مادلان في مول السيليكون من قناة سميرة

[بريق الامل&]

البسملة1

كنت شفت هذ المادلان في قناة سميرة وبرغم اني عندي وصفات مادلان معتمدتها ساهلة وناجحة اخذني الفضول ان استكشف بنة وطريقة طياب هذ المادلان وخاصة انه للسيدة بن بريم غنية عن التعريف استاذة حلوى راقية وبماانو الكتاب متوفر عندي رحت شريت مول سيليكون خاص بهذ الشكل من المادلان شكل كلاسيكي موالفين نشروه مادلان واجد عرفتوه ؟
ايا جبدت كتابي



وحليت الصفحة



المقادير راهي واضحة ليكم
حطيتها وخلطت في البيتران وعمرت الخليط في لابوش
هذي ما عنديش دوي سامبل بصح ما يهمش الخطوط تروح اثناء الطياب



دهنت المول بالزيت

وشعلت الفور في 200 وطيبت في 180 وكل وحدة والفرن تاعها مش شرط نتقيدو بدرجة الحرارة
ها هو طاب حمرتو شوية

البلا الاخر نقصت شوية في الطياب ما حمرتوش بزاف
ها هو من الوجهين

من الداخل



نتمنى يكون عجبكم كما عجبني
فقط ملاحظة بانلي حلو شوية وكنت تعلمت من السيدة رزقي ديما نقصي مغرف سكر الله يذكرها بالخير تعلمت منها الكثير
المرة الجاية انقص السكر
وثاني الملح ندير ذرة مش قرصة
المهم خرج مليح نوع جديد والاهم الشكل كما تاع برا وبنة قشور القارص روعة ولحلاوة مسألة ذوق ما تنقصوش حتى تذوقو



سلاااام