز و اناناس ثم نطيب فلان عادي تاع لفاني لكن نديرو العلبة كلها في نصف لتر

حليب و ليس لتر كامل باش تجمد سريعا و نفرغها فوق الفواكه داخل الكيكة و نخليه في الثلاجة حتى يشد روحو تماما

بعدها نغطي الكيكة بالدائرة اللي كانت جانبا و نغطيها بالشانتيي و نزين حسب الرغبة انا وضعت في الوسط ديكوجال كراميل و زينت من فوق

بالاناناس تاع العلب و كرز مجفف و اصابع القوفرات ذوق كراميل يعني كييييييييكة بسيطة حسب الامكانيات

و الصور توضح












































نتمنى تعجبكم و تنال رضاكم و انشاء الله في مناسبة اخرى سلامممممممي لكن و بالتوفيق لكل المتسابقات