السلام عليكم
خوتي نبيع ليباطري تاع الارانب مي كاينة حاجة هما فيهم ليمودال بزاف
كاين تاع طليان راهي دير 12 مليون تهز 10 كوبلات فيها وين تولد كل وحدة والعش تاعها بالسيبور تاعهم بالشرابات بالوكالات هادي وحدة هدي مليحة لواحد يخدم ليراس ملاح ويكون مولا خبرة تساعدو
كاين تاع تونس راه مايديرو 7.5 مليون هي كطيف كيف كيما تاع الطليان مي فاخدمة شوية شوية هادو ملاح لواحد ماعندوش راس المال يبدى بيها
كاين باطري عملي مي يلزمك تكمل تخدم فيه هو 40سم على 80 سم معاه ماجوار تاعو والارتفاع 35 سم بالكالفة انت تزيد تشري حديد وتخدملو سيبور وتزيد تشريلو تيتنية تاع الماء الي با يشرب فيها لقنون الوحدة تسوى 230000 ميتين وتلاتينف هادي ملحية للناس كامل يعني تشري واش تحتاج انت على حسب الكمية الي عندك وعلى حسب جيبك
وراني نربي ارانب وبصراحة كامل نحبو نبروفيطيو فالمصاريف مي تاع السودور وتاع تخدمو بالحطب اني جربتهم كامل والله مايصلحو هادي اللخرة تاع 230000 هي افضل حل
وبالنسبة للأخ you you aranib كاينة سولالى تاع الارانب دات حجم كبير تقريب قد الكلب سمعت بلي راهي كاينة فالجزائر انا ت فوطواتها فالانترنت برك ادا عندك هاد السلالة نشري عليك
ربي يوفقك جميعا خوكم عادل من قسنطينة حامة بوزيان اي استفسار على الرانب الحمام و الفقاسات الصيصان بيوت البلاستيك مرحبا بيكم
( تقرير عن مشاركة سيئة )، و الموجودة أسفل كل مشاركة .
2013-09-20, 22:29
العرض الشجري