فهموني واش معناه هذا التصرف مخي حبس - الصفحة 2

المتيقنة بالله سارة · 2013-10-20, 18:47

السلام عليكم حاولي تستفسري على الامر بلاك هو مرغم على زواج...ومش في نيتو يتزوج علابيها يدير هكذا..........يعني راه يدير وش قاتلو يماه طاعة برك.ولا كاان عندو وحدة وسمحت فيه

ranou gigi · 2013-10-20, 20:06

ممكن اكون حاشم لكن هذا مايحكيش معاك حتى بي البورتابل من حكاياتوا تقدري تعرفيه اذا بغيك او لا
يابنتي بعد الزواج ابان الشئ

khawlita.dz · 2013-10-20, 20:38

غريب امره
انصحك بفك اللغز واطلبى مقابلته و ان اظطررت مصارحته و اسالى عنه جيدا و تاكدى
المسالة مسالة زواج
فلا تتهاونى

اسمهان79 · 2013-10-20, 21:14

هنا لازم كونان يحل اللغز هههههههههه
ربي يكون الخير أختي

samjit · 2013-10-20, 21:38

السلام عليكم

أختي حقا الأمر غريب

لكن قبل أن تعقدي رسميا كان يجب أن تتحدثي معه وتتلاقايه

كي قبلتوا ببعضاكم كنتي تمديلوا رقم الهاتف تاعك وتحكوا تتلاقاو تعرفوا شوية بعضاكم ورايكم ببعض مباعد باش تعقدي رسميا

علاش يديروا فترة الخطوبة باش تتحدثوا والى معجبتوش بعضاكم ومتفاهمتوش يا دار مدخلك شر كل واحد يحكم طريقوا

نتي غلطتي كي عقدتي ديراكت بلا محدثتيه حتى مرة

الآن لي يلزمك تشوفي موعد تتلاقايه فيه تقوليلوا وش مقلقك وش مش عاجبك تقولي واش حابا هو تاني لازم يصارحك

تما تقدري تاخذي القرار الصحيح لكان تكملي ولا تبطلي

لأن الزواج مش لعبة راه مسؤولية كبيرة وحياة كاملة

ربي يعينك ويوفقك لكل خير نشالله

وردة حياتي · 2013-10-20, 23:28

راكي روطااااااار يا الفحلة من الاول مباينة ماشي نورمال واش تسناي بعد الفاتحة بقى الدخول حتى لتم باش تحوسي تعرفي السبب ؟؟؟؟ كي تعرفيه هذاك الوقت تكون طفرت فيييييييييييييك

بسمه العمر · 2013-10-21, 08:47

السلام عليكم ورحمه الله وبركاته
اختي المساله حشمه لا اكتر ولا اقل
ودام قريتي الفاتحه كتري من الاستخاره ولا تخلي الشك يغلبك
نفس المشكله صارت مع ابن اختي
من اربع سنوات لما رايح يتزوج قال لوالدته انتي شوفي لعروسه
اختي قصدتني عجبتها بنت جيراني المهم
جات وشافتها وعجبتها ومن بعد اجى هو وشافها شرعي يعني بوجود والدته ووالدتها المهم
ايامات وسالتني بنت جيراننا قالتلي اعطيني رقم تليفونه حابه تهدر معاها انا جاني الموضوع عادي بصح قلت لها خلي حتى نقوله
كان في بالي يقلي اعطيها نورمال
لقيت رده بالرفض
المهم لما خبرتها صارت عندها شكوك ومخاوف وقعدت تقارن زوج اختها فلانه وزوج بنت عمها
انا ماحبيت نزيد نقوله
لاني اعرفه جدي في كلامه وفي كل تصرفاته ويحكمه عقله قبل اي شئ
ومش حاب يتعرف عليها ولا يخرج معاها غير لما يتزوجوا
المهم و النهايه هي الحين اسعد مخلوقه ع الكون والله العظيم هي الحقيقه .
ملتزم معاها ومحافظ عليها خير من الازواج لكانت تقارن بينهم
حابه نقولك يااختي مكان حتى حاجه تخوف ولي مقدره لكي ربي راح تشوفيه انتي استخيري واكتري الدعاء رايته او عدمها مش مشكله
هي وساوس دخلت راسك حاولي تتغلبي عليها
وربي يوفقك وانصحكي بالاستخاره ثم الاستخاره ربي الوحيد لي يقدر ينور قلبك وطريقك للخير

ABDOU ELE · 2013-10-21, 09:41

اقتباس:

المشاركة الأصلية كتبت بواسطة بسمه العمر

السلام عليكم ورحمه الله وبركاته
اختي المساله حشمه لا اكتر ولا اقل
ودام قريتي الفاتحه كتري من الاستخاره ولا تخلي الشك يغلبك
نفس المشكله صارت مع ابن اختي
من اربع سنوات لما رايح يتزوج قال لوالدته انتي شوفي لعروسه
اختي قصدتني عجبتها بنت جيراني المهم
جات وشافتها وعجبتها ومن بعد اجى هو وشافها شرعي يعني بوجود والدته ووالدتها المهم
ايامات وسالتني بنت جيراننا قالتلي اعطيني رقم تليفونه حابه تهدر معاها انا جاني الموضوع عادي بصح قلت لها خلي حتى نقوله
كان في بالي يقلي اعطيها نورمال
لقيت رده بالرفض
المهم لما خبرتها صارت عندها شكوك ومخاوف وقعدت تقارن زوج اختها فلانه وزوج بنت عمها
انا ماحبيت نزيد نقوله
لاني اعرفه جدي في كلامه وفي كل تصرفاته ويحكمه عقله قبل اي شئ
ومش حاب يتعرف عليها ولا يخرج معاها غير لما يتزوجوا
المهم و النهايه هي الحين اسعد مخلوقه ع الكون والله العظيم هي الحقيقه .
ملتزم معاها ومحافظ عليها خير من الازواج لكانت تقارن بينهم
حابه نقولك يااختي مكان حتى حاجه تخوف ولي مقدره لكي ربي راح تشوفيه انتي استخيري واكتري الدعاء رايته او عدمها مش مشكله
هي وساوس دخلت راسك حاولي تتغلبي عليها
وربي يوفقك وانصحكي بالاستخاره ثم الاستخاره ربي الوحيد لي يقدر ينور قلبك وطريقك للخير

كفيت ووفيت

بثينة 123 · 2013-10-21, 09:42

هذا الرجل يحشم وهذي حاجة مليحة فيه اصبري عليه اكيد بعد الزواج يتغير لانو ربما ماشي موالف يهدر مع النساء , بلاكي تخربي حياتك بيدك اصبري عليه وربي مايجيب غير الي فيه الخير تفائلي , بالتوفيق والف مبروك .

السيدة كرمين · 2013-10-21, 10:54

كان لازم تسألي قبل العقد لاه تخلي روحك لدرك
* قبل الدخول لازم تشوفيه وتهدري معاه وتتأكدي منوا
أنوا راغب الزواج بك وليس لأن والدته أرادت ذلك فهذا هو الواضح من كلامك أنتي
وكما صورتي القصة

حمزه أبو مريم · 2013-10-21, 11:28

اقتباس:

المشاركة الأصلية كتبت بواسطة لمعة السيف

وعليكم السلام
اختي الرؤية الشرعية واجبة ومطلوبة في دين الله حتى يكون التراضي بينكما سواء هو او انت ..
تشاهد المخطوبة مع محارمها او تكون في مكان عام او ان شئت بصورة .. المهم حصول الرؤية بلا خلوة
و المعاينة عندي افضل من الصور.وتلك .العادة التي شاعت بين الناس من خروج الخاطب مع مخطوبته للتنزّه والخلوة بها و نحوه هذا كله من المحرمات لانها اجنبية عليك..حتى حصول على العقد الشرعي لكن مع هذا فالتتجنب الضرر كثيرا ...
كان الاجدر بك ان تطالب بهذا شرعا وحقك قبل العقد الشرعي وان رفض ذلك كان عليك رفضه لانه مطلب شرعي لا حرج فيه
رخص لك حكم الله رؤيتة الخطاب بضوابط فلماذا هو يرفض ..لو كان مطلبك هذا قبل الخطبة لما كان كل هذه االحيرة منك
اختي بعدنا عن دين الله وعن احكانه هو سبب كل المشاكل ..أخرج بن ماجه عن أنس بن مالك أن المغيرة بن شعبة أراد أن يتزوج امرأة فقال له النبي صلى الله عليه وسلم اذهب فانظر إليها فإنه أحرى أن يؤدم بينكما ففعل فتزوجها فذكر من موافقتها ) .
و أخرج بن ماجه بسند صحيح عن المغيرة بن شعبة قال أتيت النبي صلى الله عليه وسلم فذكرت له امرأة أخطبها فقال اذهب فانظر إليها فإنه أجدر أن يؤدم بينكما فأتيت امرأة من الأنصار فخطبتها إلى أبويها وأخبرتهما بقول النبي صلى الله عليه وسلم فكأنهما كرها ذلك قال فسمعت ذلك المرأة وهي في خدرها فقالت إن كان رسول الله صلى الله عليه وسلم أمرك أن تنظر فانظر وإلا فأنشدك كأنها أعظمت ذلك قال فنظرت إليها فتزوجتها فذكر من موافقتها ) .
قال الترمذي رحمه الله ( هذا حديث حسن وقد ذهب بعض أهل العلم إلى هذا الحديث وقالوا لا بأس أن ينظر إليها ما لم ير منها محرما وهو قول أحمد وإسحق ومعنى قوله أحرى أن يؤدم بينكما قال أحرى أن تدوم المودة بينكما ) .
لهذا اطلبي من اخوتك ورؤيته ووضع النقاط على الحروف لكي تعرفي طبيعة من ستتزوجين وحينها يمكنك ان تستمري او تفسخي الخطوبة ربما هناك خلل في الزيجة ربما الخاطب ايضا مرغما وهو لا يريد هذه الزيجة لان الرجل الذي يريد الزواج تجده يتلهف
في رؤية الزوجة المستقبيلة ولو كان خجولا وهذا حقه وحقك انت ايضا فهذا غريب وان في الامر قصة فلا تتسرعي حتى تندمي في الآخر
استفسري عن الامر قبل فوات الاوان وفقك الله ..

بعدها جاء و شفتي نصف دقيقة و قال عجبتني و موافق عليها

وبهذا حصلت الرؤية ..