حبيت نجرب حاجة بالكريستال...فأرجو المساعدة

صاحبة السمو الفكري · 2013-12-07, 22:50

السلام عليكم ورحمة الله وبركاته
هههه ركزوا معايا يالشاابااات رح نحكيلكم حياتي
انا كنت نشلوف يف قناة سميرة مع عجوزتي وحماتي ومن بعد لقيت واحدة تصنع اشياء حلوة بالكريات السحرية نطق الفم نتاعي (بلا ما يشاورني) وقال هذو ساهلين نصنعهم بلخف....
قالت لي حماتي شييييييييييييييييييش واصنعي
قلت لها امالا يومين ونجيبلك حاجة من صنع يدي
ههههههه وباصيت روحي
ارسلت اليوم زوجي للمحل قالو اعطيني الكريات السحرية ديجا بسلامتي وسلامتوا ماعرفناش بللي فيهم انواع رح جابلي كروية الشكل
ومن بعد قالوا اعطيني الخيط للي يتركب فيهم
اعطالو خيط خشين شوية حتى دخلت للمنتدى ولقيت الحالة بالارقام واحنا زي الاطرض في الزفة
درك راه قدامي كريات بيضاء كروية وخيط خشين ماعلاباليش واش من رقم
وزوجي الله يجازيك جابلي من الصنارة تع الصيد نتاعو خيط رقييييييييق وماعلاباليش واش من رقم
واش ممكن نصنع بيهم؟؟
الحمد لله تعلمت كيفاش نصنع شكل تع ربعة لكن صنعتو بالخيط للزوج للي خرج بالخيط الخشين خرجت خشينة وواقفة والاخرى بالخيط الرقيق مرنة
وانا حابة نصنع كاس وحامل مناديل
بااااااااااااااااغية نخلع حماتي وعجوزي عاونونييي وماتخلوش وجهي يطيح هههه

نهال13 · 2013-12-07, 23:32

شوفى اختى كى دخلت فيها حامتك انا نقلك شوفى اشرى الكريستال شكل دائرى وخيط الصنارة رقم 9 باه ججيك الخدمة واقفة و غدوة نحطلك حاملة المناديل لخدمتها والكاس ولا عجبوك نعتلك كفاه

صاحبة السمو الفكري · 2013-12-07, 23:41

انا خلاااااااص شريت وخيط الصنارة ليل راه عندي خشين امالا هو رقم 09 على حسابو
وراني شفت الحاملة نتاعك والكاس راائعين وحبيت نخدم كيفهم
انا نروح لدار شيخي الخميس الجاي ان شاء الله زعمة نكون فلحت فيهم؟؟

نهال13 · 2013-12-07, 23:44

ان شا الله تخدمهم وتديهم معاك لانو خدمتهم ساهلة ومتديش الوقت

sakura be · 2013-12-08, 10:37

اختي والله اول ماكنت نقرا في السطور الاولى قلت ماتنفعك غير مواضيع الاخت سنوم 33*الاخت انيقة والاخت نهال وكي شفت الردود لقيت الاخت نهال هنا ومتهليه فيك امالا ماتخافيش راها دك تساعدك لانها ساعدتني من قبل وعندها خبرة في الموضوع راكي في ايد امينة ماتخافيش ههه

نهال13 · 2013-12-08, 20:26

مسا الخير ساكورة حنونة بال مزيتى هنا في المنتدا لتقدر تعاون ختها شوفى اختة صاحبة اليمو تحوسى تخدمى هدو؟
اسمحيلى عل الصور بةرتابلى ل راح للخدام ما ولا انى نصور غير بالكام تاع الميكرو ولا عجبوك نبدا نحطلك الطريقة ونفهمك

صاحبة السمو الفكري · 2013-12-08, 22:04

ايووووووووووة هوما للي نحوس نخدمهم

ايمان اسماء · 2013-12-09, 10:31

بووووووووووووووووووووووووووووووووووركت

alilou90 · 2013-12-22, 11:53

اخت نهال 13انا كذلك مبتدئة اول مرة اعمل الكريات السحرية عملت حامل المنادبل بكريات مربعة كبيرة الحجم و استعملت خيط رقم 0.7 لكن لا اعلم اذا العمل صحيح لانو الجوانب لحامل المنديل غير تابتة جيدا اي اذا امسكت حامل المنديل من الجانب يفتح قليلا نشاء الله تكوني فهمتي سؤالي

امل الخنشلية · 2013-12-22, 13:55

ربي يكون معاك اختي انا تعلمت من هدا المنتدى باين بلي راسك خفيف اشطاري وتبعي الاخوات دوك تخرجي فيهم فوووووووووووووووووور

coco2 · 2013-12-22, 20:48

choufi edourous ta3 el okht anika

نهال13 · 2013-12-23, 07:26

اقتباس:

المشاركة الأصلية كتبت بواسطة alilou90

اخت نهال 13انا كذلك مبتدئة اول مرة اعمل الكريات السحرية عملت حامل المنادبل بكريات مربعة كبيرة الحجم و استعملت خيط رقم 0.7 لكن لا اعلم اذا العمل صحيح لانو الجوانب لحامل المنديل غير تابتة جيدا اي اذا امسكت حامل المنديل من الجانب يفتح قليلا نشاء الله تكوني فهمتي سؤالي

شزفى اختى اخدمى بالخيط السنارة رقم تسعة وهدى لخدمتها عودى مرى الخيط عليها ضك تصح

صاحبة السمو الفكري · 2013-12-24, 15:37

طيب ينفع نصنع حامل المناديل بكريات كروية؟؟
وشحال نخدمهم بالمربع ياك؟؟

نهال13 · 2014-01-08, 23:05

مساء الخير اختى انى حطيتلك طريقة عمل حاملة الطراشن واى استفسار انا في الخدمة