اخيييييييييييييييييييييرا قدرت نشارك شوفو واش رايكم في مشاركتي

احلام 10 · 2013-12-23, 10:41

السلام عليكم بنات بعد 4 ولا 5 ايام من المحاولات الفاااااااشلة في تصغير حجم الصورة ياش نقدر نشارك معاكم اليوم صلحتلي لاني ماعنديش البرنامح اللي قالت عليه ام رامي وبقيت نحاول بالفوتوشوب اللي اول مرة تستعملو المهم هادي الصورة تاع نوع من الخبز بالنوتيلاواللي عجبها تقولي نكتبلها المقادير

يالله راح نكتبلكم المفادير وسامحوني طولت عليكم راهو كي حطيت الصورة بقيت نهار ولا نهارين ندخل للموضوع مالقيتش ردود مالا قلت ماعجبهمش على هكا مازدتش دحلتله بالكل غير اليوم حبيت ندير موضوع اخر دخلت لموضوعي لان الاخت نوال حطتلي رابط قلت نشوفه مالا لقيت ردودكم
المهم
المقادير
تقريبا رطل فرينة
2 مغارف اكل خميرة خبز
نص كيس خميرة كيميائية
شوي حليب بودرة او سائل
3 معارف كبار زبدة
شوي زيت
2 بيض+بياض بيضة
3 مغارف سكر
شوي ملح اثناء الخلط
الحشو
اما نوتيلا كيما درت نايا
او بالفواكه بنان وتفاح مقطعين
او زبيب وقطع شكولة
طريقة التحضير
حطي جميع النواشف وبسسي بالزبدة والزيت واضيفي البيض واخلطي بالماء الدافيء او ادا مادرتيشي حليب بودرة لمي بالحليب السائل يكون دافيء وضعيها في اناءوغطيها واتركيها تتخمر وبعد مدة ضربيها من 4 الى 5 مرات (يعني كل مرة منين تتخمر هبطيها ودخليها في بعضاها) ثم حليها على طاولة مرشوشة بالفرينة وديري فيها الحشو وروليها وديريها في مول كيك طويل وحطيها في الكوشة على 180 او 200 درجة وماتخدعكشي ماهوشي كي تشوفيها بدت تحمار تخرجيها زيدي خليها تخمار ملييييييييح من فوق بلا ماتشعلي الفوقانية وكي تطيب اول ماتخرجيها ادهنيها بالكنفتير ودري عليها الجلجلان وطي تبرد اقسميها
[/size]